ລາວກຽມ​ສຶກສາຄວາມ​ເປັນ​ໄປ​ໄດ້​ໂຄງການ​ສາຍ​ສົ່ງ​ໄຟຟ້າແຫ່ງ​ຊາດ

- advert banner 728 90 728x90 - ລາວກຽມ​ສຶກສາຄວາມ​ເປັນ​ໄປ​ໄດ້​ໂຄງການ​ສາຍ​ສົ່ງ​ໄຟຟ້າແຫ່ງ​ຊາດ

ພິທີ​ລົງ​ນາມ​ບົດ​ບັນທຶກ​ຄວາມ​ເຂົ້າ​ໃຈ​ການ​ສຶກສາ​ຄວາມ​ເປັນ​ໄປ​ໄດ້​ຂອງ​ໂຄງການ​ພັດທະນາ​ສາຍ​ສົ່ງໄຟຟ້າ​ແຫ່ງ​ຊາດ ລະຫວ່າງ​ກະຊວງ​ແຜນການ ​ແລະ ການ​ລົງທຶນ, ລັດ​ວິ​ສາ​ຫະກິດ​ໄຟຟ້າ​ລາວ ​ແລະ ບໍລິສັດ​ສາຍ​ສົ່ງ​ໄຟຟ້າ​ພາກ​ໃຕ້ ສປ ຈີນ ​ໄດ້​ມີ​ຂຶ້ນ​ໃນ​ວັນ​ທີ 8 ສິງຫາ​ນີ້ ທີ່​ນະຄອນຫລວງ​ວຽງ​ຈັນ ​ໂດຍ​ການ​ເຂົ້າຮ່ວມ​ຂອງ​ທ່ານ​ຮອງ​ນາຍົກລັດຖະມົນຕີ ສອນ​ໄຊ ສີ​ພັນ​ດອນ.

- lattana 1 - ລາວກຽມ​ສຶກສາຄວາມ​ເປັນ​ໄປ​ໄດ້​ໂຄງການ​ສາຍ​ສົ່ງ​ໄຟຟ້າແຫ່ງ​ຊາດ

ທ່ານ Li Qing Kvi ປະທານ​ບໍລິສັດ​ສາຍ​ສົ່ງ​ໄຟຟ້າ​ພາກ​ໃຕ້ ສປ ຈີນ ກ່າວ​ວ່າ: ປັດຈຸບັນ ບໍລິສັດ​ຂອງຕົນ​ພວມ​ດຳ​ເນີນ​ການ​ກໍ່ສ້າງ​ເຂື່ອນ​ໄຟຟ້າ​ນ້ຳທາ 1 ​ແລະ ​ໄດ້​ສຳ​ເລັດ​ການ​ຍົກຍ້າຍ​ປະຊາຊົນ​ທີ່​ນອນ​ໃນ​​ເຂດ​ໂຄງການ​ໄປ​ຢູ່​ບ່ອນ​ຈັດ​ສັນ​ໃໝ່ ​ແລະ ​ເລີ່​ມ​ແຕ່​ປີ 2001 ​ເປັນຕົ້ນມາ​ໄດ້​ມີ​ການ​ສະໜອງ​ໄຟຟ້າ​ໃຫ້​ແກ່​ພາກ​ເໜືອ​ລາວ​ໂດຍ​ຜ່ານ​ສາຍ​ສົ່ງ 10 ກິ​ໂລ​ໂວ​ນ ​ແລະ ສາຍ​ສົ່ງ​ພາກພື້ນດິນ. ປີ 2009 ​ໄດ້​ສຳ​ເລັດ​ການ​ກໍ່ສ້າງ​ລະບົບ​ສາຍ​ສົ່ງ 115 ກິ​ໂລ​ໂວ​ນ ​ແລະ ສາຍ​ສົ່ງ 230 ກິ​ໂລ​ໂວ​ນຢູ່​ພາກ​ເໜືອ​ຂອງ​ລາວ. ສຳລັບ​ໂຄງການ​ພັດທະນາ​ສາຍ​ສົ່ງ​ໄຟຟ້າແຫ່ງ​ຊາດ​ແມ່ນ​ມີ​ຄວາມ​ສຳຄັນໃນ​ຂະ​ແໜງ​ພະລັງງານເພື່ອ​ເປັນ​ເສົາຄ້ຳ

ຫລັກໃຫ້ແກ່​ການ​ພັດທະນາ​ເສດຖະກິດ-ສັງຄົມຂອງຊາດ, ​ໂດຍ​ສະ​ເພາະ​ແມ່ນ​ຮັບປະກັນ​ດ້ານ​ການ​ສະໜອງ​ພະລັງງານ​ໄຟຟ້າ​ທີ່​ປອດ​ໄພ ​ແລະ ​ເປັນ​ກຳລັງ​ແຮງ​ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ​​ໃຫ້​ເຂັ້ມ​ແຂງ ​ແລະ ຍົກ​ສູງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ບັນດາ​ເຜົ່າດີ​ຂຶ້ນ.