ພະລັງແຫ່ງນ້ຳໃຈຫລັ່ງໄຫລສູ່ດິນແດນອັດຕະປື

- advert banner 728 90 728x90 - ພະລັງແຫ່ງນ້ຳໃຈຫລັ່ງໄຫລສູ່ດິນແດນອັດຕະປື

ໂດຍ: ທິດກ່ຳ

- lattana 1 - ພະລັງແຫ່ງນ້ຳໃຈຫລັ່ງໄຫລສູ່ດິນແດນອັດຕະປື

ເຫດການເຂື່ອນເຊປຽນ-ເຊນ້ຳນ້ອຍທະລຸໃນມື້ວັນ ທີ 23 ກໍລະກົດ ຜ່ານມາ ໄດ້ສ້າງຄວາມຫາຍຍານະ ແກ່ຊີວິດ ແລະ ຊັບສິນຂອງ ປະຊາຊົນ ຊາວເມືອງສະ ໜາມໄຊຢ່າງຫລວງຫລາຍ ພາຍມາກ.

 

ລັດຖະບານຂອບໃຈທຸກພາກສ່ວນທັງພາຍໃນ ແລະ ເພື່ອນມິດສາກົນທີ່ໃຫ້ການຊ່ວຍເຫລືອຜູ້ປະສົບໄພພິບັດນໍ້າຖ້ວມໃນລາວ

ຊາວໜຸ່ມແຂວງຄຳມ່ວນມອບເຄື່ອງໃຫ້ອ້າຍນ້ອງທະຫານຊາຍແດນ

ມາຮອດປັດຈຸບັນ, ທາງພັກ ແລະ ລັດຖະບານ ແລະ ພາກສ່ວນຕ່າງໆ ນັບທັງບັນດາອົງການຈັດຕັ້ງສັງຄົມ, ທັງບຸກຄົນ, ນິຕິບຸກຄົນທີ່ຢູ່ພາຍໃນ ແລະ ຕ່າງປະເທດຕ່າງ ກໍພວມສືບຕໍ່ເລັ່ງລັດຊອກຄົ້ນຫາຜູ້ເສຍຊີວິດ, ຜູ້ສູນຫາຍ ໄປພ້ອມກັບການປັບປຸງຢຽວຢາແນວຄິດຈິດໃຈ, ອອກແຮງ ໃຫ້ການຊ່ວຍເຫລືອໃນທຸກ ຮູບແບບກາຍເປັນພະລັງ ແຫ່ງນ້ຳໃຈຫລັງໄຫລເຂົ້າ ສູ່ດິນແດນອັດຕະປືຢ່າງບໍ່ ລົດລະ ແລະ ເປັນຂະບວນກວ້າງຂວາງ.

ມາຮອດປັດຈຸບັນ, ອີງ ຕາມຕົວເລກການບໍລິຈາກ ສົງເຄາະຢຽວຢາການຊ່ວຍ ເຫລືອເປັນເງິນກີບທັງ ໝົດ 90 ຕື້, ເງິນບາດ 27 ລ້ານບາດ, ເງິນໂດລາ 11 ກວ່າລ້ານ.

ສ່ວນວ່າຜົນຂອງການ ກະທົບທັງໝົດມີພົນລະເມືອງ 13.067 ຄົນ, ມີ 13 ບ້ານໃນ ນີ້ມີ 6 ບ້ານໄດ້ຮັບຜົນກະທົບ ໜັກ ແລະ ເສຍຫາຍ100% ມີພົນລະເມືອງ7.095 ຄົນໃນ ຈຳນວນ 1.611 ຄອບຄົວ.

ແຫລ່ງຂ່າວລ້າສຸດມາ ຮອດປັດຈຸບັນພົບຜູ້ເສຍຊີວິດໄປແລ້ວ 35 ຄົນ ຍັງສູນຫາຍ 99 ຄົນ, ທາງຄະນະຮັບຜິດ ຊອບຍັງໄດ້ບອກວ່າການ ຊ່ວຍເຫລືອ ໃນເບື້ອງຕົ້ນ ຄອບຄົວໜຶ່ງຈະໄດ້ຮັບ 500.000 ກີບ ປະຕິບັດ ໄດ້ແລ້ວ 1.171 ຄອບຄົວ ຕົກເປັນເງິນທັງໝົດ 585.500.000 ກີບ.

