ສົກຮຽນ 2018-2019 ຄະນະວິສາວະກໍາສາດ ຈະຮັບນັກສຶກສາ 1 ພັນກວ່າຄົນ

ສົກຮຽນ 2018-2019 ຄະນະວິສາວະກໍາສາດ ຈະຮັບນັກສຶກສາ 1 ພັນກວ່າຄົນ - advert banner 728 90 728x90 - ສົກຮຽນ 2018-2019 ຄະນະວິສາວະກໍາສາດ ຈະຮັບນັກສຶກສາ 1 ພັນກວ່າຄົນ

ຄະນະບໍດີ ຄະນະວິສາວະກຳສາດ ມະຫາວິທະຍາໄລແຫ່ງຊາດ ໃຫ້ຮູ້ວ່າ: ໃນສົກຮຽນ 2018-2019 ທີ່ຈະມານີ້,  ຄະນະວິສາວະກຳສາດຈະຮັບນັກສຶກສາພຽງແຕ່ 1.370 ຄົນເທົ່ານັ້ນ, ໃນນັ້ນ, ລະດັບປະລິນຍາຕີປົກກະຕິ ຈໍານວນ 910 ຄົນ (ໃນແຜນ 140 ຄົນ ແລະນອກແຜນ 770 ຄົນ) ແລະ ລະດັບປະລິນຍາຕໍ່ເນື່ອງ ຈໍານວນ 460 ຄົນ (ໃນແຜນ 70 ຄົນ ແລະ ນອກແຜນ 390 ຄົນ, ເພື່ອເຂົ້າສຶກສາໃນ 8 ພາກວິຊາ ຄື: ວິສະວະກໍາໂຍທາ, ສິ່ງແວດລ້ອມ, ບໍ່ແຮ່, ກົນຈັກ, ໄຟຟ້າ, ເອເລັກໂຕຼນິກ ແລະ ໂທລະຄົມມະນາຄົມ, ຄອມພິວເຕີ ແລະ ໄອທີ, ຂົວທາງ ແລະ ຂົນສົ່ງ. ໃນນີ້, ປະກອບມີ 14 ສາຂາວິຊາຄື: ໂຍທາ, ສິ່ງແວດລ້ອມ, ບໍ່ແຮ່, ກົນຈັກ, ອຸດສາຫະກຳ, ເຄມີ, ໄຟຟ້າ, ໄຟຟ້າພະລັງນ້ຳ, ເອເລັກໂຕຼນິກ, ຄອມພິວເຕີ, ເຕັກໂນໂລຊີ ຂໍ້ມູນຂ່າວສານ ໄອທີ, ວິສະວະກໍາຂົວ-ທາງ ແລະ ວິສະວະກໍາຂົນສົ່ງ ແລະ ພາລາທິການ. ສຳລັບນັກຮຽນຜູ້ທີ່ຈະມາຮຽນໃນສາຂາວິຊາຕ່າງໆ ຢູ່ຄະນະວິສະວະກຳສາດ ແມ່ນຈະຕ້ອງເປັນຄົນມີພື້ນຖານທາງດ້ານເລກ, ຟີຊິກ ແລະ ຕ້ອງໄດ້ເພີ່ມຄວາມເອົາໃຈໃສ່ສູງ.

ສົກຮຽນ 2018-2019 ຄະນະວິສາວະກໍາສາດ ຈະຮັບນັກສຶກສາ 1 ພັນກວ່າຄົນ - lattana 1 - ສົກຮຽນ 2018-2019 ຄະນະວິສາວະກໍາສາດ ຈະຮັບນັກສຶກສາ 1 ພັນກວ່າຄົນ

ຄະນະບໍດີ ໃຫ້ຮູ້ວ່າ: ມີຄວາມສົນໃຈໃນຂະແໜງວິສະວະກຳສາດ ແມ່ນສາມາດມາຮຽນໄດ້ ຊຶ່ງແຕ່ລະສາຂາລ້ວນແຕ່ມີຄວາມສຳຄັນ ແລະ ເຫັນວ່າ ຕະຫຼາດແຮງງານມີຄວາມຕ້ອງການສູງຄື ແຕ່ລະປີມີນັກນັກສຶກສາທີ່ຮຽນຈົບຈາກຄະນະ ວິສະວະກຳສາດ ແຕ່ 1000-1200 ຄົນ, ສ່ວນຫຼາຍແມ່ນສາມາດປະກອບອາຊີບໄດ້ເກືອບ 100%.