ເລຂາ UN-ປະທານທະນາຄານໂລກ ຢ້ຽມຢາມຊາວໂຣຮິງຢາໃນບັງກະລາເທດ

ເລຂາ un-ປະທານທະນາຄານໂລກ ຢ້ຽມຢາມຊາວໂຣຮິງຢາໃນບັງກະລາເທດ - advert banner 728 90 728x90 - ເລຂາ UN-ປະທານທະນາຄານໂລກ ຢ້ຽມຢາມຊາວໂຣຮິງຢາໃນບັງກະລາເທດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ໃນ​ວັນ​ທີ 3 ກໍລະກົດ​ວ່າ: ທ່ານ ອັນ​ໂຕ​ນິ​ໂອ ກູ​ເຕີ​ເຣສ ​ເລຂາທິການ​ສະຫະ​ປະຊາ​ຊາດ (UN) ​ແລະ ທ່ານ ຈິ​ມ ຢອງ​ຄິມ ປະທານ​ທະນາຄານ​ໂລກ (WB) ລົງພື້ນທີ່​ເມືອງ​ຄ໊ອກ ບາ​ຊາ ທາງ​ຕາ​ເວັນ​ອອກສຽງ​ໃຕ້​ຂອງ​ບັງ​ກະ​ລາ​ເທດ ​ໃນ​ວັນ​ທີ 2 ກໍລະກົດ ​ເພື່ອ​ສຳ​ຫລວດ​ສະຖານ​ະການ​ພາຍ​ໃນ​ສູນ​ອາ​ໄສ​ຂອງ​ຜູ້​ລີ້​ໄພ​ຊາວ​ໂຣຮິງ​ຢາ​ຫລາຍ​ກວ່າ 700.000 ຄົນ ​ເຊິ່ງຫລົບໜີ​ການ​ສູ້​ຮົບ​ຂ້າມ​ຊາຍ​ແດນ​ມາ​ຈາກ​ລັດ​ຍະ​ໄຂ່​ຂອງ​ມຽນມາ ນັບ​ແຕ່​ທ້າຍ​ເດືອນ​ສິງຫາ​ປີຜ່ານມາ ​ໂດຍ​ທັງ​ສອງ​ທ່ານ​ສຳ​ຫລວດ​ສະພາບ​ການ​ເປັນຢູ່​ຂອງ​ຊາວ​ໂຣຮິງ​ຢາ​ພາຍ​ໃນ​ສູນ​ກູ​ຕູ​ປະ​ຫລອງ​ນຳ ​ເຊິ່ງປັດຈຸບັນ​ກາຍ​ເປັນ​ສູນ​ອາ​ໄສ​ຂອງ​ຜູ້​ລີ້​ໄພ​ຂະໜາດ​ໃຫຍ່​ທີ່​ສຸດ​ໃນ​ໂລກ​ແລ້ວ.

ເລຂາ un-ປະທານທະນາຄານໂລກ ຢ້ຽມຢາມຊາວໂຣຮິງຢາໃນບັງກະລາເທດ - lattana 1 - ເລຂາ UN-ປະທານທະນາຄານໂລກ ຢ້ຽມຢາມຊາວໂຣຮິງຢາໃນບັງກະລາເທດ

ເລຂາ un-ປະທານທະນາຄານໂລກ ຢ້ຽມຢາມຊາວໂຣຮິງຢາໃນບັງກະລາເທດ - DhFyb9fXUAAZ9RN - ເລຂາ UN-ປະທານທະນາຄານໂລກ ຢ້ຽມຢາມຊາວໂຣຮິງຢາໃນບັງກະລາເທດ

