ອາເມລິກາລົງໂທດຜູ້ບັງຄັບການໜ່ວຍ ອາລັກຂາທ່ານ ຮຸນເຊນ ຂໍ້ຫາລະເມີດສິດທິມະນຸດ

- advert banner 728 90 728x90 - ອາເມລິກາລົງໂທດຜູ້ບັງຄັບການໜ່ວຍ ອາລັກຂາທ່ານ ຮຸນເຊນ ຂໍ້ຫາລະເມີດສິດທິມະນຸດ

ອາ​ເມ​ລິ​ກາປະກາດ​ລົງ​ໂທດ​ຜູ້​ບັງຄັບ​ການ​ໜ່ວຍ​ອາລັກຂາ​ນາຍົກລັດຖະມົນຕີ ຮຸນ​ເຊ​ນ ຂອງ​ກຳປູ​ເຈຍ ຂໍ້​ຫາ​ລະ​ເມີດ​ສິດທິ​ມະນຸດ. ຖື​ເປັນ​ຄົນ​ໃກ້ຊິດ​ຜູ້ນຳ​ກຳປູ​ເຈຍ​ຄົນ​ທຳ​ອິດ​ທີ່​ຖືກ​ອາ​ເມ​ລິ​ກາ​ຂຶ້ນບັນຊີ​ດຳ.

- lattana 1 - ອາເມລິກາລົງໂທດຜູ້ບັງຄັບການໜ່ວຍ ອາລັກຂາທ່ານ ຮຸນເຊນ ຂໍ້ຫາລະເມີດສິດທິມະນຸດ

- LYNXMPEE5C0C4 L - ອາເມລິກາລົງໂທດຜູ້ບັງຄັບການໜ່ວຍ ອາລັກຂາທ່ານ ຮຸນເຊນ ຂໍ້ຫາລະເມີດສິດທິມະນຸດ

ກະຊວງ​ການ​ເງິນ​ອາ​ເມ​ລິ​ກາ ຖະ​ແຫລ​ງວ່າ: ນາຍ​ພົນ ຮິງ ບຸນ​ຮຽງ ຜູ້​ບັງຄັບ​ການ​ໜ່ວຍ​ອາລັກຂາ​ນາຍົກລັດຖະມົນຕີ (PMBU) ຖືກ​ລົງ​ໂທດ​ເພາະ​ເປັນ​ຫົວໜ້າ​ໜ່ວຍ​ທີ່​ພົວພັນ​ກັບ​ການລະ​ເມີດ​ສິດທິ​ມະນຸດ​ຢ່າງ​ຮ້າຍ​ແຮງ. PMBU ກ່ຽວຂ້ອງ​ກັບ​ເຫດການ​ຕ່າງໆ ຢ້ອນ​ກັບ​ໄປ​ນັບ​ແຕ່​ປີ 1997 ​ເຊັ່ນ: ​ເຫດ​ທຳຮ້າຍ​ນັກ​ການ​ເມືອງ​ຝ່າຍ​ຄ້ານ​ທີ່​ສະມາຊິກ PMBU 3 ຄົນ​ຖືກ​ຈຳ​ຄຸກ ​ແຕ່​ເມື່ອ​ພົ້ນ​ໂທດ​ພັດ​ໄດ້​ຮັບ​ການ​ເລື່ອນ​ຕຳ​ແໜ່​ງ​ໃຫ້​ສູງ​ຂຶ້ນ. ​ເຈົ້າໜ້າ​ທີ່​ໜ່ວຍ​ຂ່າວ​ການ​ເງິນ ​ແລະ ກໍ່​ການ​ຮ້າຍ ສັງກັດ​ກະຊວງ​ການ​ເງິນ​ອາ​ເມ​ລິ​ກາ ລະບຸ​ວ່າ: ນາຍ​ພົນ ຮິງ ບຸນ​ຮຽງ ພົວພັນກັບ​ການ​ທຳຮ້າຍ​ຄົນ​ຫລາຍ​ຄົນ​ດ້ວຍ​ຕົນ​ເອງ ໜຶ່ງ​ໃນ​ນັ້ນມີ​ຊາວ​ອາ​ເມ​ລິ​ກາ​ລວມຢູ່​ນຳ.

