ເບຍລາວສະຫລອງ 45 ປີພ້ອມເປີດຕົວຜະລິດຕະພັນໃໝ່

ເບຍລາວສະຫລອງ 45 ປີພ້ອມເປີດຕົວຜະລິດຕະພັນໃໝ່ - advert banner 728 90 728x90 - ເບຍລາວສະຫລອງ 45 ປີພ້ອມເປີດຕົວຜະລິດຕະພັນໃໝ່

ພິທີສະເຫລີມສະຫລອງວັນສ້າງຕັ້ງບໍລິສັດເບຍລາວ ຈໍາກັດ ຄົບຮອບ 45 ປີໄດ້ຈັດຂຶ້ນໃນວັນທີ 10 ກໍລະກົດນີ້ທີ່ບໍລິສັດດັ່ງກ່າວ, ໂດຍມີທ່ານສະພາບໍລິຫານ, ຜູ້ອໍານວຍການ, ພະນັກງານ-ກໍາມະກອນ, ພ້ອມດ້ວຍສື່ມວນຊົນເຂົ້າຮ່ວມເປັນຈໍານວນຫລາຍ.

ເບຍລາວສະຫລອງ 45 ປີພ້ອມເປີດຕົວຜະລິດຕະພັນໃໝ່ - lattana 1 - ເບຍລາວສະຫລອງ 45 ປີພ້ອມເປີດຕົວຜະລິດຕະພັນໃໝ່

ໃນໂອກາດນີ້, ທ່ານປະທານສະພາບໍລິຫານບໍລິສັດ ເບຍລາວ ກິດສະໜາ ວົງໄຊ ໄດ້ຍົກໃຫ້ເຫັນບາດກ້າວການເຕີບໃຫຍ່ຂະຫຍາຍຕົວຂອງບໍລິສັດນັບແຕ່ມື້ສ້າງຕັ້ງຈົນມາຮອດປັດຈຸບັນ, ຈາກໂຮງງານຂະໜາດນ້ອຍໄດ້ກາຍມາເປັນໂຮງງານຂະໜາດໃຫຍ່, ມີຄວາມທັນສະໄໝ, ສາມາດຕອບສະໜອງຄວາມຕ້ອງການຂອງສັງຄົມໄດ້ຢ່າງທົ່ວເຖິງ ແລະ ສົ່ງອອກໄປຕ່າງປະເທດ ຈົນກາຍເປັນຜະລິດຕະພັນທີ່ມີຊື່ສຽງລະດັບໂລກ. ພ້ອມນີ້, ຍັງເປັນໜຶ່ງຫົວໜ່ວຍການຜະລິດພາຍໃນທີ່ສ້າງວຽກເຮັດງານທໍາໃຫ້ປະຊາຊົນທ້ອງຖິ່ນ ແລະ ມອບພັນທະຕ່າງໆ ໃຫ້ລັດຖະບານເປັນອັນດັບຕົ້ນໆ, ອັນໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດນັບມື້ດີຂຶ້ນ.

ໃນພິທີ, ຍັງໄດ້ນໍາສະເໜີຜະລິດຕະພັນເບຍໃໝ່ 3 ແບບ 3 ລົດຊາດ ເພື່ອເພີ່ມທາງເລືອກໃໝ່ໃຫ້ຜູ້ບໍລິໂພກໄດ້ທົດລອງ.