ສາທາ​ເພີ່ມ​ທະວີ​ວຽກງານ​ເຝົ້າລະວັງ ​ແລະ ຄວບ​ຄຸມ​ເຊື້ອພະຍາດ​ຕ້ານ​ຕໍ່ຢາ​ປະຕິ​ຊິ​ວະນະ

ສາທາ​ເພີ່ມ​ທະວີ​ວຽກງານ​ເຝົ້າລະວັງ ​ແລະ ຄວບ​ຄຸມ​ເຊື້ອພະຍາດ​ຕ້ານ​ຕໍ່ຢາ​ປະຕິ​ຊິ​ວະນະ - advert banner 728 90 728x90 - ສາທາ​ເພີ່ມ​ທະວີ​ວຽກງານ​ເຝົ້າລະວັງ ​ແລະ ຄວບ​ຄຸມ​ເຊື້ອພະຍາດ​ຕ້ານ​ຕໍ່ຢາ​ປະຕິ​ຊິ​ວະນະ

​ໃນ​ວັນ​ທີ 11 ກໍລະກົດ ນີ້, ກະຊວງ ສາທາ ລະນະ​ສຸກ ​ໄດ້​ຈັດ​ກອງ​ປະຊຸມ ​ສ້າງ​ຄວາມ​ເຂັ້ມ​ແຂງ ວຽກງານ​ເຝົ້າ​ລະວັງ ​ແລະ ຄວບ​ຄຸມ​ເຊື້ອພະຍາດ​ຕ້ານ​ຕໍ່ຢາ ປະຕິ​ຊິ​ວາ​ນະ ຂຶ້ນທີ່ ນະຄອນຫລວງ​ວຽງຈັນ ​ໂດຍ​ການ​ເປັນ​ປະທານ​ຂອງ ທ່ານ ພູທອນ ​ເມືອງປາກ ຮອງ​ລັດຖະມົນຕີ ກະຊວງ​ສາທາລະນະ, ມີ​ຜູ້ຕາງໜ້າຈາກ​ອົງການ​ອາ​ນາ​ໄມ​ໂລກ ປະຈຳ​ລາວ ​ແລະ ກອງ​ທຶນ Flemming ​ເຂົ້າ​ຮ່ວມ​​ນຳ​ດ້ວຍ.

ສາທາ​ເພີ່ມ​ທະວີ​ວຽກງານ​ເຝົ້າລະວັງ ​ແລະ ຄວບ​ຄຸມ​ເຊື້ອພະຍາດ​ຕ້ານ​ຕໍ່ຢາ​ປະຕິ​ຊິ​ວະນະ - lattana 1 - ສາທາ​ເພີ່ມ​ທະວີ​ວຽກງານ​ເຝົ້າລະວັງ ​ແລະ ຄວບ​ຄຸມ​ເຊື້ອພະຍາດ​ຕ້ານ​ຕໍ່ຢາ​ປະຕິ​ຊິ​ວະນະ

ທ່ານ ຮອງ​ລັດຖະມົນຕີ ກະຊວງ ສາທາ​ລະນະ​ສຸກ ​ໃຫ້​ຮູ້​ວ່າ: ການ​ສ້າງ​ຄວາມ​ເຂັ້ມ​ແຂງ​ດ້ານ​ການ​ເຝົ້າ​ລະວັງ​ເຊື້ອຕ້ານ​ຕໍ່ຢາ​ຕ້ານ​ເຊື້ອຢູ່​ລາວ ​ເປັນ​ໂຄງການທີ່​ມີ​ຄວາມສຳຄັນ, ທີ່​ລັດຖະບານ ກໍ​ຄື ປະຊາຊົນ ສາທາລະນະ​ລັດ ​ເກົາຫລີ ​ໄດ້​ໃຫ້ການ​ສະໜັບສະໜູນທຶນຮອນ​ແກ່ ສປປ ລາວ ​ເຂົ້າ ໃນ​ໂຄງການ​ນີ້, ຊຶ່ງ​ພະຍາດ​ດັ່ງກ່າວ​ໄດ້​ມີ​ການ​ແຜ່​ລາມ ​ແລະ ກຳລັງ​ເກີດ​ຂຶ້ນຫລາຍ​ໃນ​ທົ່ວ​ໂລກ, ສະ​ເພາະ ສປປ ລາວ ກໍ​ເຫັນ​ວ່າ​ມີ​ການລະບາດ, ​ໂດຍ​ສະ​ເພາະ​ຢູ່​ພາກ​ໃຕ້​ຂອງ​ລາວ ​ໄດ້​ມີ​ການ​ລາຍ​ງານ​ເຊື້ອ​ໄຂ້​ມາລາ​ເຣຍ ຕ້ານ​ຕໍ່ຢາ​ປິ່ນປົວ​ໄຂ້ຍຸງ​ຊະນິດ​ປະສົມ ຊຶ່ງ​ກຳລັງ​ແຜ່​ລາມ​ຜ່ານ​ຊາຍ​ແດນ​ເຂົ້!ສູ່​ຫລາຍ​ປະ​ເທດ​ໃນ​ພາກພຶ້ນ ​ແລະ ບັນຫາ​ເຊື້ອພະຍາດ​ວັນນະ​ໂລກ​ດື້ຕໍ່ຢາ​ປິ່ນປົວ ກໍ​ນັບ​ມື້ຫລາຍ​ຂຶ້ນ ຕໍ່ສະພາບ​ການ​ດັ່ງກ່າວ ກະຊວງ ສາທາລະນະ​ສຸກ ກໍ​ໄດ້​ມີ​ແຜນ​ປະຕິບັດ​ງານ​ແຫ່ງ​ຊາດ ວ່າ​ດ້ວຍ​ເຊື້ອຈຸລິນ​ຊີ​ຕ້ານ​ຕໍ່ຢາ​ຕ້ານ​ເຊື້ອ ສຳລັບ​ປີ 2017 ຫາ 2020 ​ໂດ​ຍ​ໄດ້​ສ້າງ​ເຄືອ​ຄ່າ​ຍ​ເຝົ້າ​ລະວັງ ຮ່ວມ​ກັບ​ໂຮງໝໍ ​ແລະ ບັນດາ​ສູນ ຊຶ່ງ​ມີ​ການ​ຮ່ວມ​ມື​ຢ່າງ​ໃກ້ຊິດ​ກັບ​ອົງການ​ອານາ​ໄມ​ໂລກ ​ເພື່ອ​ສະກັດ​ກັ້ນ ​ພະ​ຍາດ​ດັ່ງກ່າວ​ໃຫ້​ຫລຸດ​ລົງ.