ການ​ຊົດ​ເຊີຍ​​​ຜົນ​ກະທົບ​ໂຄງການ​ທາງ​ລົດ​ໄຟ​ລາວ-ຈີນ ລວມມີ​ມູນ​ຄ່າ​ 2 ພັນ​ກວ່າຕື້ກີບ

- advert banner 728 90 728x90 - ການ​ຊົດ​ເຊີຍ​​​ຜົນ​ກະທົບ​ໂຄງການ​ທາງ​ລົດ​ໄຟ​ລາວ-ຈີນ ລວມມີ​ມູນ​ຄ່າ​ 2 ພັນ​ກວ່າຕື້ກີບ

ທ່ານ​ລັດຖະມົນຕີ​ກະຊວງ ​ໂຍທາ​ທິການ ​ແລະ ຂົນ​ສົ່ງ ​ໄດ້​ລາຍ​ງານ​ກ່ຽວກັບ​ການ​ປະຕິບັດ​ນະ​ໂຍບາຍ​ຊົດ​ເຊີຍ​ໃຫ້​ແກ່​ປະຊາຊົນ​ທີ່​ຖືກ​ຜົນ​ກະທົບ​ຈາກ​ໂຄງການ​ກໍ່ສ້າງ​ທາງ​ລົດ​ໄຟ​ລາວ-ຈີນ ​ຕໍ່ກອງ​ປະຊຸມ ສະພາ​ແຫ່ງ​ຊາດ ວ່າ: ປັດຈຸບັນ​, ການ​ດຳ​ເນີນ​ກໍ່ສ້າງ​ທາງ​ລົດ​ໄຟ-ລາວ​ຈີນ ​ແມ່ນ​ມີ​ຄວາມ​ຄືບໜ້າ 33,8% ​ແລະ ​ໂຄງການ​ໄດ້​ມອບ​ພຶ້ນທີ່​ໃຫ້​ຜູ້​ຮັບ​ເໝົາ​ໂຄງການ​ກໍ່ສ້າງ​ແລ້ວ 367,48 ກິ​ໂລ​ແມັດ ​ເທົ່າ​ກັບ 89,84% ຂອງ​ຄວາມ​ຍາວ​ທັງໝົດ, ​​ໃນ​ນັ້ນ​ວຽກງານ​ທີ່​ພົ້ນ​ເດັ່ນ​ແມ່ນ​ການຈັດ​ຕັ້ງ​ປະຕິບັດ​ການ​ໄກ່​ເກ່ຍສິ່ງ​ກີດຂວາງ​ອອກ​ຈາກ​ແລວ​ທາງ​ກໍ່ສ້າງ​ ​ແລະ ​ການ​ລົງ​ເກັບ​ກຳ​ຂໍ້​ມູນ​ສິ່ງ​ກີດຂວາງ ຊຶ່ງ​ໄດ້​ເລີ່​ມມາ​ແຕ່ ​ເດືອນ​ມັງກອນ ປີຜ່ານມາ, ສັງ​ລວມ​ແລ້ວ​ມູນ​ຄ່າ​ການ​ຊົດ​ເຊີຍ​ສິ່ງ​ກີດຂວາງ​ທັງໝົດ ທີ່​ໄດ້​ຈາກ​ຄະນະ​ກຳມະການ​ໄກ່​ເກ່ຍຂັ້ນ​ແຂວງ ​ແລະ ນະຄອນຫລວງ ​ແລະ ການ​ຄິດ​ໄລ່​ມູນຄ່າ​ການກໍ່ສ້າງ​ທາງ​ເຊື່ອມ​ຕໍ່​ເຂົ້າ 11 ສະຖານີ ທີ່​ລັດຖະບານ ຮັບຜິດຊອບ ຕົກ​ເປັນ​ມູນ​ຄ່າ​ທັງໝົດ 2,4 ພັນ​ກ່ວາຕື້ກີບ. ​ແລະ ​ ​ເພື່ອ​ຮັບປະກັນ​ການຈັດ​ຕັ້ງ​ປະຕິບັດ​ຄ່າ​ຊົດ​ເຊີຍ​ຖືກຕ້ອງ ​ແລະ ສອດຄ່ອງ​ກັບ​ກົດລະບຽບໝາຍ,  ຮັບປະກັນ​ຄວາມ​​ໂປ່​ງ​ໃສ ທັງ​ສາມາດ​ກວດ​ສອບ​ໄດ້ ຄະນະ​ຊີ້ນຳ ​ໂຄງການ​ເຫັນ​ວ່າ​ມີ​ຄວາມ​ຈຳ​ເປັນ​ຕ້ອງ ​ໄດ້​ກຳນົດ​ລະບຽບກ່ຽວກັບ​ການ​ເບີກ​ຈ່າຍ​ຄ່າ​ຊົດ​ເຊີຍ ​ໂດຍ​ໄດ້​ສ້າງ​ປື້ມຄູ່​ມື​ຈັດ​ຕັ້ງ​ປະຕິບັດ​ຂັ້ນ​ຕອນ ​ແລະ ລະບຽບການ​ເບີກ​ຈ່າຍ​ໃຫ້​ຮັດກຸມ ​ແລະ ຈະ​ແຈ້ງ, ​ໂດຍ ກະຊວງ​ການ​ເງີ​ນ ໄດ້​ຮັບຮອງ​ເອົາ​ປື້ມຄູ່​ມື​​ດັ່ງກ່າວ​ແລ້ວ ​ແລະ ຈະ​ສູ້​ຊົນ​ໃຫ້ການ​ເບີກ​ຈ່າຍ​ໄດ້​ເລີ່​ມຈັດ​ຕັ້ງ​ປະຕິບັດ​ໃນ​​ເດືອນ ມິຖຸນາ​ນີ້​ເປັນ​ຕົ້ນ​ໄປ, ​ໂດຍ​ຜູ້​ທີ່​ຈະ​ໄດ້​ບູລິ​ມະ​ສິດ​ຮັບ​ກ່ອນ​ຕ້ອງ​ເປັນ​ຜູ້​ຖືກ​ແລວ​ທາງ​ດ່ວນ​ເຊັ່ນ: ​ເງີ​ນຄ່າ​ເຂົ້າ​ສຳລັບ​ດິນ​ນາ​ທີ່​ບໍ່ສາມາດ​ທຳ​ການ​ຜະລິດ, ​ເງີ​ນຄ່າ​ເຊົ່າ​ເຮືອ​ນທົດ​ແທນ​ໃຫ້​ບໍ່ທັນ​ສຳ​ເລັດ ຕ້ອງ​ໄດ້​ຈ່າຍ​ໃຫ້​ຈົນ​ກ່ວາ​ການກໍ່ສ້າງ​ເຮືອນ​ຈະ​ສຳ​ເລັດ, ສາມາດ​ປູກ​ເຂົ້າ​ໄດ້ ​ແລະ ອື່ນໆ.

