ລູກຕິດໂທລະພາບຫຼາຍເກີນໄປ ເຂົາຈະພ້ອມເຂົ້າຮຽນຊ້າລົງ

- advert banner 728 90 728x90 - ລູກຕິດໂທລະພາບຫຼາຍເກີນໄປ ເຂົາຈະພ້ອມເຂົ້າຮຽນຊ້າລົງ

ມີງານວິໄຈອອກາເຕື່ອນພໍ່ແມ່ວ່າໃຫ້ຈໍາກັດເວລາໃນການເບິ່ງໂທລະພາບຂອງລູກລວມທັງໜ້າຈໍຕ່າງໆເຊັ່ນ: ໂທລະສັບ ແລະ ແທັບເລັດ ງານວິໄຈໃຫ້ເຫດຜົນວ່າຍິ່ງເຮົາໃຫ້ເດັກນ້ອຍເບິ່ງໂທລະພາບຫຼາຍເທົ່າໃດ ເດັກນ້ອຍກໍຈະມີຄວາມພ້ອມເຂົ້າຮຽນອະນຸບານຊ້າອອກໄປເທົ່ານັ້ນ.

- lattana 1 - ລູກຕິດໂທລະພາບຫຼາຍເກີນໄປ ເຂົາຈະພ້ອມເຂົ້າຮຽນຊ້າລົງ

ຄໍາແນະນໍາທີ່ທາງນັກວິໄຈໄດ້ອອກມາກໍຄື: ເດັກນ້ອຍທີ່ມີອາຍຸລະຫວ່າງ 2-5 ປີ ຄວນໃຊ້ເວລາເບິ່ງໜ້າຈໍທີ່ມີພາບເຄື່ອນໄຫວຕ່າງໆ ຢູ່ທີ່ 1 ຊົ່ງໂມງຕໍ່ມື້.

ຄວາມອັນຕລາຍຂອງການໃຊ້ເວລາຢູ່ກັບໜ້າຈໍຕະຫຼອດ ແລະ ເປັນເວລາດົນ ມີຜົນກັບພັດທະນາການຂອງເດັກນ້ອຍ ໂດຍທີມນັກວິໄຈເຂົ້າໄປສຶກສາເດັກນ້ອຍໃນໂຮງຮຽນອະນຸບານ 807 ຄົນ ທີ່ມີພື້ນຖານທາງຄອບຄົວແຕກຕ່າງກັນກັນໄປເບິ່ງຈາກລາຍໄດ້ ຈໍານວນຊົ່ວໂມງທີ່ໃຊ້ເບິ່ງໂທລະພາບຕໍ່ມື້, ມີຜົນກັບທັກສະການຮຽນຮູ້ໃນໂຮງຮຽນເຊັ່ນ: ວິຊາເລກ ການເຂົ້າໃຈຕົວອັກສອນ ແລະ ຄໍາສັບ, ການປັບອາລົມໃຫ້ເຂົ້າກັບສັງຄົມ ເມື່ອເດັກນ້ອຍໃຊ້ເວລາເບິ່ງໂທລະພາບຫຼາຍກວ່າ 2 ຊົ່ວໂມງຕໍ່ມື້ ຄວາມພ້ອມທີ່ຈະເຂົ້າຮຽນມີຜົນກັບເດັກນ້ອຍໆກຸ່ມນີ້ເຮັດໃຫ້ການຮຽນຮູ້ຕ່າງໆຊ້າລົງ ໂດຍສະເພາະວິຊາເລກ ແລະ ທັກສະການຈັດການສິ່ງຕ່າງໆ ແຕ່ການຮຽນຮູ້ຄໍາສັບອື່ນໆ ບໍ່ຄ່ອຍມີຜົນພໍປານໃດ ເພາະວ່າລາຍການໂທລະພາບຕ່າງໆ ຈະເນັ້ນການໃຊ້ຄໍາເວົ້າຫຼາຍກວ່າການພັດທະນາເລື່ອງຄໍານວນ.

ຖ້າເວົ້າວ່າໃຫ້ພໍ່ແມ່ຈໍາກັດທຸກສິ່ງອາດຈະຍາກ ແລະ ຫັກດິບເກີນໄປ ໃຫ້ເລີ່ມຈາກໂທລະພາບ ເຮົາກໍຈະເຫັນວ່າເດັກນ້ອຍກໍຢູ່ໄດ້ ແລະ ຫຼຸດການຫຼິ້ນໂທລະສັບ ແລະ ແທັບເລັດໃຫ້ເປັນເວລາ ໃຫ້ຫຼິ້ນໃນເວລາບໍ່ເກີນ 1 ຊົ່ວໂມງ ແຕ່ພໍ່ແມ່ກໍຕ້ອງສ້າງກິດຈະກໍາໃຫ້ລູກຫຼາຍຂຶ້ນ ເຕັກໂນໂລຊີພວກນີ້ກໍບໍ່ຈໍາເປັນອີກຕໍ່ໄປ.