ເຜີຍວິທີລັບ ! ຖູ​ເຮືອນແນວໃດໃຫ້ສະອາດ

- advert banner 728 90 728x90 - ເຜີຍວິທີລັບ ! ຖູ​ເຮືອນແນວໃດໃຫ້ສະອາດ

ເຜີຍເຄັດລັບການຖູ​ເຮືອນແບບປະຢັດເວລາ, ຖູພຽງຮອບດຽວກໍສະອາດ ຈະມີວິທີການແນວໃດ ມາເບິ່ງນໍາກັນ.

- lattana 1 - ເຜີຍວິທີລັບ ! ຖູ​ເຮືອນແນວໃດໃຫ້ສະອາດ
  • ວິທີໃຊ້ນໍ້າຢາປັບຜ້ານຸ່ມ:
  1. ກຽມນໍ້າສະອາດໃສ່ຄຸ ພ້ອມຜ້າສະອາດສໍາລັບຖູ
  2. ໃສ່ນໍ້າຢາປັບຜ້ານຸ່ມເລັກນ້ອຍ ປະສົມກັບນໍ້າຕາມປົກກະຕິ (ເລືອກກິ່ນນໍ້າຢາປັບຜ້ານຸ່ມໄດ້ຕາມໃຈມັກ)
  3. ຈຸ່ມຜ້າລົງໄປໃນຄຸ ແລ້ວບິດໃຫ້ແຫ້ງຖູຕາມບໍລິເວນ ເຟີນີເຈີ ແລະ ພື້ນ​ເຮືອນຕາມປົກກະຕິ.

ເທົ່ານີ້ບ້ານກໍສະອາດມີກິ່ນຫອມ ແລະ ຝຸ່ນຕິດຊ້າກວ່າວິທີການຖູ​ເຮືອນແບບເກົ່າ ສາເຫດທີ່ເປັນແບບນີ້ເພາະວ່າການຖູ​ເຮືອນແບບເກົ່ານັ້ນເຮັດໃຫ້ເກີດໄຟຟ້າສະຖິດ ເຮັດໃຫ້ຝຸ່ນມາຕິດໄດ້ງ່າຍກວ່າ.

ແຕ່ເມື່ອຕື່ມນໍ້າຢາປັບຜ້ານຸ່ມລົງໄປ ຈະມີສານບາງຢ່າງໃນນໍ້າຢາດັ່ງກ່າວໄປເຄືອບຜິວວັດຖຸ ຊ່ວຍຫຼຸດບັນຫາໄຟຟ້າສະຖິດໄດ້ ເຮັດໃຫ້ຝຸ່ນຕິດຍາກກວ່າເກົ່າ ແລະ ເຮັດໃຫ້ບໍ່ຕ້ອງຖູ​ເຮ​ືອນຕະຫຼອດ ​ເຮືອນກໍສະອາດບໍ່ມີຝຸ່ນ.

  • ວິທີທີ 1 ໃຊ້ເກືອກັບນໍ້າຮ້ອນ:
  1. ຕົ້ມນໍ້າໃຫ້ອຸ່ນ ອຸນຫະພູມປະມານ 40 ອົງສາ (ບໍ່ຕ້ອງຖ້າໃຫ້ນໍ້າຮ້ອນ)
  2. ໃສ່ເກືອລົງໄປໃນນໍ້າປະມານ 1 ບ່ວງ/ນໍ້າ 1 ໝໍ້ ຄົນໃຫ້ລະລາຍ
  3. ສໍາເລັດແລ້ວເອົາຜ້າຖູພື້ນມາຈຸ່ມ ແລ້ວບິດພໍໝາດໆ ນໍາໄປຖູ​ເຮືອນຕາມປົກກະຕິ

ຜົນລັບທີ່ໄດ້ຈະແຕກຕ່າງຈາກເກົ່າ ​ເຮືອນສະອາດແຫ້ງໄວກວ່າປົກກະຕິ ທີ່ເປັນແບບນີ້ເພາະເກືອມີຄຸນສົມບັດດູດຊັບຄວາມຊຸ່ມໄດ້ດີ ເມື່ອປະສົມກັບນໍ້າຮ້ອນແລ້ວ ນໍາມາຖູພື້ນ ຈຶ່ງເຮັດໃຫ້ພື້ນແຫ້ງໄວ ແລະ ຊ່ວຍຫຼຸດບັນຫາກິ່ນອັບ ແລະ ຄວາມຊຸ່ມໃນບ້ານໄດ້.

ເຮົາສາມາດໃຊ້ 2 ວິທີນີ້ຄວບຄູ່ກັນໄດ້ ເພື່ອໃຫ້ໄດ້ຜົນລັບທີ່ດີທີ່ສຸດ ຄືນໍານໍ້າອຸ່ນທີ່ຕົ້ມໄວ້ແລ້ວມາປະສົມກັບເກືອ ແລະ ນໍ້າຢາປັບຜ້ານຸ່ມ ແລ້ວນໍາໄປໃຊ້ຖູພື້ນ ຈະເຮັດໃຫ້ໄດ້ທັງຫຼຸດຝຸ່ນຕິດ, ແຫ້ງໄວ ແລະ ຫຼຸດກິ່ນອັບໄປໃນຕົວ.