ລາວ-ລຸກຊໍາບວກເພີ້ມທະວີຮ່ວມມືສອງຝ່າຍ

- advert banner 728 90 728x90 - ລາວ-ລຸກຊໍາບວກເພີ້ມທະວີຮ່ວມມືສອງຝ່າຍ

ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ແລະ ພົບປະສອງຝ່າຍກັບທ່ານ ຊັງອາແຊນບອນ ລັດຖະມົນຕີກະຊວງການຕ່າງປະເທດ ແລະ ວຽກງານເອີຣົບແຫ່ງຣາຊະອານາຈັກລຸກຊໍາບວກໃນວັນທີ 13 ມິຖຸນານີ້ທີ່ນະຄອນຫລວງວຽງຈັນ.

- lattana 1 - ລາວ-ລຸກຊໍາບວກເພີ້ມທະວີຮ່ວມມືສອງຝ່າຍ

ການພົບປະຄັ້ງນີ້, ສອງຝ່າຍຕີລາຄາສູງການພົວພັນ ແລະ ຮ່ວມມືກັນໃນຜ່ານມາ, ພ້ອມທັງ​ປຶກ​ສາ​ຫາ​ລືກ່ຽວກັບການ​ເສີມ​ຂະ​ຫ​ຍາຍ​ການ​ພົວ​ພັນ​ ແລະ ການຮ່ວມ​ມືລະຫວ່າງສອງປະເທດໃນ​ຕໍ່​ໜ້າ, ເພື່ອເປັນພື້ນຖານໃຫ້ແກ່ການເປີດກວ້າງການຮ່ວມມືດ້ານເສດຖະກິດ-ການຄ້າ, ການລົງທຶນ ແລະ ການຮ່ວມມືເພື່ອການພັດທະນາລາວ-ລຸກຊໍາບວກ. ນອກ​ນັ້ນ, ຍັງ​ໄດ້​ແລກ​ປ່ຽນ​ຄຳ​ຄິດ​​ເຫັນ​ຕໍ່​ບັນ​ຫາ​ພາກ​ພື້ນ ແລະ ສາກົນທີ່​ສອງ​ຝ່າຍມີ​ຄວາມ​ສົນ​ໃຈຮ່ວມກັນ.

ນອກຈາກພົບປະກັບທ່ານ ສະເຫລີມໄຊ ກົມມະສິດແລ້ວ, ທ່ານ ຊັງອາແຊນບອນ ຍັງໄດ້ພົບປະກັບທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ພ້ອມທັງໄປຢ້ຽມຢາມສະຖາບັນການທ່ອງທ່ຽວ ແລະ ການໂຮງແຮມແຫ່ງຊາດ, ສະຖາບັນຫົວໃຈລາວ-ລຸກຊຳບວກ, ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ເພື່ອໂອ້ລົມກັບນັກສຶກສາ ແລະ ຢ້ຽມຢາມໂຄງການຮ່ວມມືສອງຝ່າຍທີ່ກຳລັງຈັດຕັ້ງປະຕິບັດຢູ່ມະຫາວິທະຍາໄລແຫ່ງຊາດໃນປັດຈຸບັນອີກດ້ວຍ.

ນັບແຕ່ປີ 1997 ເປັນຕົ້ນມາ, ການ​ຊ່ວຍເຫລືອຂອງລຸກຊຳບວກໃຫ້ແກ່ ສ​ປ​ປ ລາວ ມີລັກສະນະເພີ່ມຂຶ້ນ, ມາຮອດປັດຈຸບັນ, ມີຫລາຍໂຄງການກຳລັງໄດ້ຮັບການຈັດຕັ້ງປະຕິບັດໃນຫລາຍຂະແໜງການ, ທັງໃນຂອບສອງຝ່າຍ ແລະ ຫລາຍຝ່າຍ ເຊັ່ນ: ​ຂະແໜງ​ສາ​ທາ​ລະ​ນະ​ສຸກ, ການພັດທະນາຊົນນະບົດ, ການພັດທະນາຊັບພະຍາກອນມະນຸດ, ການບໍລິຫານການທ່ອງທ່ຽວ ແລະ ໂຮງແຮມ, ການປົກຄອງ ແລະ ການສຶກສາດ້ານກົດໝາຍ​ ແລະ ແຜນການຮ່ວມມືໄລຍະຍາວລະຫວ່າງລັດຖະບານລາວ ແລະ ລຸກຊໍາບວກ (ICP1) ໄລ​ຍະ​ແຕ່​ປີ 2003-2006 ມູນ​ຄ່າ 18 ລ້ານ​ເອີ​ໂຣ, ICP2 ໄລ​ຍະ​ແຕ່​ປີ 2007-2010 ມູນ​ຄ່າ 35 ລ້ານ​ເອີ​ໂຣ, ICP3 ໄລ​ຍະ​ແຕ່​ປີ 2011-2015 ມູນ​ຄ່າ 50 ລ້ານ​ເອີ​ໂຣ, ອັນພົ້ນເດັ່ນແມ່ນ ICP4 ໄລຍະແຕ່ປີ 2016-2020 ມູນຄ່າ 75 ລ້ານເອີໂຣ.