ຕຳຫລວດ​ລາວ-ຫວຽດນາມ ສົມທົບ​ກຳລັງຈັບ​ຜູ້​ຂົນ​ສົ່ງ​ຢາ​ເສບ​ຕິດ​ລາຍ​ໃຫຍ່

- advert banner 728 90 728x90 - ຕຳຫລວດ​ລາວ-ຫວຽດນາມ ສົມທົບ​ກຳລັງຈັບ​ຜູ້​ຂົນ​ສົ່ງ​ຢາ​ເສບ​ຕິດ​ລາຍ​ໃຫຍ່

ວັນ​ທີ 11 ມິຖຸນາ​ນີ້, ​ເຈົ້າໜ້າທີ່ ຕຳຫລວດ​ແຂວງ ດຽນບຽນ ສສ. ຫວຽດນາມ ​ແລະ ​ເຈົ້າໜ້າທີ່​ຕຳຫລວດ​ແຂວງ ຜົ້ງ​ສາລີ ​ໄດ້​ສົມທົບ​ກຳລັງຈັບ​ຜູ້​ລັກລອບ​ຂົນ​ສົ່ງ​ຢາ​ເສບ​ຕິດ​ລາຍ​ໃຫຍ່​ 3 ຄົນ ຢູ່ ລະຫວ່າງ​ເຂດ​ຊາຍ​ແດນ​ແຂວງ​ຜົ້ງ​ສາລີ ​ແລະ ​ແຂວງ ດຽນບຽນ, ພ້ອມ​ຢຶດຂອງ​ກາງຄື: ຢາ​ບ້າ 31 ພັນ​ເມັດ, ​ເຮ​ໂລ​ອິນ 10 ​ແທ່ງ, ຝິ່ນ 2 ກິ​ໂລ ​ແລະ ປືນ​​​ດັດ​ແປງ 3 ກະບອກ, ຊຶ່ງ​ຜູ້​ຕ້ອງ​ຫາ 3 ຄົນ​ມີ ທ້າວ ​ເຊື່ອຍ​, ນາງ ມຸ່ຍ ​ແລະ ນາງ ​ເຢັນ ຢູ່​ແຂວງ ຜົ້ງ​ສາລີ, ຊຶ່ງ​ເຈົ້າໜ້າທີ່​ຕຳຫລວດ ທັງ​ສອງ​ແຂວງ​ໄດ້​ກັກ​ຕົວ​ພວກກ່ຽວ​ເພື່ອ​ສືບສວນ-ສອບ​ສວນ ຢູ່​ດ່ານ​ຊາຍ​ແດນ​ດັ່ງກ່າວ, ກ່ອນ​ຈະ​ສົ່ງ​ມອບ​ໃຫ້​ເຈົ້າໜ້າທີ່​​ແຂວງ​ຜົ້ງ​ສາລີ ດຳ​ເນີນ​ຄະດີ​ຕາມ​ລະບຽບກົດໝາຍ.

- lattana 1 - ຕຳຫລວດ​ລາວ-ຫວຽດນາມ ສົມທົບ​ກຳລັງຈັບ​ຜູ້​ຂົນ​ສົ່ງ​ຢາ​ເສບ​ຕິດ​ລາຍ​ໃຫຍ່

​ທ່ານພົນຕີ ສົມແກ້ວ ສີລາວົງ ລັດຖະມົນຕີກະຊວງປ້ອງກັນຄວາມສະຫງົບ ​ໄດ້​ລາຍ​ງານຕໍ່ກອງປະຊຸມ ທີ່​ພວມ​ດຳ​ເນີນ​ຢູ່​ປັດຈຸບັນ ​ວ່າ: ຢາເສບຕິດ, ພວມກາຍເປັນສິນຄ້າທີ່ມີກໍາໄລສູງສຸດຢູ່ອັນດັບ 2 ທີ່ມີມູນຄ່າຊື້-ຂາຍໃນທົ່ວໂລກເຖິງ 1.000 ຕື້ໂດລາສະຫະລັດຕໍ່ປີ ແລະ ມີຜູ້ຕິດຢາເສບຕິດຫລາຍກວ່າ 243 ລ້ານຄົນ. ສໍາລັບຢູ່ປະເທດເຮົາ, ບັນຫາຢາເສບຕິດໃນປັດຈຸບັນພວມມີລັກສະນະເພີ່ມຂຶ້ນ ແລະແຜ່ຂະຫຍາຍໄປທົ່ວທຸກບ່ອນໃນສັງຄົມ, ໃນລະດັບທີ່ແຕກຕ່າງກັນ, ການພົວພັນຄ້າ-ຂາຍຢາເສບຕິດມີທັງຄົນລາວ ແລະ ຄົນຕ່າງປະເທດ, ມີການເຄື່ອນໄຫວຂ້າມຊາດ ແລະ ມີການນໍາໃຊ້ພາຫານະ-ເຕັກນິກທີ່ທັນສະໄໝ ເຂົ້າໃນການຂົນສົ່ງຢາເສບຕິດຢ່າງເລິກແລບແນບນຽນ ແລະ ບັນຫາທີ່ໜ້າເປັນຫ່ວງແມ່ນຢາເສບຕິດໄດ້ຊືມເລິກເຂົ້າຫລາຍຊັ້ນຄົນໃນສັງຄົມ, ອັນໄດ້ສ້າງຜົນເສຍຫາຍທາງດ້ານເສດຖະກິດ, ວັດທະນະທໍາ ແລະ ສັງຄົມ ເຊິ່ງສ້າງຄວາມບໍ່ສະຫງົບໃຫ້ແກ່ປະເທດເຮົາ, ທໍາລາຍຖັນແຖວໄວໜຸ່ມ-ເຍົາວະຊົນ, ກໍ່ໃຫ້ເກີດມີການຫລີ້ນກິນຟູມເຟືອຍ, ເປັນນັກເລງອັນຕະພານ, ຂີ້ລັກງັດແງະ, ປຸ້ນຈີ້-ຊີງຊັບ, ອາລະວາດຕີກັນ ແລະ ຢາເສບຕິດຍັງເປັນເສັ້ນທາງໃຫ້ເກີດມີ ການຊື້ຈ້າງ ແລະ ໃຫ້ສິນບົນສ້າງຄວາມເສຍຫາຍໃຫ້ແກ່ຖັນແຖວພະນັກງານ ແລະ ເຈົ້າໜ້າທີ່ຕ່າງໆເປັນຈໍານວນຫລວງຫລາຍ.