ຊິມບຳເວຫ້າມຈັດງານໃຫຍ່ໃນເມືອງຫລວງ ກັງວົນອະຫິວາລະບາດ

- advert banner 728 90 728x90 - ຊິມບຳເວຫ້າມຈັດງານໃຫຍ່ໃນເມືອງຫລວງ ກັງວົນອະຫິວາລະບາດ

ທາງ​ການຊິ​ມບຳ​ເວ​ປະກາດ​ຫ້າມ​ການຈັດ​ງານ ​ແລະ ລວມຕົວ​ກັນ​ໃນ​ບ່ອນ​ສາທາລະນະ​ຂອງ​ນະຄອນຫລວງ​ຮາຣາ​ເຣ, ພາຍຫລັງ​ພະຍາດ​ອະຫິ​ວາລະ​ບາດ ​ເຮັດ​ໃຫ້​ມີ​ຜູ້​ເສຍ​ຊີວິດ 21 ຄົນ ​ແລະ ຕິດ​ເຊື້ອອີກ​ຫລາຍ​ຮ້ອຍ​ຄົນ​ໃນ​ອາທິດ​ຜ່ານ​ມາ.

- lattana 1 - ຊິມບຳເວຫ້າມຈັດງານໃຫຍ່ໃນເມືອງຫລວງ ກັງວົນອະຫິວາລະບາດ

​ເຈົ້າໜ້າ​ທີ່​ກ່າວ​ວ່າ: ມີ​ລາຍ​ງານ​ພະຍາດ​ອະຫິວາ​ເທື່ອ​ທຳ​ອິດ​ມາ​ຈາກ​ເມືອງ​ເກ​ລນວິວ ນອກ​ນະຄອນຫລວງ​ຮາຣາ​ເຣ ​ເຮັດ​ໃຫ້ກະຊວງ​ສາທາລະນະ​ສຸກ​ຕ້ອງ​ປະກາດ​ພາວະ​ສຸກ​ເສີນ. ​ໂຄສົກ​ສຳນັກງານ​ຕຳຫລວດ​ຖະ​ແຫລ​ງວ່າ: ຈາກ​ປະກາດ​ສະຖານະ​ການ​ສຸກ​ເສີນ, ສຳນັກງານ​ຕຳຫລວດ​ຈຶ່ງ​ມີ​ຄຳ​ສັ່ງ​ຫ້າມ​ການຈັດ​ງານ​ໃຫຍ່ ຫລື ການ​ຊຸມນຸມ​ທີ່​ຈະ​ມີ​ປະຊາຊົນ​ມາ​ລວມກັນ​ຈຳນວນ​ຫລາຍ ​ແລະ ກ່າວ​ວ່າ: ຂໍ​ປະຊາຊົນ​ໃຫ້ການ​ຮ່ວມ​ມື ​ເພື່ອ​ລະງັບ​ການລະບາດ​ຂອງ​ພະຍາດ​ອະຫິວາ. ຄຳ​ສັ່ງ​ຫ້າມ​ດັ່ງກ່າວ​ມີ​ຂຶ້ນກ່ອນ​ພັກ MDC ​ເຊິ່ງ​ເປັນ​ຝ່າຍ​ຄ້ານ​ວາງ​ແຜນຈັດການ​ຊຸມນຸມ​ໃນ​ວັນ​ທີ 15 ກັນຍາ​ນີ້ ​ເພື່ອ​ປະ​ທ້ວງ​ການ​ສາບານ​ຕົນ​ເຂົ້າຮັບ​ຕຳ​ແໜ່​ງຂອງ​ປະທານາທິບໍດີ​ອີກ​ຝ່າຍ ​ໂດຍຕ່າງ​ຝ່າຍ​ຕ່າງ​ອ້າງ​ໄຊຊະນະ​ໃນ​ການ​ເລືອກ​ຕັ້ງ 30 ກໍລະກົດ ​ແລະ ກ່າວ​ຫາ​ວ່າ​ມີ​ການ​ໂກງ​ການ​ເລືອກ​ຕັ້ງ.