ລາວ​ເລັ່ງປັບປຸງຫຼາຍນະ​ໂຍບາຍ​ເພື່ອສົ່ງ​ເສີມ​ວິ​ສາ​ຫະກິດ​ຂະໜາດນ້ອຍ-ກາງ ​ໃຫ້​ເຂົ້າເຖິແຫ​ລ່ງທຶນ

- advert banner 728 90 728x90 - ລາວ​ເລັ່ງປັບປຸງຫຼາຍນະ​ໂຍບາຍ​ເພື່ອສົ່ງ​ເສີມ​ວິ​ສາ​ຫະກິດ​ຂະໜາດນ້ອຍ-ກາງ ​ໃຫ້​ເຂົ້າເຖິແຫ​ລ່ງທຶນ

ກະຊວງ ອຸດສາຫະກຳ ​ແລະ ການ​ຄ້າ ​ໃຫ້​ຮູ້​ວ່າ: ການສົ່ງເສີມທຸລະກິດຂະໜາດນ້ອຍ ແລະ ກາງ ​ໃຫ້​ເຂົ້າ​ເຖິງ​ແຫ​ລ່ງທຶນ​ກຳລັງ​ໄດ້​ຮັບ​ການ​ປັບປຸງ​ໃຫ້​ດີ​ຂຶ້ນ, ໂດຍສະເພາະນະໂຍບາຍພາສີ-ອາກອນ, ນະໂຍບາຍເຂົ້າເຖິງແຫຼ່ງທຶນ ຂອງ SME ໂດຍປະສານສົມທົບກັບທະນາຄານແຫ່ງ ສປປ ລາວ, ກະຊວງການເງິນ,ຜ່ານການສ້າງໂຄງການສະໜັບສະໜູນແຫຼ່ງທຶນ ໄລຍະຍາວ ໃຫ້ແກ່ທະນາຄານທຸລະກິດ  ເພື່ອປ່ອຍກູ້ໃຫ້ແກ່ SME ແລະ ສ້າງກອງທຶນແບ່ງປັນຄວາມສ່ຽງ ເພື່ອຊຸກຍູ້ໃຫ້ທະນາຄານທຸລະກິດ ໃຫ້ບໍລິການແກ່ SMEs ເພີ່ມຂຶ້ນ ເພື່ອໃຫ້ສາມາດຈັດຕັ້ງປະຕິບັດໃຫ້ເປັນຮູບປະທໍາ ​ແລະ ລັດຖະບານ ໄດ້ສຳເລັດການອອກນິກຳຕ່າງໆ ເພື່ອກຳນົດນະໂຍບາຍສົ່ງເສີມ SMEs,   ແລະ ໄດ້ຮັບຮອງເອົາແຜນພັດທະນາ SMEs  ໄລຍະ 2016-2020. ປັດຈຸບັນ ລັດຖະບານກຳລັງຄົ້ນຄວ້າ  ແລະ  ປັບປຸງດຳລັດ ວ່າດ້ວຍກອງທຶນ SMEs ໂດຍມີການຈັດກຸ່ມ  ແລະ ບຸລິມະສິດ ສໍາລັບການສະໜອງ ສິນເຊື່ອ ຄຽງຄູ່ກັບການຄົ້ນຄວ້າ ແລະ ລະດົມແຫລ່ງທຶນຈາກພາຍໃນ ແລະ ຕ່າງປະເທດ  ເພື່ອໃຫ້ສາມາດສະໜັບສະໜູນ SMEs ໄດ້ຫລາຍກວ່າເກົ່າ.

- lattana 1 - ລາວ​ເລັ່ງປັບປຸງຫຼາຍນະ​ໂຍບາຍ​ເພື່ອສົ່ງ​ເສີມ​ວິ​ສາ​ຫະກິດ​ຂະໜາດນ້ອຍ-ກາງ ​ໃຫ້​ເຂົ້າເຖິແຫ​ລ່ງທຶນ

ກະຊວງ ດັ່ງກ່າວ​ໃຫ້​ຮູ້​ວ່າ: ໃນໄລຍະຜ່ານມາລັດຖະບານ ໄດ້ວາງນະໂຍບາຍສົ່ງເສີມການເຂົ້າເຖິງແຫລ່ງທຶນ  ຂອງວິສາຫະກິດຂະໜາດນ້ອຍ ແລະ ກາງ (SMEs)  ດ້ວຍການຊຸກຍູ້ທະນາຄານທຸລະກິດ ປະກອບສ່ວນ ສະໜອງສິນເຊື່ອ ເຊິ່ງມີເຖິງ 15.000 ຕື້ກີບ  ເຂົ້າໃນວິຊາຊີບປະເພດຕ່າງໆ ແລະ ສະໜອງສິນເຊື່ອຕາມລະບຽບກອງທຶນ,  ​ໃນປີ 2017 ສາມາດສະໜອງໄດ້ 32 ຫົວໜ່ວຍ,  ລວມມີມູນຄ່າ 8,53 ຕື້ກີບ.  ສະເພາະໄລຍະ 3 ເດືອນຕົ້ນປີ 2018  ສາມາດສະໜອງໄດ້ຕື່ມອີກ 6 ຫົວໜ່ວຍ, ມູນຄ່າ 1,18 ຕື້ກີບ. ​

