ກະຕໍ້ທີມຊາດລາວ ຝຶກຊ້ອມກຽມ ເຂົ້າຮ່ວມຊີງແຊ້ມໂລກຄັ້ງທີ 33

- advert banner 728 90 728x90 - ກະຕໍ້ທີມຊາດລາວ ຝຶກຊ້ອມກຽມ ເຂົ້າຮ່ວມຊີງແຊ້ມໂລກຄັ້ງທີ 33

ນັກກິລາກະຕໍ້ທີມຊາດລາວຍິງ-ຊາຍ ຝຶກຊ້ອມເພື່ອກຽມຄວາມພ້ອມສ້າງປະຫວັດສາດໜ້າໃໝ່ໃຫ້ ສປປ ລາວ ອີກຄັ້ງ ໃນການແຂ່ງຂັນຊີງແຊ້ມໂລກ ຄັ້ງທີ 33 ທີ່ປະເທດໄທ ຈະຈັດຂຶ້ນທ້າຍເດືອນນີ້.

- lattana 1 - ກະຕໍ້ທີມຊາດລາວ ຝຶກຊ້ອມກຽມ ເຂົ້າຮ່ວມຊີງແຊ້ມໂລກຄັ້ງທີ 33

ທ່ານ ຈັນໄດ ເພຍເທບ ຄູຝຶກນັກກິລາກະຕໍ້ທີມຊາດລາວຍິງ-ຊາຍ ໃຫ້ສໍາພາດວ່າ: ພາຍຫລັງສ້າງຜົນງານໂດດເດັ່ນຂອງການແຂ່ງຂັນໃນງານມະຫາກໍາເອຊຽນເກມຄັ້ງທີ 18 ທີ່ປະເທດອິນໂດເນເຊຍ ຈັດຂຶ້ນທ້າຍເດືອນສິງຫາຜ່ານມານີ້, ພວກເຮົາກໍໄດ້ຝຶກຊ້ອມເພື່ອກຽມຄວາມພ້ອມຂອງນັກກິລາເຂົ້າຮ່ວມການແຂ່ງຂັນກະຕໍ້ຊີງແຊ້ມໂລກຄັ້ງທີ 33 ທີ່ປະເທດໄທ ເຊິ່ງຈະຈັດຂຶ້ນລະຫວ່າງວັນທີ 23-30 ກັນຍານີ້ ໂດຍຈະສົ່ງເຂົ້າຮ່ວມທັງໝົດຍິງ 4 ລາຍການ ແລະ ຊາຍ 4 ລາຍການຄື: ກະຕໍ້ລອດຮວງ, ທີມຊຸດ, ທີມ 4 ຄົນ ແລະ ທີມຄູ່.

ທ່ານ ຈັນໄດ ເພຍເທບ ຍັງເວົ້າອີກວ່າ: ການເຂົ້າຮ່ວມງານມະຫາກໍາເອຊຽນເກມຄັ້ງທີ 18 ຜ່ານມານີ້ ພວກເຮົາສາມາດຍາດໄດ້ 1 ຫລຽນເງິນ ແລະ 1 ຫລຽນທອງ ຈາກທີມຊຸດຊາຍ ແລະ ທີມ 4 ຄົນຍິງ. ສໍາລັບການຝຶກຊ້ອມປັດຈຸບັນແມ່ນຝຶກຊ້ອມນັກກິລາຢູ່ສູນກິລາໃນຮົ່ມ ເຂດດົງໂດກ ເມືອງໄຊທານີ ນະຄອນຫລວງວຽງຈັນ ເວລາ 14:30-18:00 ໂມງ ທຸກໆມື້ ເພື່ອກຽມຄວາມພ້ອມສ້າງຜົນງານໂດດເດັ່ນໃນເວທີພາກພື້ນ ແລະ ສາກົນອີກຄັ້ງ.