U 19 ຍິງຝຶກຊ້ອມກຽມເຂົ້າຮ່ວມແຂ່ງຂັນ ຊີງແຊ້ມອາຊີຮອບຄັດເລືອກ

- advert banner 728 90 728x90 - U 19 ຍິງຝຶກຊ້ອມກຽມເຂົ້າຮ່ວມແຂ່ງຂັນ ຊີງແຊ້ມອາຊີຮອບຄັດເລືອກ

ນັກກິລາທີມຊາດຍິງລຸ້ນອາຍຸບໍ່ເກີນ 19 ປີ ຫລື U 19 ຝຶກຊ້ອມເພື່ອກຽມຄວາມພ້ອມເຂົ້າຮ່ວມການແຂ່ງຂັນບານ​ເຕະຍິງຊີງແຊ້ມອາຊີ ລຸ້ນອາຍຸບໍ່ເກີນ 19 ປີ ຮອບຄັດເລືອກ 2019 (AFC U-19 WOMEN’S CHAMPIONSHIP 2019) ທີ່ປະເທດມຽນມາ ຈະຈັດຂຶ້ນທ້າຍເດືອນກັນຍານີ້.

- lattana 1 - U 19 ຍິງຝຶກຊ້ອມກຽມເຂົ້າຮ່ວມແຂ່ງຂັນ ຊີງແຊ້ມອາຊີຮອບຄັດເລືອກ

ທ່ານ ວົງມີໄຊ ສຸບົວຄຳ ຫົວໜ້າຄູຝຶກທີມຊາດຍິງ U 19 ລາວ ໄດ້ໃຫ້ສໍາພາດວ່າ: ພາຍຫລັງໄດ້ຮັບການແຕ່ງຕັ້ງຈາກສະຫະພັນບານເຕະແຫ່ງຊາດລາວແລ້ວ ຕົນເອງກໍເລີ່ມເອີ້ນບັນດານັກກິລາທີມຊາດຊຸດ U16 ປີ ທີ່ສາມາດສ້າງປະຫວັດສາດເຂົ້າຮອບສຸດທ້າຍ AFC U-19 WOMEN’S CHAMPIONSHIP 2017 ໃນປີທີ່ຜ່ານມາ ກັບມາຝຶກຊ້ອມ. ຈາກນັ້ນ ຕົນເອງກໍໄດ້ເລີ່ມຄັດເລືອກແຕ່ຕົ້ນເດືອນກໍລະກົດເປັນຕົ້ນມາ ໃນເບື້ອງຕົ້ນການຄັດເລືອກພວກເຮົາຈະຄັດເອົາ 30 ຄົນ ແລະ ສືບຕໍ່ຄັດເລືອກໃຫ້ເຫລືອ 23 ຄົນໃນຕົ້ນເດືອນສິງຫາຜ່ານມາ. ມາຮອດປັດຈຸບັນ ພວກເຮົາມີຄວາມພ້ອມເກືອບວ່າຮ້ອຍເປີເຊັນແລ້ວທີ່ຈະເຂົ້າຮ່ວມການແຂ່ງຂັນບານ​ເຕະຍິງ ຊີງແຊ້ມອາຊີ ລຸ້ນອາຍຸບໍ່ເກີນ 19 ປີ ຮອບຄັດເລືອກ 2019 (AFC U-19 WOMEN’S CHAMPIONSHIP 2019) ທີ່ປະເທດມຽມາ ໃນລະຫວ່າງວັນທີ 24-28 ກັນຍາ 2018 ໂດຍ ທີມຊາດລາວ ຢູ່ຮ່ວມກຸ່ມ F ປະກອບມີ: ມຽນມາ (ເຈົ້າພາບ), ອີຣານ ແລະ  ປາແລສຕິນ.

ທ່ານ ວົງມີໄຊ ສຸບົວຄໍາ ຍັງກ່າວອີກວ່າ: ການແຂ່ງຂັນຄັ້ງນີ້ ພວກເຮົາຈະເຮັດໃຫ້ດີທີ່ສຸດເພື່ອຜ່ານເຂົ້າຮອບດັ່ງກ່າວໃຫ້ໄດ້. ປັດຈຸບັນພວກເຮົາໄດ້ຝຶກຊ້ອມຢູ່ສະໜາມກິລາສະຫະພັນບານເຕະແຫ່ງຊາດລາວ ບ້ານຫ້ວຍຫົງ ເມືອງ ຈັນທະບູລີ ນະຄອນຫລວງວຽງຈັນ.