ອຸຕຸ​ເຕືອນໃຫ້​ກຽມ​ຮັບ​ມື​ພາຍຸ​ເຂດ​ຮ້ອນ​ບາ​ລີ​ແຈັດ

- advert banner 728 90 728x90 - ອຸຕຸ​ເຕືອນໃຫ້​ກຽມ​ຮັບ​ມື​ພາຍຸ​ເຂດ​ຮ້ອນ​ບາ​ລີ​ແຈັດ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໄດ້​ອອກ​ແຈ້ງ​ເຕືອນ​ໃຫ້​ປະຊາຊົນ​ໃນ​ທົ່ວ​ປະ​ເທດ​ມີ​ສະຕິ​ກຽມພ້ອມ​ຮັບ​ມື​ກັບ​ສະພາບ​ຝົນຕົກ​ໜັກ, ພາຍຫລັງ​ຮ່ອງ​ຄວາມ​ກົດ​ດັນ​ອາກາດ​ຕໍ່າ​ຍັງ​ສືບ​ຕໍ່​ພັດ​ຜ່ານ​ຢູ່​ທົ່ວ​ທຸກ​ພາກ​ຂອງ​ປະ​ເທດ​ເຮົາ​ດ້ວຍ​ກຳລັງ​ອ່ອນ​ປ່ວງ​ເຂົ້າສູ່ລົມ​ພາຍຸ​ໝູນ​ເຂດ​ຮ້ອນ​ບາ​ລີ​ແຈັດ (Barijat) ຫົວທີ 23 ທີ່​ມີ​ຈຸດ​ທີ່​ຕັ້ງຢູ່​ເຂດ​ທະ​ເລ​ຈີນ​ໃຕ້​ຕອນ​ເໜືອ ຢູ່​ເສັ້ນຂະໜານ​ທີ 20,7 ອົງສາ​ເໜືອ ​ແລະ ​ເສັ້ນ​ແວງ​ທີ 114,8 ອົງສາ​ຕາ​ເວັນ​ອອກ ກຳລັງ​ເຄື່ອນ​ທີ່​ໄປ​ທາງ​ທິດຕາ​ເວັນ​ຕົກ​ດ້ວຍ​ຄວາມ​ໄວ 15 ກິ​ໂລ​ແມັດ​ຕໍ່​ຊົ່ວ​ໂມງ, ຄາດ​ວ່າ​ໃນ​ໄລຍະ​ວັນ​ທີ 14-15 ກັນຍາ​ນີ້ ພາຍຸ​ດັ່ງກ່າວ​ຈະ​ເຄື່ອນ​ທີ່​ຜ່ານ​ພາກ​ເໜືອ​ປະ​ເທດ​ຫວຽດນາມ, ຈາກ​ນັ້ນວັນ​ທີ 17-18 ກັນຍາ ຈະ​ເຮັດ​ໃຫ້​ມີ​ຝົນຕົກ ​ແລະ ລົມ​ແຮງ​ຢູ່​ເກືອບ​ທົ່ວ​ໄປ​ໃນ​ຫລາຍ​ທ້ອງ​ຖິ່ນ​ຄື: ​ແຂວງ​ຜົ້ງສາລີ, ​ຫລວງ​ນ້ຳທາ, ບໍ່​ແກ້ວ, ອຸດົມ​ໄຊ, ຫົວພັນ, ຫລວງ​ພະ​ບາງ, ຊຽງ​ຂວາງ, ​ໄຊ​ສົມບູນ, ​ໄຊ​ຍະ​ບູລີ, ​ແຂວງ​ວຽງ​ຈັນ, ບໍລິ​ຄຳ​ໄຊ, ຄຳ​ມ່ວນ ​ແລະ ນະຄອນຫລວງ​ວຽງ​ຈັນ. ອາດ​ເກີດ​ນ້ຳຖ້ວມ, ນ້ຳປ່າ​ໄຫລຊຸ ​ແລະ ດິນ​ເຈື່ອນ. ດັ່ງນັ້ນ ຂໍ​ໃຫ້​ປະຊາຊົນ​ມີ​ສະຕິ​ລະວັງ​ຕົວ ​ແລະ ​ເກັບ​ມ້ຽນ​ວັດຖຸ​ສິ່ງ​ຂອງ​ມີຄ່າ ພ້ອມ​ສັດລ້ຽງ​ໄປ​ໄວ້​ບ່ອນ​ປອດ​ໄພ ແລະ ໃຫ້ເອົາໃຈໃສ່​ຕິດຕາມ​ຂ່າວ​ພະຍາກອນ​ອາກາດ ​ແລະ ລະດັບ​ນ້ຳຈາກ​ກົມ​ອຸຕຸນິຍົມ​ຢ່າງ​ໃກ້ຊິດ ​ເພື່ອ​ຫລີກ​ລ່ຽງຜົນ​ເສຍ​ຫາຍ​ຕໍ່​ຊີວິດ ​ແລະ ຊັບ​ສິນ​ຕ່າງໆ​ທີ່ຈະຕາມ​ມາ.

- lattana 1 - ອຸຕຸ​ເຕືອນໃຫ້​ກຽມ​ຮັບ​ມື​ພາຍຸ​ເຂດ​ຮ້ອນ​ບາ​ລີ​ແຈັດ