ນອກຈາກນັ້ນ, ກໍຍັງມີ ວັດຖຸປັດໄຈເຄື່ອງອຸປະໂພກ-ບໍລິໂພກ ແລະ ປະເພດເງິນ ສົດທີ່ຍັງຢູ່ແຂວງອັດຕະປື ຢ່າງຫລວງຫລາຍ ເຊິ່ງມາ ຮອດວັນທີ 8 ສິງຫາ ຜ່ານມາມີຍອດເງິນທັງໝົດຫລາຍ ກວ່າ 80 ຕື້ກີບ, ໃນນີ້ເປັນ ເງິນສົດ 26 ຕື້ກວ່າກີບ.
ນີ້ຄືຕົວເລກຕົວຜາ, ວັດຖຸປັດໄຈກາຍເປັນພະລັງ ແຫ່ງນ້ຳໃຈຂອງຄົນລາວ ເຮົາກໍຄືເພື່ອນມິດຕ່າງ ປະເທດທີ່ມີຈິດໃຈມະນຸດສະທຳຕໍ່ເພື່ອນມະນຸດດ້ວຍກັນ ບໍ່ໄດ້ປ່ອຍປະລະໄລໃຫ້ຜູ້ປະສົບເຄາະຮ້າຍຕ້ອງຕົກຢູ່ໃນສະພາບຕາກແດດຕາກຝົນ ຝັງຢູ່ໃນຂີ້ຕົມຖົມຢູ່ໃນຊາກສະລັກຫັກພັງ.

ອັນທີ່ພິເສດສຸດ ພວກ ເຮົາຍັງມີພັກ-ລັດຖະບານ ແລະ ອຳນາດການປົກຄອງ ທ້ອງຖິ່ນຄອຍປົກປ້ອງດູແລ ເພາະເຫດທີ່ບໍ່ເພິ່ງປາດຖະ ໜານີ້ ບໍ່ມີໃຜຢາກໃຫ້ມັນ ເກີດ, ບໍ່ມີໃຜຢາກໃຫ້ພາກັນ ເຈັບພາກັນເປັນ ແລະ ພາກັນ ລົ້ມຕາຍຫາຍຈາກທ້ອງຖິ່ນ ດິນນາ.

ແນວໃດກໍດີ, ຕາມເຮົາ ວ່າຄວາມຫາຍຍານະມັນກໍ ໄດ້ເກີດ ແລະ ເປັນໄປກັບ ພວກເຮົາແລ້ວ; ເຫດການ ທີ່ບໍ່ເພິ່ງປາດຖະໜານີ້ຂໍໃຫ້ ມັນກາຍເປັນອາດີດ, ເປັນ ພຽງພາບຫລອກຫລອນທີ່ ເລືອນລາງໄຮ້ວິນຍານຍ້ອນ ເຂື່ອນແຕກພຽງຄັ້ງດຽວ ແລະ ຂໍວິ້ງວອນຢ່າ ໃຫ້ມີອີກ ຄັ້ງຕໍ່ໆໄປ.

ໃນຍຸກໂລກາພິວັດນີ້ມະ ນຸດເຮົາແຕ່ລະມື້, ແຕ່ລະປະ ເພດກໍປະສົບກັບໄພພິບັດ ມາມາກມາຍກາຍກອງແລ້ວບາງຄົນກໍເກີນວ່າຕາຍງ່າຍ ຕາຍດາຍ, ບໍ່ຈັກວ່າແຜນດິນ ໄຫວ, ບໍ່ຈັກວ່ານ້ຳຖ້ວມທັງ ບ້ານເພິ່ນບ້ານໂຕ, ບຶດໜຶ່ງ ວ່າລົດຕຳ, ລົດຢຽບຕາຍຄາ ທີ່ແລ້ວ, ບາງບ່ອນບາງເຂດ ຢູ່ດີໆກໍເອົາລະເບີດໄປຖິ້ມໃສ່ ພາກັນລົ້ມຕາຍເດຍລະດາດ ບໍ່ຈັກຜູ້ເຖົ້າເດັກນ້ອຍ.