- lattana 1 - ການ​ຊົດ​ເຊີຍ​​​ຜົນ​ກະທົບ​ໂຄງການ​ທາງ​ລົດ​ໄຟ​ລາວ-ຈີນ ລວມມີ​ມູນ​ຄ່າ​ 2 ພັນ​ກວ່າຕື້ກີບ

​ຕໍ່ບົດ​ລາຍ​ງານ​ດັ່ງກ່າວສະມາຊິກ​ສະພາ​ແຫ່ງ​ຊາດ ກໍ​ໄດ້​ປະກອບ​ຄຳ​ຄິດ​ເຫັນ ​ວ່າ​: ​ໂຄງການ​ກໍ່ສ້າງ​ທາງ​ລົດ​ໄຟ​ລາວ-ຈີນ ​ເປັນ​ໂຄງການ​ໃຫຍ່ ​ແລະ ມີ​ຜູ້​ຖືກ​ຜົນ​ກະທົບ​ເປັນ​ຈຳນວນຫຼາຍ, ສະ​ນັ້ນ ການ​ຊົດ​ເຊີຍ​ຕ້ອງ​ໄດ້​ໃຫ້​ທົ່ວ​ເຖິງ ​ແລະ ​ເປັນ​ໄປຕາ​ມລະບຽບ, ​ໂດຍ​ຄະນະ​ກຳມະການ​ຕ້ອງ​ຮັບປະ​ເອກະສານ​ບັນຊີ​ຄື: ບັນຊີ​ບຸກຄົນ​ທີ່​ຖືກ​ຜົນ​ກະທົບ​ປະກອບ​ມີ: ຊື່ ​ແລະ ນາມສະກຸນ​ຜູ້​ຖືກ​ກະທົບ, ​ເນື້ອທີ່​ດິນ, ສິ່ງ​ປຸກ​ສ້າງ, ຜົນລະປູກ​ທີ່​ຖືກ​ກະທົບ, ​ແລະ ບັນຊີ​ຈຳນວນ​ເງີ​ນທີ່​ຈະ​ເບີກ​ຈ່າຍ​ໃຫ້​ຜູ້​ຖືກ​ຜົນ​ກະທົບ​ທັງໝົດ ຈະ​ຕ້ອງ​ເຊັນ​ຢັ້ງຢືນຮັບ​ຮູ້​ຈາກ​ຜູ້​ຖືກ​ຜົນ​ກະທົບ, ນາຍບ້ານ ​ແລະ ຄະນະ​ໄກ່​ເກ່ຍ ທັງ​ນີ້ ກໍ​ເພື່ອ​ຄວາມ​ເໝາະສົມ ​ແລະ ຍຸຕິ​ທຳ ​ໃນ​ສັງຄົມ.