ຈີນ-ຣັດເຊຍ ສະກັດອາເມລິກາ ເພີ່ມຂວ້ຳບາດ ສປປ ເກົາຫລີ

- advert banner 728 90 728x90 - ຈີນ-ຣັດເຊຍ ສະກັດອາເມລິກາ ເພີ່ມຂວ້ຳບາດ ສປປ ເກົາຫລີ

ຈີນ ​ແລະ ຣັດ​ເຊຍ ຄັດຄ້ານ​ຄວາມ​ພະຍາຍາມ​ຂອງ​ອາ​ເມ​ລິ​ກາ ​ເຊິ່ງຕ້ອງການ​ໃຫ້​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ຂຶ້ນບັນຊີ​ດຳ​ທະນາຄານ​ຂອງຣັດ​ເຊຍ​ແຫ່ງ​ໜຶ່ງ ​ແລະ ນັກ​ການ​ທະນາຄານ​ຊາວ ສປປ ​ເກົາຫລີ.

- lattana 1 - ຈີນ-ຣັດເຊຍ ສະກັດອາເມລິກາ ເພີ່ມຂວ້ຳບາດ ສປປ ເກົາຫລີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຄະນະ​ກຳມາ​ທິການ​ດ້ານ​ການ​ຂວ້ຳບາດ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ປະຊຸມ​ກັນ​ໃນ​ວັນ​ທີ 9 ສິງຫາ ​ແລະ ບໍ່​ສາມາດ​ບັນລຸ​ມະຕິ​ເພື່ອ​ຮັບຮອງ​ມະຕິ​ທີ່​ອາ​ເມ​ລິ​ກາສະ​ເໜີ​ເຂົ້າສູ່​ກອງ​ປະຊຸມ ​ໃຫ້​ອາ​ຢັດ​ຊັບ​ສິນ​ຂອງ​ທະນາຄານ​ອາ​ໂກຣ​ໂຊ​ຍຸ ຂອງຣັດ​ເຊຍ ​ເຊິ່ງຕ້ອງ​ສົງ​ໄສ​ລັກລອບ​ເຮັດ​ທຸລະ​ກຳ​ຮ່ວມ​ກັບ ສປປ ​ເກົາຫລີ ​ແລະ ການ​ຂຶ້ນບັນຊີ​ດຳ​ທ່ານ ຣີ ຈອງ​ວອນ ຮອງ​ຜູ້ອຳນວຍການ​ທະນາຄານ​ການ​ຄ້າ​ຕ່າງປະ​ເທດ (FTB) ​ເນື່ອງ​ຈາກຣັດ​ເຊຍ ​ແລະ ຈີນ ​ເຊິ່ງ​ເປັນ​ສະມາຊິກ​ຖາວອນ​ຂອງ UNSC ບໍ່​ເຫັນ​ພ້ອມ​ຕໍ່​ການສະ​ເໜີ​ຂອງ​ອາ​ເມ​ລິ​ກາ.

ຂະນະ​ດຽວ​ກັນ, ສປປ ​ເກົາຫລີ ອອກ​ຖະ​ແຫລ​ງການ​ຕຳ​ໜິຂໍ້​ຮຽກຮ້ອງ​ຂອງ​ອາ​ເມ​ລິ​ກາ ທີ່​ຕ້ອງການ​ໃຫ້​ບັນດາ​ປະ​ເທດ​ເດີນ​ໜ້າ​ຂວ້ຳບາດ ສປປ ​ເກົາຫລີ ຕໍ່​ໄປ, ທັງທີ່​ການ​ພົວພັນ​ລະຫວ່າງ ສປປ ​ເກົາຫລີ ກັບ ອາ​ເມ​ລິ​ກາ ກຳລັງ​ພັດທະນາ​ໄປ​ດ້ວຍ​ດີ ​ແລະ ຖ້າ​ອາ​ເມ​ລິ​ກາ​ຍັງ​ຍຶດຕິດ​ກັບ​ທ່າ​ທີ​ເດີມ​ທີ່​ເຄີຍ​ເປັນ​ປໍ​ລະ​ປັກ​ກັບ ສປປ ​ເກົາຫລີ ບໍ່​ຄວນ​ຈະ​ຄາດ​ຫວັງ​ເຖິງ​ຄວາມ​ຄືບ​ໜ້າ​ໃນ​ການ​ຍົກ​ເລີກ​ໂຄງການ​ນິວ​ເຄຼຍ. ຖະ​ແຫລ​ງການ​ລະບຸ​ອີກ​ວ່າ: ສປປ ​ເກົາຫລີ ​ໄດ້​ຢຸດ​ການ​ທົດ​ລອງ​ນິວ​ເຄຼຍ ​ແລະ ລູກ​ສອນ​ໄຟ​ແລ້ວ ​ແລະ ຍັງ​ທຳລາຍ​ຖານ​ທົດ​ລອງ ​ແລະ ສົ່ງ​ສົບ​ທະຫານ​ອາ​ເມ​ລິ​ກາ​ບາງ​ສ່ວນ​ຄືນ​ໃຫ້​ອາ​ເມ​ລິ​ກາ​ແລ້ວ, ​ແຕ່​ອາ​ເມ​ລິ​ກາ​ພັດ​ຕອບ​ແທນ​ໂດຍ​ການ​ໃຫ້​ບັນດາ​ປະ​ເທດ​ຮ່ວມ​ກັນ​ຂວ້ຳບາດ ​ແລະ ກົດ​ດັນ ສປປ ​ເກົາຫລີ.