ເມື່ອຕັ້ງໂຈດກັນວ່າ, ໃນ ອານາຄົດຕໍ່ໜ້າບ້ານເຮົາຈະ ພາກັນຫາທາງອອກ ແລະ ແກ້ໄຂແນວໃດເພື່ອບໍ່ໃຫ້ ເຂື່ອນແຕກ? ຄຳຕອບກໍຄື ພວກເຮົາຕ້ອງພ້ອມກັນຄິດ ແລະ ພ້ອມກັນແກ້, ເຊິ່ງກ່ອນ ອື່ນໝົດແມ່ນ ບໍ່ໃຫ້ເຮັດຄື ເກົ່າມາຫລັງ ຄວາຍກິນເຂົ້າ ນາເກືອບໝົດທົ່ງແລ້ວຈຶ່ງ ພາກັນມາລ້ອມຮົ້ວແມ່ນຢ່າ ພາກັນເຮັດເດັດຂາດຈັກໜ່ອຍ ຈະຕາຍກັນໄປບໍ່ເລີກບໍ່ແລ້ວ.

ໃນວັນທີ 6-7 ສິງຫາ ຜ່ານມາ ລັດຖະບານເຮົາ ກໍໄດ້ເປີດກອງປະຊຸມເພື່ອວິ ເຄາະເຈາະເລິກຫາທາງແກ້ ໄຂກ່ຽວກັບບັນຫານີ້ ໃນກອງ ປະຊຸມດັ່ງກ່າວ ກໍໄດ້ຕົກລົງ ແຕ່ງຕັ້ງຄະນະກວດກາ ຄວາມຮັບຜິດຊອບຂອງບຸກ ຄົນທີ່ຕິດພັນກັບສາເຫດທີ່ ເຮັດໃຫ້ຄູກັນນ້ຳຂອງເຂື່ອນ ເຊປຽນ-ເຊນ້ຳນ້ອຍແຕກ ຟັງ ພ້ອມທັງຕົກລົງເອົາ 10 ມາດຕະການຕ່າງໆ ໃນການ ແກ້ໄຂບັນຫາຢ່າງຮີບຮ້ອນ ເລັ່ງດ່ວນ.

ນອກຈາກບາງບັນຫາ ທີ່ໄດ້ກ່າວມາຂ້າງເທິງນັ້ນ ແລ້ວ, ລັດຖະບານຍັງໄດ້ສັ່ງ ໂຈະຊົ່ວຄາວການ ສ້າງເຂື່ອນ ໃໝ່ພ້ອມທັງສັ່ງກວດກາ ຄືນສະພາບເຂື່ອນເກົ່າທີ່ກໍ່ ສ້າງໄປແລ້ວໃນທົ່ວປະເທດ.

ຕໍ່ທິດທາງແກ້ໄຂຂອງ ລັດຖະບານທິດກ່ຳຂໍຍົກໂປ້ ນຳ ແຕ່ຕ້ອງໄດ້ດຳເນີນຢ່າງ ໄວວາເດັດຂາດຈິ່ງຈັງທັງມີ ຄຸນນະພາບເປັນເລີດ ຖ້າບໍ່ດັ່ງ ນັ້ນພົນລະເມືອງລາວຈະພາ ກັນຕາຍຍ້ອນເຂື່ອນແຕກ ບໍ່ເລີກບໍ່ແລ້ວ./.

- 37923495 1190180971121505 4316977629002465280 o - ພະລັງແຫ່ງນ້ຳໃຈຫລັ່ງໄຫລສູ່ດິນແດນອັດຕະປື
(ພາບປະກອບ)