ແຂວງພູເກັດຈະໃຫ້ຄ່າຊົດເຊີຍ 2,1 ລ້ານບາດຕໍ່ຄົນ ແກ່ຜູ້ເສຍຊີວິດໃນເຫດການເຮືອຫລົ້ມ

ແຂວງພູເກັດຈະໃຫ້ຄ່າຊົດເຊີຍ 2,1 ລ້ານບາດຕໍ່ຄົນ ແກ່ຜູ້ເສຍຊີວິດໃນເຫດການເຮືອຫລົ້ມ - advert banner 728 90 728x90 - ແຂວງພູເກັດຈະໃຫ້ຄ່າຊົດເຊີຍ 2,1 ລ້ານບາດຕໍ່ຄົນ ແກ່ຜູ້ເສຍຊີວິດໃນເຫດການເຮືອຫລົ້ມ

ວັນ​ທີ 10 ກໍ​ລະ​ກົດ​ນີ້, ທ່ານ ​​ຖາ​ວອນ​ວັດ ​ຄົງແກ້ວ ຮອງ​ເຈົ້າ ​ແຂວງ​ພູ​ເກັດ ​ໄດ້​ຈັດ​ກອງ​ປະ​ຊຸມ ​ກັບ​ພາກ​ສ່ວນ​ທີ່​ກ່ຽວ​ຂ້ອງ​ ຢູ່​ໂຮງ​ ໝໍ​ວະ​ຊິ​ຣະພູ​ເກັດ ໂດຍ​ໄດ້​ປຶກ​ ສາ​ຫາ​ລື​ເລື່ອງ​ໃຫ້​ຄ່າ​ຊົດ​ເຊີຍ​ໃນເຫດ​ການ​​ເຮືອ​ທ່ອງ​ທ່ຽວຫຼົ້ມ. ອີງ​ຕາມ​ແຜນ​ການ, ແຂວງ​ພູ​ ເກັດ​ກຽມ​ຈະ​ໃຫ້​ຄ່າຊົດ​ເຊີຍ 2,1 ລ້ານ​ບາດ​ຕໍ່​ຄົນ​ແກ່​ຜູ້​ເສຍ​ຊີ​ວິດ​ ແລະ ຈະ​ໃຫ້​ຄ່າຊົດ​ເຊີຍ​ແກ່ຜູ້​ຖືກ​ ບາດ​ເຈັບ​ສູງ​ສຸດ​ບໍ່​ເກີນ 1,01 ລ້ານ​ບາດ.
ເຈົ້າ​ໜ້າ​ທີ່​ອຳ​ນາດ​ການ​ປົກ ​ຄອງ​ແຂວງ​ພູ​ເກັດ​ ກ່າວ​ວ່າ: ຍາດ​​ພີ່​ນ້ອງ​ທີ່​ຖືກ​ຕ້ອງ​ຕາມກົດ ​ໝາຍ​ຂອງ​ຜູ້​ເສຍ​ຊີ​ວິດ​ເທົ່າ​ນັ້ນ ຈຶ່ງ​ຈະ​​ມີ​ສິດ​ຮັບ​ຄ່າ​ຊົດ​ເຊີຍ​ດັ່ງ​ ກ່າວ ແລະ ຄ່າ​ປິ່ນ​ປົວ​ຜູ້​ບາດ​ເຈັບ ​ໃນ​ໄລ​ຍະ​ປິ່ນ​ປົວ​ຢູ່​ໄທ​ຈະ​ລວມ​ຢູ່​ໃນຄ່າ​ຊົດ​ເຊີຍ​ຂອງ​ຜູ້​ຖືກ​ບາດ​ເຈັບ​ ເຊັ່ນ​ກັນ.
ກ່ອນ​ໜ້າ​ນີ້, ກະ​ຊວງ​ທ່ອງ ​ທ່ຽວ ແລະ ກິ​ລາ​ໄທ ​ໄດ້​ຈັດ​ກອງ​ ປະ​ຊຸມ​ໃນ​ວັນ​ທີ 9 ກໍ​ລະ​ກົດ​ນີ້ ແລະ ກຽມ​ຈະ​ເບີກຈ່າຍ​ງົບ​ປະ​ ມາ​ນ 63,9 ລ້ານ​ບາດ ເພື່​ອ​​ເປັນ ​ຄ່າ​ຊົດ​ເຊີຍ​ສຳ​ລັບ​ເຫດ​ການ​ເຮືອ ​ຫຼົ້ມ​ໃນ​ຄັ້ງ​ນີ້.
ມື້ດຽວກັນ, ທ່ານ​ ນະ​ຣະ​ພັດ ປ​ລອດທອງ ເຈົ້າ​ແຂວງພູ​ເກັດ ​ກ່າວໃນ​ພິ​ທີ​ຖະ​ແຫຼງ​ຂ່າວ​ກ່ຽວ​ກັບ​ກາ​ນ​ກູ້​ໄພ​ອຸ​ບັດ​ເຫດ​ເຮືອ​ທ່ອງ ​ທ່ຽວຫຼົ້ມ​ທີ່​ພູ​ເກັດ​ວ່າ: ຈາກ​ການ​ ປະ​ສານ​ສົມ​ທົບ​ກັບ​ຊາວ​ປະ​ມົງ, ເຈົ້າ​ໜ້າ​ທີ່​ກູ້​ໄພ​ປະ​ເທດ​ຕົນ​ສາ​ ມາດ​ຊອກ​ເຫັນ​ຜູ້​ເສຍ​ຊີ​ວິດ​ອີກ 3 ຄົນ ເຊິ່ງ​ສາ​ມາດ​ຢືນ​ຢັນ​ໄດ້​ໂດຍ ​ພື້ນ​ຖານ​ວ່າ 3 ສົບ​ນີ້​ເປັນ​ຜູ້​ເສຍ​ຊີ​ ວິດ​ຈາກ​ອຸ​ປະຕິ​ເຫດ​ເຮືອ​ທ່ອງ​ ທ່ຽວຫຼົ້ມ, ຈາກ​ນີ້​ຈຶ່ງ​ຢືນ​ຢັນ​ໄດ້​ວ່າ ມາ​ເຖິງ​ປັດ​ຈຸ​ບັນ ຍອດ​ຜູ້​ເສ​ຍ​ຊີ​ ວິດ​ໄດ້​ເພີ່ມ​ຂຶ້ນ​ເປັນ 45 ຄົນ ແລະ ​ຍັງ​ມີ​ສອງ​ຄົນ​ຫາຍ​ສາບ​ສູນ​ຢູ່.

ແຂວງພູເກັດຈະໃຫ້ຄ່າຊົດເຊີຍ 2,1 ລ້ານບາດຕໍ່ຄົນ ແກ່ຜູ້ເສຍຊີວິດໃນເຫດການເຮືອຫລົ້ມ - lattana 1 - ແຂວງພູເກັດຈະໃຫ້ຄ່າຊົດເຊີຍ 2,1 ລ້ານບາດຕໍ່ຄົນ ແກ່ຜູ້ເສຍຊີວິດໃນເຫດການເຮືອຫລົ້ມ