ຈີນຕັ້ງເປົ້າແຊງໜ້ານາຊາໃນການ ພັດທະນາຈະຫລວດປະສິດທິພາບສູງ

ຈີນຕັ້ງເປົ້າແຊງໜ້ານາຊາໃນການ ພັດທະນາຈະຫລວດປະສິດທິພາບສູງ - advert banner 728 90 728x90 - ຈີນຕັ້ງເປົ້າແຊງໜ້ານາຊາໃນການ ພັດທະນາຈະຫລວດປະສິດທິພາບສູງ

ຜູ້​ຊ່ຽວຊານ​ດ້ານ​ອະວະກາດ​ຂອງ​ຈີນ​ເປີດ​ເຜີຍ​ໃນ​ວັນ​ທີ 2 ກໍລະກົດ​ວ່າ: ຈີນ​ກຳລັງ​ພັດທະນາ​ຈະ​ຫລວດ​ປະສິດທິພາບ​ສູງ​ທີ່​ຈະ​ສາມາດຂົນ​ສົ່ງ​ວັດຖຸ​ຂຶ້ນສູ່​ວົງ​ໂຄຈອນ​ຕໍ່າ​ຂອງ​ໂລກ​ໄດ້​ໂດຍ​ວັດຖຸ​ນັ້ນມີນ້ຳໜັກ​ຫລາຍ​ກວ່າ​ທີ່​ຈະ​ຫລວດ​ຂອງ​ສຳນັກງານ​ບໍລິຫານ​ການບິນ ​ແລະ ອະວະກາດ​ແຫ່ງ​ຊາດ ຫລື ນາ​ຊາ ຂອງ​ອາ​ເມ​ລິ​ກາ ຈະ​ເຮັດ​ໄດ້.

ຈີນຕັ້ງເປົ້າແຊງໜ້ານາຊາໃນການ ພັດທະນາຈະຫລວດປະສິດທິພາບສູງ - lattana 1 - ຈີນຕັ້ງເປົ້າແຊງໜ້ານາຊາໃນການ ພັດທະນາຈະຫລວດປະສິດທິພາບສູງ

ສຳນັກ​ຂ່າວ​ຊິນ​ຮົວ ຂອງ​ທາງ​ການ​ຈີນ​ລາຍ​ງານ​ອ້າງ​ຄຳ​ກ່າວ​ຂອງ​ທ່ານ ຫລົງ ​ເລີ​ຫາວ ​ເຈົ້າໜ້າ​ທີ່​ລະດັບ​ສູງ​ຂອງ​ສະ​ຖາ​ບັນ​ວິສະວະກຳ​ສາດ​ຈີນ ທີ່​ລະບຸ​ວ່າ: ພາຍ​ໃນ​ປີ 2030 ຈະ​ຫລວດ​ລອງ​ມາຣ-9 ​ເຊິ່ງກຳລັງ​ຢູ່​ໃນ​ລະຫວ່າງ​ການ​ພັດທະນາ ຈະ​ສາມາດ​ບັນທຸກ​ວັດຖຸ​ນ້ຳໜັກ 140 ​ໂຕນ ຂຶ້ນສູ່​ວົງ​ໂຄຈອນ​ຕໍ່າ​ຂອງ​ໂລກ ​ເຊິ່ງ​ເປັນ​ວົງ​ໂຄຈອນ​ຂອງ​ດາວ​ທຽມ​ຕ່າງໆ​ໃຊ້​ຢູ່​ໃນ​ປັດຈຸບັນ​ນີ້ ​ໂດຍ​ປຽບທຽບ​ກັບ​ນ້ຳໜັກ​ບັນທຸກ​ຂອງ​ຈະ​ຫລວດ​ອາຣີອານ 5 ຂອງ​ເອີຣົບ ​ເຊິ່ງມີນ້ຳໜັກ 20 ​ໂຕນ ຫລື ຈະ​ຫລອດ​ຟໍຄອນ ​ເຮ​ຟວີ ຂອງ​ອີ​ລອນ ມັສ ທີ່​ບັນທຸກ​ໄດ້​ນ້ຳໜັກ 64 ​ໂຕນ. ນອກຈາກ​ນັ້ນ ຂະໜາດ​ນ້ຳໜັກ​ບັນທຸກ​ນີ້​ຍັງ​ຈະ​ແຊງ​ໜ້າ​ສະ​ເປ​ຊ ລອນ ຊິ​ສ​ເຕັມ ຂອງ​ນາ​ຊາ ທີ່​ມີນ້ຳໜັກ 130 ​ໂຕນ ​ເຊິ່ງມີ​ກຳນົດ​ຈະ​ອອກ​ໃຊ້​ງານ​ໃນ​ປີ 2020. ນອກຈາກ​ນັ້ນ​ແລ້ວ ຈີນ​ກຳລັງ​ພັດທະນາ​ຈະ​ຫລວດ​ທີ່​ສາມາດ​ນຳ​ກັບ​ມາ​ໃຊ້​ໄດ້​ອີກ ​ເຊິ່ງຄາດ​ວ່າ​ຈະ​ເລີ່​ມ​ໃຊ້​ງານ​ໄດ້​ໃນ​ປີ 2021. ຂະນະ​ດຽວ​ກັນ ຈີນ​ທຸ້ມ​ເງິນ​ມະຫາສານ​ໃນ​ໂຄງການ​ອະວະກາດ ​ໂດຍ​ຫວັງ​ວ່າ​ຈະ​ມີ​ສະຖານີ​ອະວະກາດ​ທີ່​ມີ​ນັກ​ບິນ​ອະວະກາດ​ປະຈຳ​ຢູ່​ພາຍ​ໃນ​ປີ 2022 ​ແລະ ສົ່ງ​ມະນຸດ​ໄປ​ດວງ​ຈັນ​ໃນ​ມໍ່ໆ​ນີ້.