ທັງ​ນີ້, ​ເລຂາທິການ UN ກ່າວ​ໃນ​ເວລາ​ຕໍ່​ມາ ຮຽກຮ້ອງ​ໃຫ້​ລັດຖະບານ​ມຽນມາ​ດຳ​ເນີນ​ຄະດີ​ກັບ “ທຸກ​ຄົນ” ທີ່​ມີ​ສ່ວນ​ກ່ຽວຂ້ອງ​ກັບ “ອາ​ຊະ​ຍາ​ກຳ​ສົງຄາມ” ​ໃນ​ລັດ​ຍະ​ໄຂ່ ​ແລະ ​ເຕືອນ​ວ່າ​ສະຖານະ​ການ​ດ້ານ​ມະນຸດສະທຳ​ໃນ​ເມືອງ​ຄ໊ອກ ບາ​ຊາ ກຳລັງ​ເປັນ​ຂໍ້​ຜູກ​ມັດ​ເພີ່ມ​ແຮງ​ກົດ​ດັນ​ໃຫ້​ທາງ​ການ​ມຽນມາ​ຕ້ອງ​​ແກ້​ໄຂ​ສະຖານະ​ການ​ທີ່​ເກີດ​ຂຶ້ນ. ​ເຖິງ​ຢ່າງ​ໃດ​ກໍ​ຕາມ, ​ໃນ​ໄລຍະ​ເວລາ​ຜ່ານ​ມາ ລັດຖະບານ ​ແລະ ກອງທັບ​ມຽນມາ​ຮ່ວມ​ກັນ​ປະຕິ​ເສດ​ຂໍ້​ກ່າວ​ຫາ​ທັງ​ໝົດ​ຈາກ​ທຸກ​ຝ່າຍ ​ໂດຍ​ສະ​ເພາະ​ຈາກ​ກຸ່ມ​ປະ​ເທດ​ຕາ​ເວັນ​ຕົກ ​ໂດຍ​ການ​ຢືນຢັນ​ວ່າ​ປະຕິບັດ​ການ​ດ້ານ​ຄວາມ​ໝັ້ນຄົງ​ໃນ​ລັດ​ຍະ​ໄຂ່​ຄື “ການ​ກວາດ​ລ້າງ​ກຸ່ມ​ກໍ່​ການ​ຮ້າຍ ​ແລະ ກອງ​ກຳລັງ​ຕິດ​ອາວຸດ”.

ສຳລັບ​ການ​ລົງພື້ນທີ່​ຢ້ຽມຢາມ​ຜູ້​ລີ້​ໄພ​ຊາວ​ໂຣຮິງ​ຢາ​ໃນ​ບັງ​ກະລາ​ເທດ​ຂອງ​ເລຂາທິການ UN ​ແລະ ປະທານ​ທະນາຄານ​ໂລກ ​ເກີດ​ຂຶ້ນປະມານ 1 ອາທິດ​ຫລັງ​ທະນາຄານ​ໂລກ​ອະນຸມັດ​ງົບປະມານ 480 ລ້ານ​ໂດ​ລາ​ສະຫະລັດ ​ເພື່ອ​ສະໜັບສະໜູນ​ການ​ດຳ​ເນີນ​ງານ​ຂອງ​ລັດຖະບານ​ບັງ​ກະລາ​ເທດ ​ໃນ​ການ​ເບິ່ງ​ແຍງ​ຜູ້​ລີ້​ໄພ​ຊາວ​ໂຣຮິງ​ຢາ. ຂະນະ​ທີ່​ທ່ານ ປີ​ເຕີ ​ເມົາ​ເຣີ ປະທານ​ຄະນະ​ກຳມະການ​ກາ​ແດງ​ສາກົນ (ICRC) ​ເດີນທາງ​ມາ​ເມືອງ​ຄ໊ອກ ບາ​ຊາ ​ໃນຕົ້ນອາທິດ​ນີ້ ​ແລະ ກ່າວ​ວ່າ: ມຽໜມາ “ຍັງ​ບໍ່​ພ້ອມ” ຮັບ​ກັບ​ຜູ້​ລີ້​ໄພ​ຊາວ​ໂຣຮິງ​ຢາ​ຈາກ​ບັງ​ກະລາ​ເທດ ​ໂດຍ​ນັບ​ແຕ່​ທັງ​ສອງ​ປະ​ເທດ​ລົງ​ນາມ​ໃນ​ບົດ​ບັນທຶກ​ຄວາມ​ເຂົ້າ​ໃຈ (MOU) ຮ່ວມ​ກັນ ​ໃນ​ທ້າຍ​ປີຜ່ານມາ ​ແລະ ​ເລີ່​ມດຳ​ເນີນ​ການ​ໃນ​ເດືອນ​ມັງກອນ​ຜ່ານ​ມາ ມີ​ຊາວ​ໂຣຮິງ​ຢາ​ເດີນທາງ​ກັບ​ຈາກ​ບັງ​ກະລາ​ເທດ​ບໍ່​ຮອດ 20 ຄົນ.