ສະພາຮັບຮອງຮ່າງກົດໝາຍວ່າດ້ວຍສະຫະພັນນັກຮົບເກົ່າລາວ

- advert banner 728 90 728x90 - ສະພາຮັບຮອງຮ່າງກົດໝາຍວ່າດ້ວຍສະຫະພັນນັກຮົບເກົ່າລາວ

ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ທີ່ດໍາເນີນໃນວັນທີ 13 ມິຖຸນານີ້, ໂດຍການເປັນປະທານຂອງທ່ານພົນໂທ ແສງນວນ ໄຊຍະລາດ ຮອງປະທານສະພາແຫ່ງຊາດ ແລະ ພາຍຫລັງທ່ານພົນຈັດຕະວາ ຄໍາຜາງ ຜ່ອງຈັນແສງ ຮອງປະທານສະຫະພັນນັກຮົບເກົ່າແຫ່ງຊາດ ໄດ້ສະເໜີຮ່າງກົດໝາຍວ່າດ້ວຍສະຫະພັນນັກຮົບເກົ່າລາວ ຕໍ່ກອງປະຊຸມວ່າ: ກົດໝາຍສະບັບດັ່ງກ່າວມີ 11 ພາກ, 4 ໝວດ ແລະ  58 ມາດຕາ ແລະ ເຫດຜົນຄວາມຈໍາເປັນໃນການສ້າງກົດໝາຍນີ້ເພື່ອໃຫ້ສອດຄ່ອງກັບສະພາບການ, ເງື່ອນໄຂ ແລະ ຄວາມຕ້ອງການໃນການພັດທະນາອົງການຈັດຕັ້ງສະຫະພັນນັກຮົບເກົ່າແຫ່ງຊາດລາວໃນໄລຍະໃໝ່, ອີກດ້ານໜຶ່ງສະຫະພັນນັກຮົບເກົ່າແຫ່ງຊາດລາວຍັງບໍ່ທັນມີກົດໝາຍ, ມີພຽງແຕ່ມະຕິຕົກລົງຂອງກົມການເມືອງສູນກາງພັກສະບັບເລກທີ 68-69/ກມສພ, ລົງວັນທີ 9 ກັນຍາ 2002 ວ່າດ້ວຍການສ້າງຕັ້ງ, ການຈັດຕັ້ງ ແລະ ການເຄື່ອນໄຫວຂອງສະຫະພັນນັກຮົບເກົ່າແຫ່ງຊາດລາວ ແລະ ລະບຽບການສະເພາະ. ມາຮອດປັດຈຸບັນ ເມື່ອທຽບໃສ່ຄວາມຮຽກຮ້ອງຕ້ອງການຂອງໜ້າທີ່ການເມືອງທີ່ພັກ-ລັດມອບໝາຍໃຫ້ເຫັນວ່າຍັງມີຄວາມຈໍາເປັນຕ້ອງໄດ້ສ້າງກົດໝາຍ ເພື່ອເປັນບ່ອນອ້າງອີງໃຫ້ແກ່ການຈັດຕັ້ງ ແລະ ການເຄື່ອນໄຫວຂອງສະຫະພັນນັກຮົບເກົ່າລາວໃຫ້ນັບມື້ດີຂຶ້ນ. ຈາກນັ້ນ, ສະມາຊິກສະພາແຫ່ງຊາດໄດ້ປະກອບຄຳຄິດເຫັນຢ່າງກົງໄປກົງມາໃສ່ຮ່າງກົດໝາຍດັ່ງກ່າວ ເພື່ອໃຫ້ມີເນື້ອໃນຄົບຖ້ວນສົມບູນ ແລະ ຮັດກຸມ ແລະ ແທດເໝາະກັບຕົວຈິງຂອງປະເທດ, ກ່ອນຈະເຫັນດີຮັບຮອງເອົາດ້ວຍຄະແນນສຽງສ່ວນຫລາຍ.

- lattana 1 - ສະພາຮັບຮອງຮ່າງກົດໝາຍວ່າດ້ວຍສະຫະພັນນັກຮົບເກົ່າລາວ