ກະຊວງ​ການ​ເງິນ​ອາ​ເມ​ລິ​ກາ​ອາ​ໄສ​ກົດໝາຍ​ແມ​ກນິດ​ສກີ​ປີ 2012 ລົງ​ໂທດ​ນາ​ພົນ ຮິງ ດ້ວຍ​ການ​ອາ​ຍັດ​ອະສັງຫາລິມະ​ຊັບ ຫລື ຜົນ​ປະ​ໂຫຍ​ດ​ໃນ​ອະສັງ​ຫາ​ລິ​ມະ​ຊັບ​ຂອງ​ທ່ານ​ທີ່​ຢູ່​ພາຍ​ໃຕ້​ເຂດ​ອຳນາດ​ຂອງ​ອາ​ເມ​ລິ​ກາ ​ແລະ ຫ້າມ​ຊາວ​ອາ​ເມ​ລິ​ກາ​ເຮັດ​ທຸລະ​ກຳກັບ​ທ່ານ. ລັດຖະບານ​ກຳປູ​ເຈຍ​ບໍ່​ສະ​ແດງ​ຄວາມ​ເຫັນ​ໃນ​ເລື່ອງ​ນີ້. ຂະນະ​ທີ່​ຜູ້​ຊ່ວຍ​ຂອງ​ທ່ານ​ຕອບ​ນັກ​ຂ່າວ​ທີ່​ໂທລະສັບ​ໄປ​ຖາມ​ວ່າ: ນາຍ​ພົນ ຮິງ ​ໃຊ້​ເງິນ​ສ້າງ​ໂຮງຮຽນ, ຖະໜົນ, ​ເຈດີ ຖ້າ​ອາ​ເມ​ລິ​ກາ​ຢາກ​ຈະ​ອາ​ຍັດ​ກໍ​ເຮັດ​ໄປ, ​ແຕ່​ຄົນ​ທີ່​ເດືອດຮ້ອນ​ຄື​ເດັກນ້ອຍ ​ແລະ ພະສົງ.

ການ​ພົວພັນ​ລະຫວ່າງ ກຳປູ​ເຈຍ ກັບ ອາ​ເມ​ລິ​ກາ ຢູ່​ໃນ​ສະພາບ​ເຄັ່ງ​ຕຶງ. ນາຍົກລັດຖະມົນຕີ ຮຸນ​ເຊ​ນ ກ່າວ​ຫາ​ອາ​ເມ​ລິ​ກາ​ໃນ​ເດືອນ​ມີນາ​ວ່າ: ຂີ້​ຕົວະ ກໍລະນີ​ໂທດ​ກອງທັບ ​ແລະ ໜ່ວຍ​ງານ​ຂອງ​ລັດ​ໃນ​ກຳປູ​ເຈຍ​ວ່າ​ເຮັດ​​ໃຫ້ການ​ເມືອງ​ບໍ່​ມີ​ສະຖຽນ​ລະ​ພາບ ​ແລະ ຢຸດ​ການ​ຊ່ວຍ​ເຫລືອ​ທີ່​ໃຫ້​ແກ່​ກຳປູ​ເຈຍ. ຜູ້ນຳ​ກຳປູ​ເຈຍ​ຍັງ​ກ່າວ​ຫາ​ອາ​ເມ​ລິ​ກາ​ອີກ​ວ່າ: ສົມ​ຮ່ວມ​ກັບ​ທ່ານ ກິມ ສົກ​ຄາ ຫົວໜ້າ​ພັກ​ກູ້​ຊາດ​ກຳປູ​ເຈຍ (CNRP) ​ໂຄ່ນ​ລົ້ມທ່ານ.