ເກີດອາບເຕີຊ໊ອກຮຸນແຮງຊ້ຳອີກ ທີ່ເກາະລອມບອກຂອງອິນໂດເນເຊຍ

- advert banner 728 90 728x90 - ເກີດອາບເຕີຊ໊ອກຮຸນແຮງຊ້ຳອີກ ທີ່ເກາະລອມບອກຂອງອິນໂດເນເຊຍ

ສຳນັກງານ​ສຳ​ຫລວດ​ທໍລະນີ​ວິທະຍາ​ອາ​ເມ​ລິ​ກາລະ​ບຸ​ວ່າ: ​ເກີດ​ອາບ​ເຕີ​ຊ໊ອກຮຸນ​ແຮງ​ທີ່​ເກາະ​ລອມ​ບອກ​ຂອງ​ອິນ​ໂດ​ເນ​ເຊຍ​ຊ້ຳອີກ​ໃນ​ວັນ​ທີ 9 ສິງຫາ​ນີ້ ພາຍຫລັງ​ແຜ່ນດິນ​ໄຫວ​ຂະໜາດ 7,0 ​ແມ​ກນິຈູດ ​​ເມື່ອ 4 ວັນ​ກ່ອນ ​ເຮັດ​ໃຫ້​ມີ​ຜູ້​ເສຍ​ຊີວິດ 160 ກວ່າ​ຄົນ​ຢູ່​ເກາະ​ທ່ອງ​ທ່ຽວ​ອິນ​ໂດ​ເນ​ເຊຍ.

- lattana 1 - ເກີດອາບເຕີຊ໊ອກຮຸນແຮງຊ້ຳອີກ ທີ່ເກາະລອມບອກຂອງອິນໂດເນເຊຍ

ສຳນັກງານ​ທໍລະນີວິທະຍາ​ອາ​ເມ​ລິ​ກາ ລາຍ​ງານ​ວ່າ: ອາບ​ເຕີ​ຊ໊ອກຄັ້ງນີ້​ຢູ່​ລະດັບ 5,9 ​ແມ​ກນິຈູດ, ສ່ວນ​ສະຖານີ​ທໍລະນີວິທະຍາ​ອິນ​ໂດ​ເນ​ເຊຍ​ລະບຸ​ວ່າ: ​ແຜ່ນດິນ​ໄຫວ​​ເວລາ 12:49 ​ໂມງ ວັນ​ທີ 9 ສິງຫາ ຂະໜາດ 6,2 ​ແມ​ກນິຈູດ ​ໂດຍ​ຢູ່​ໃນ​ລະດັບ​ຕື້ນ ​ແລະ ຢູ່​ເລິກ​ລົງ​ໄປ 12 ກິ​ໂລ​ແມັດ ມີ​ສູນ​ກາງ​ຢູ່​ຫ່າງ​ໄປ​ທາງ​ຕາ​ເວັນ​ຕົກ​ສຽງ​ເໜືອ​ຂອງ​ເກາະ​ລອມ​ບອກ ​ເຊິ່ງມີ​ຜູ້​ບໍ່​ມີ​ບ່ອນຢູ່​ຫລາຍ​ໝື່ນ​ຄົນ​ຫລັງ​ແຜ່ນດິນ​ໄຫວ​ຄັ້ງ​ໃຫຍ່​ໃນ​ວັນ​ທີ 5 ສິງຫາ, ​ແຕ່​ແຜ່ນດິນ​ໄຫວ​ຄັ້ງນີ້​ບໍ່​ມີ​ທ່າ​ອ່ຽງ​ເຮັດ​ໃຫ້​ເກີດ​ຄື້ນສຶນາ​ມິ.