ນູແວນເຊລັງຈະເລີກໃຊ້ຖົງປລາສຕິກ ແບບເທື່ອດຽວຖິ້ມພາຍໃນປີໜ້າ

- advert banner 728 90 728x90 - ນູແວນເຊລັງຈະເລີກໃຊ້ຖົງປລາສຕິກ ແບບເທື່ອດຽວຖິ້ມພາຍໃນປີໜ້າ

ນູ​ແວນ​ເຊ​ລັງ​ເປັນ​ປະ​ເທດ​ຫລ້າ​ສຸດທີ່​ຈະ​ຫ້າມ​ການ​ໃຊ້​ຖົງ​ປລາສຕິກ​ແບບ​ເທື່ອ​ດຽວ​ຖິ້ມ ​ໂດຍ​ຈະ​ທະຍອຍ​ເຮັດ​ໃຫ້​ສຳ​ເລັດ​ພາຍ​ໃນ​ປີໜ້າ.

- lattana 1 - ນູແວນເຊລັງຈະເລີກໃຊ້ຖົງປລາສຕິກ ແບບເທື່ອດຽວຖິ້ມພາຍໃນປີໜ້າ

Jacinda Ardern announces plan to phase out single-use plastic bags

#BREAKING: Jacinda Ardern has just made it official. New Zealand will be implementing a nationwide bag ban.Read more: http://bit.ly/2KFAJGI

1 NEWSさんの投稿 2018年8月9日木曜日

ນາຍົກລັດຖະມົນຕີ ຈາ​ຊິນ​ດາ ອາ​ເດິ​ນ ຂອງ​ນູ​ແວນ​ເຊ​ລັງ ກ່າວ​ໃນ​ວັນ​ທີ 10 ສິງຫາ​ວ່າ: ຊາວ​ນູ​ແວນ​ເຊ​ລັງ​ໃຊ້​ຖົງ​ປລາສຕິກ​ແບບ​ເທື່ອ​ດຽວ​ຖິ້ມປີ​ລະ​ຫລາຍ​ລ້ານ​ຖົງ ສ່ວນ​ຫລາຍ​ກາຍ​​ໄປ​ເປັນ​ຂີ້​ເຫຍື້ອອັນຕະລາຍ​ຕໍ່​ສັດ​ນ້ຳ ​ເພາະ​ເປັນຂີ້​ເຫຍື້ອທີ່​ພົບ​ຫລາຍ​ທີ່​ສຸດ​ຕາມ​ຊາຍ​ຫາດ​ນູ​ແວນ​ເຊ​ລັງ ຈຶ່ງ​ຕ້ອງ​ກຳຈັດ​ຂີ້​ເຫຍື້ອ​ໃຫ້​ດີກ​ວ່າ​ນີ້. ການ​ທະຍອຍ​ເລີກ​ໃຊ້​ຖົງ​ປລາສຕິກ​ແບບ​ໃຊ້​ແລ້ວ​ຖິ້ມ​ເປັນ​ວິທີ​ການ​ທີ່​ໄດ້ຜົນ​ໃນ​ການ​ຫລຸດ​ມົນ​ລະ​ພິດ ​ເພາະ​ຈະ​ຊ່ວຍ​ເບິ່ງ​ແຍງ​ສະພາບ​ແວດ​ລ້ອມ ​ແລະ ປົກ​ປ້ອງພາບ​ພົດ​ການ​ເປັນ​ປະ​ເທດ​ທີ່​ສະອາດ ​ແລະ ​ເປັນ​ມິດ​ຕໍ່​ສິ່ງ​ແວດ​ລ້ອມ. ລັດຖະບານປະ​ເທດ​ດັ່ງກ່າວ​ກຳລັງ​ຜະ​ເຊີນ​ຄວາມ​ທ້າ​ທາຍ​ດ້ານ​ສິ່ງ​ແວດ​ລ້ອມ ​ແລະ ກຳລັງ​ດຳ​ເນີນ​ການ​ເພື່ອ​ບໍ່​ໃຫ້​ບັນຫາ​ຕົກ​ໄປ​ເຖິງ​ຄົນ​ຮຸ່ນ​ຫລັງ.

ສະຫະ​ປະຊາ​ຊາດ (UN) ອອກ​ລາຍ​ງານ​ໃນ​ເດືອນ​ມິຖຸນາ​ວ່າ: ທົ່ວ​ໂລກ​ໃຊ້​ຖົງ​ປລາສຕິກ​ແບບ​ເທື່ອ​ດຽວ​ຖິ້ມສູງ​ເຖິງ 5 ຕື້ຖົງ​ຕໍ່​ປີ ຫລື ສະ​ເລ່ຍ​ເກືອບ 10 ລ້ານ​ຖົງ​ຕໍ່​ວິນາທີ. ຖ້າ​ນຳ​ເອົາ​ຖົງ​ເຫລົ່າ​ນີ້​ມາ​ມັດ​ຕໍ່​ກັນຈະ​ສາມາດ​ກ້ຽວ​ອ້ອມ​ໂລກ​​ໄດ້ 7 ຄັ້ງຕໍ່​ໜຶ່ງ​ຊົ່ວ​ໂມງ ​ແລະ ສ່ວນ​ຫລາຍ​ເປ​ັນຂີ້​ເຫຍື້ອທີ່ຣີ​ໄຊ​ເຄິລບໍ່​ໄດ້. ປັດຈຸບັນ​ມີ 60 ກວ່າ​ປະ​ເທດ​ແລ້ວ​ທີ່​ຫ້າມ ຫລື ​ໄລ່​ເງິນຖົງ​ປລາສຕິກ​ແບບ​ໃຊ້​ແລ້ວ​ຖິ້ມ. UN ​ແນະນຳ​ວ່າ: ການ​ກຳຈັດ​ຂີ້​ເຫຍື້ອ​ແບບ​ມີ​ປະສິດທິພາບ, ການ​ໃຊ້​ແຮງ​ຈູງ​ໃຈ​ທາງ​ການ​ເງິນ​ເພື່ອ​ປ່ຽນ​ແປງ​ພຶດຕິ​ກຳ​ຜູ້ບໍລິ​ໂພ​ກ ​ແລະ ການວ​ິ​ໄຈ​ຫາ​ວັດ​ສະດຸ​ທາງ​ເລືອກ​ແທນ​ປລາສຕິກ​ອາດ​ຈະ​ກໍ່​ໃຫ້​ເກີດ​ການ​ປ່ຽນ​ແປງ​ຢ່າງ​ແທ້​ຈິງ.