ທ່ານ ອຸ​ເດດ ສຸວັນນະ​ວົງ ປະທານ​ສະພາ​ຫານ​ຄ້າ ​ແລະ ອຸດສາຫະກຳ​ແຫ່ງ​ຊາດ​ ​ໃຫ້​ຮູ້​ວ່າ: ປັດຈຸບັນ ທຸລະ​ກິດ​ຂະໜາດນ້ອຍ ​ແລະ ກາງ ຢູ່​ລາວ ກວມ 60% ​ແມ່ນ​ບໍ່​ໄດ້​ຂຶ້ນທະບຽນ​ເປັນ​ວິ​ສາ​ຫະກິດ​ສ່ວນ​ບຸກຄົນ, ຊຶ່ງ​ເຮັດ​ໃຫ້​ລັດ​ເສຍ​ລາຍ​ໄດ້​ເຂົ້າງົບປະມານ ​ແລະ ​ໃນ​ໄລຍະ​ຜ່ານ​ມາ​ພັກ-ລັດຖະບານ ​ໄດ້​ມີ​ແນວທາງ​ໃນ​ການ​ຊຸກຍູ້​ສົ່ງ​ເສີມ​ຫົວໜ່ວຍທຸລະ​ກິດ​ທັງ​ພາຍ​ໃນ ​ແລະ ຕ່າງປະ​ເທດ​ລົງທຶນ​ໃນ​ທຸກ​ຂົງ​ເຂດ​ທີ່​ມີ​ທ່າ​ແຮງ ​ໂດຍ​ສະ​ເພາະ​ຂົງ​ເຂດ​ອຸດສາຫະກຳ​ຂະໜາດ​ໃຫຍ່, ​ແຕ່​ວ່າ​ອຸດສາຫະກຳ​ສ່ວນຫຼາຍທີ່​ເກີດ​ຂຶ້ນຢູ່​ລາວ​ຍັງ​ອີງ​ໃສ່​ແຕ່​ຂົງ​ເຂດ​ບໍ່​ແຮ່, ​ໄຟຟ້າ ​ແລະ ອຸດສາຫະກຳ​ໄມ້ ຊຶ່ງ​ກວມ 5% ຂອງ​ຈຳນວນ​ທຸລະ​ກິດ, ນອກ​ນັ້ນ​ແມ່ນ​ເປັນ​ທຸລະ​ກິດ​ຂອງ​ຄົນ​ລາວ​ທີ່​ເປັນ​ທຸລະ​ກິດ​ຂະໜາດນ້ອຍ ​ແລະ ກາງ​ກວມ 95%, ​ແຕ່​ໃນ​ຕົວ​ຈິງມີ​ເຖິງ 98% ​ແລະ ​ໃນ​ຈຳນວນ​ດັ່ງກ່າວ 60% ​ເປັນ​ທຸລະ​ກິດ​ຂະໜາດຍ່ອຍ​ໃນ​ຄອບຄົວທີ່​ເກີດຈາກ​ກະສິກຳ, ຫັດຖະ​ກໍາມາ​ຈາກ​ການ​ຄ້າ​ທີ່​ເປັນ​ຂອງ​ທີ່​ລະນຶກ ຫລື ຂອງຝາກ ຂອງຕ້ອນ​ຈາກ​ທ້ອງ​ຖິ່ນ, ທຸລະ​ກິດ​ກຸ້ມ​ຕົນ​ເອງ ​ແລະ ອື່ນໆ, ຊຶ່ງ​ສ່ວນ​ໃຫຍ່​ແມ່ນ​ບໍ່​ໄດ້​ຂຶ້ນທະບຽນ, ບໍ່ມີ​ການ​ສົ່ງ​ເສີມ, ບໍ່​ໄດ້​ເສຍ​ພັນທະ, ຢູ່​ກະ​ແຈກ​ກະຈາຍ, ສະ​ນັ້ນ ຈຶ່ງ​ເຮັດ​ໃຫ້ການ​ຈັດ​ເກັບ​ອາກອນ​ບໍ່​ໄດ້​ຕາມ​ແຜນ ​ແລະ ການ​ຄຸ້ມ​ຄອງ​ພົບ​ຄວາມ​ຫຍຸ້ງຍາກ ​​ແລະ ເກີດ​ບັນຫາ​​ໃນການ​ເຂົ້າ​ຫາ​ແຫ​ລ່ງທຶນ​ຂອງ​​ເຂົາ​ເຈົ້າ.