ກອງກຳລັງຊາອຸດິອາຣະບີ ໃຊ້ປະຕິບັດການໂຈມຕີໃນເຢເມນອີກ

- advert banner 728 90 728x90 - ກອງກຳລັງຊາອຸດິອາຣະບີ ໃຊ້ປະຕິບັດການໂຈມຕີໃນເຢເມນອີກ

ກອງ​ກຳລັງ​ພັນທະ​ມິດ ນ​ຳ​ໂດຍ​ຊາ​ອຸ​ດິອາຣະ​ບີ ອອກ​ປະຕິບັດ​ການ​ໂຈມ​ຕີ​ອີກ​ເທື່ອ​ໜຶ່ງ​ໃນ​ວັນ​ທີ 13 ມິຖຸນາ​ນີ້ ທີ່​ເມືອງ​ໂຮ​ເດ​ດາ ຂອງ​ເຢ​ເມນ ຖື​ເປັນ​ການ​ສູ້​ຮົບ​ຄັ້ງ​ໃຫຍ່​ທີ່​ສຸດ​ໃນ​ສົງຄາມ​ທີ່​ຍືດ​ເຍື້ອມາ 3 ປີ ລະຫວ່າງ​ກອງ​ກຳລັງ​ຊາດອາຣັບນິກາຍ​ສຸ​ນີກັບ​ກຸ່ມ​ກະບົດ​ຊາວ​ຮູ​ທີ​ນິກາຍ​ຊີ​ອະ​ທີ່​ອີຣານສະໜັບສະໜູນ.

- lattana 1 - ກອງກຳລັງຊາອຸດິອາຣະບີ ໃຊ້ປະຕິບັດການໂຈມຕີໃນເຢເມນອີກ

​ເຮືອບິນ​ຮົບ ​ແລະ ​ເຮືອ​ຮົບ​ຂອງ​ກອງ​ກຳລັງ​ພັນທະ​ມິດ​ອອກ​ປະຕິບັດ​ການ​ໂຈມ​ຕີ​ຖານ​ທີ່​ໝັ້ນກຸ່ມ​ຮູ​ທີ ​ເພື່ອ​ສະໜັບສະໜູນ​ປະຕິບັດ​ການ​ຂອງ​ກອງທັບ​ເຢ​ເມນ​ໃນ​ການ​ກວາດ​ລ້າງ​ກຸ່ມ​ກະບົດ​ຈາກ​ພື້ນທີ່​ທາງ​ໃຕ້​ຂອງ​ເມືອງ​ໂຮ​ເດ​ດາ. ​ເຫດ​ໂຈມ​ຕີ​ເລີ່​ມຂຶ້ນພາຍຫລັງ​ໝົດ​ກຳນົດ​ເສັ້ນຕາຍ​ທີ່​ສະຫະ​ນະຄອນ ​ເອ​ເມຣັດ ອາຣັບ (UAE) ບອກ​ໄວ້​ກັບ​ກຸ່ມ​ຮູ​ທີ​ທີ່​ຍຶດຄອງ​ນະຄອນຫລວງ​ຊາ​ນາ​ວ່າ​: ​ໃຫ້​ຍອມ​ຍົກ​ດິນ​ແດນ​ດັ່ງກ່າວ ​ເມືອງ​ໂຮ​ເດ​ດາ​ເປັນ​ເມືອງ​ທ່າ​ໃຫຍ່​ທີ່​ສຸດ​ຂອງ​ເຢ​ເມນ ​ເຊິ່ງ​ເປັນ​ເສັ້ນທາງ​ສຳຄັນ ​ແລະ ກອງ​ກຳລັງ​ລັດຖະບານ​ຍັງ​ປະສົບ​ບັນຫາ​ໃນ​ການ​ຍຶດ​ເມືອງ​ຄືນ​ຈາກ​ຝ່າຍ​ກະບົດ.