ມາເລເຊຍໂຈະໂຄງການລົດໄຟກັບຈີນ

ມາເລເຊຍໂຈະໂຄງການລົດໄຟກັບຈີນ - advert banner 728 90 728x90 - ມາເລເຊຍໂຈະໂຄງການລົດໄຟກັບຈີນ

ລັດຖະບານ​ມາ​ເລ​ເຊຍປະກາດ​ໂຈະ​ໂຄງການ​ກໍ່ສ້າງ​ເສັ້ນທາງ​ລົດ​ໄຟ ​ເພາະ​ແພງ​ເກີນ​ຈິງ ພຽງ 1 ວັນ​ຫລັງ​ສານ​ຂັ້ນຕົ້ນດຳ​ເນີນ​ຄະດີ​ສໍ້​ລາດ​ບັງ​ຫລວງ​ກັບ​ອະດີດ​ນາຍົກລັດຖະມົນຕີ ນາ​ຈິບ ຣາຊັກ ​ເຊິ່ງ​ເປັນ​ຜູ້​ເຈລະຈາ​ໂຄງການ​ນີ້.

ມາເລເຊຍໂຈະໂຄງການລົດໄຟກັບຈີນ - lattana 1 - ມາເລເຊຍໂຈະໂຄງການລົດໄຟກັບຈີນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ບໍລິສັດ ​ໄຊ​ນາ ຄອມ​ມູນິດ​ເຄ​ເຊິ​ນ ຄອນ​ສະ​ຕັກ​ຊັນ ຈຳກັດ (CCCC) ​ເຊິ່ງ​ເປັນ​ຜູ້​ຖື​ສຳ​ປະທານ​ເມ​ກະ​ໂປຣ​ເຈັກ​ກໍ່ສ້າງ​ເສັ້ນທາງ​ລົດ​ໄຟ​​ເບື້ອງຕາ​ເວັນ​ອອກ (ECRL) ​ໃນ​ມາ​ເລ​ເຊຍ ອອກ​ຖະ​ແຫລ​ງການ​ໃນ​ວັນ​ທີ 4 ກໍລະກົດ​ວ່າ: ​ເສຍ​ໃຈ​ເປັນ​ຢ່າງ​ຍິ່ງ ຫລັງ​ໄດ້​ຮັບ​ແຈ້ງ​ຈາກ​ລັດຖະບານ​ກົວ​ລາ​ລຳ​ເປີ ​ເລື່ອງ​ການ​ໂຈະ​ໂຄງການ​ດັ່ງກ່າວ​ແບບ​ບໍ່​ມີ​ກຳນົດ. ​ເຖິງ​ຢ່າງ​ໃດ​ກໍ​ຕາມ, CCCC ຂໍ​ຮຽກຮ້ອງ​ໃຫ້​ລັດຖະບານ​ມາ​ເລ​ເຊຍ​ຊຸດ​ປັດຈຸບັນ​ປະຕິບັດ​ຕາມ​ຂໍ້​ຕົກລົງ​ທີ່​ເປັນ​ຜົນ​ຈາກ​ການ​ເຈລະຈາ ​ແລະ ລົງ​ນາມ​ຮ່ວມ​ກັນ​ໂດຍ​ລັດຖະບານ​ຊຸດ​ຜ່ານ​ມາ ​ເພື່ອ​ຜົນ​ປະ​ໂຫຍ​ດຮ່ວມ​ກັນ​ຂອງ​ສອງ​ຝ່າຍ.

ທັງ​ນີ້, ​ໂຄງການ ECRL ​ໃຊ້​ງົບປະມານ 55.000 ລ້ານຣິງກິດ ຖື​ວ່າ​ແພງ​ທີ່​ສຸດ​ໃນ​ປະຫວັດສາດ​ຂອງ​ມາ​ເລ​ເຊຍ ​ເປັນ​ສ່ວນ​ໜຶ່ງ​ຂອງ​ແຜນ​ຍຸດ​ທະ​ສາດ​ໜຶ່ງ​​ແລວ​ໜຶ່ງ​ເສັ້ນທາງ ຫລື ​ເສັ້ນທາງ​ສາຍ​ໄໝ​ສະຕະວັດ​ທີ 21 ​ເລີ່​ມດຳ​ເນີນ​ການ​ກໍ່ສ້າງ​​ໃນ​ປີຜ່ານມາ ຫລັງ​ມີ​ການ​ລົງ​ນາມ​ໃນ​ເດືອນ​ມີນາ 2017 ​ເຊິ່ງ​ເມື່ອ​ສຳ​ເລັດ​ສົມບູນ​ຕາມ​ກຳນົດ​ໃນ​ປີ 2031 ​ເສັ້ນທາງ​ລົດ​ໄຟ​ຈະ​ມີ​ຄວາມ​ຍາວ​ທັງ​ໝົດ 688 ກິ​ໂລ​ແມັດ ​ເຊື່ອມ​ຕໍ່​ລະຫວ່າງ​ລັດ​ປະ​ຫັງກັບ​ຊາຍ​ແດນ​ໄທ​ໃກ້​ກັບ​ທະ​ເລ​ຈີນ​ໃຕ້ ​ແລະ ຊ່ອງ​ແຄບ​ມະລະ​ກາ​ທີ່ຢູ່​ທາງ​ຕາ​ເວັນ​ຕົກ ​ເຊິ່ງຖື​ເປັນ​ໜຶ່ງ​ໃນ​ເສັ້ນທາງ​​ແລ່ນ​ເຮືອ​ສາຍ​ສຳຄັນ​ຂອງ​ໂລກ.

ການ​ເຄື່ອນ​​ໄຫວ​ດັ່ງກ່າວ​ຂອງ​ລັດຖະບານ​ມາ​ເລ​ເຊຍ​ເປັນ​ໄປ​ຕາມ​ຄວາມ​ຄາດໝາຍ, ຫລັງ​ທ່ານ ມະ​ຫາ​ເທ ​ໂມ​ຮຳ​ໝັດ ນາຍົກລັດຖະມົນຕີ ປະກາດ​ໃນ​ທ້າຍ​ເດືອນ​ພຶດສະພາ ຍົກ​ເລີກ​ໂຄງການ​ລົດ​ໄຟ​ຄວາມ​ໄວ​ສູງ​ກັບ​ສິງກະ​ໂປ. ​ໃນ​ອີກ​ດ້ານ​ໜຶ່ງ ສານ​ຊັ້ນຕົ້ນຂອງ​ມາ​ເລ​ເຊຍ​ຕັ້ງຂໍ້​ຫາ​ອະດີດ​ນາຍົກລັດຖະມົນຕີ ນາ​ຈິບ ຣາຊັກ 4 ຂໍ້​ຫາ ຈາກ​ການ​ໃຊ້​ອຳນາດ​ບໍ່​ຍຸຕິ​ທຳ ​ແລະ ສໍ້​ລາດ​ບັງ​ຫລວງ​ໃນ​ການ​ບໍລິຫານ​ກອງ​ທຶນ​ພັດທະນາ​ແຫ່ງ​ຊາດ ​ເຊິ່ງ​ເປັນ​ສ່ວນ​ຮ່ວມ​ກັບ​ເມ​ກະ​ໂປ​ຣ​ເຈັກ​ເຫລົ່າ​ນີ້.