ພາກລັດ ແລະ ເອກະຊົນຫາລືການຄຸ້ມຄອງການປະມົງໃນເຂດສີທັນດອນ

- advert banner 728 90 728x90 - ພາກລັດ ແລະ ເອກະຊົນຫາລືການຄຸ້ມຄອງການປະມົງໃນເຂດສີທັນດອນ

ໃນວັນທີ 11 ກັນຍານີ້, ຫ້ອງການກະສິກໍາເມືອງມຸນລະປາໂມກແຂວງຈໍາປາສັກ ຮ່ວມກັບໂຄງການຄຸ້ມຄອງ ແລະ ຊົມໃຊ້ປາ ແລະ ສັດນໍ້າອື່ນໆ ແບບຍືນຍົງຢູ່ເຂດສີທັນດອນ ໄດ້ຈັດກອງປະຊຸມປຶກສາຫາລືກ່ຽວກັບວຽກງານສົ່ງເສີມການມີສ່ວນຮ່ວມຂອງພາກລັດ ແລະ ເອກະຊົນ ເຂົ້າໃນການຄຸ້ມຄອງການປະມົງ ແລະ ການຊົມໃຊ້ໃຫ້ມີຄວາມຍືນຍົງ.

- lattana 1 - ພາກລັດ ແລະ ເອກະຊົນຫາລືການຄຸ້ມຄອງການປະມົງໃນເຂດສີທັນດອນ

ກອງປະຊຸມດັ່ງກ່າວ, ແນໃສ່ໃຫ້ພາກລັດ ແລະ ເອກະຊົນ ເຂົ້າໃຈພາບລວມວຽກງານຂອງໂຄງການ ແລະ ກິດຈະກໍາການລາດຕະເວນໜ້ານໍ້າ, ໃນເຂດໂຄງການຄຸ້ມຄອງການປະມົງ. ນອກນີ້, ຜູ້ເຂົ້າຮ່ວມຍັງໄດ້ໃຫ້ຮຽນຮູ້ເຖິງພະລະບົດບາດຂອງແຕ່ລະພາກສ່ວນ, ທັງພາກລັດ ແລະ ເອກະຊົນ ລວມທັງຜູ້ປະກອບການທຸລະກິດຄ້າຂາຍປາ ແລະ ທຸລະກິດອື່ນໆທີ່ກ່ຽວຂ້ອງໃນເຂດສີທັນດອນໃຫ້ມີສ່ວນຮ່ວມໃນວຽກງານລາດຕະເວນ, ຄຸ້ມຄອງໃຫ້ມີຄວາມຍືນຍົງ.