ບາຊາ ຕັ້ງເປົ້າດຶງ ຊາອູລ ລະດູການໜ້າ

- advert banner 728 90 728x90 - ບາຊາ ຕັ້ງເປົ້າດຶງ ຊາອູລ ລະດູການໜ້າ

ບາ​ເຊ​​ໂລ​ນາ ສະ​ໂມ​ສອນ​ຍັກ​ໃຫຍ່​ແຫ່ງ ລາ​ລີ​ກາ ຕັ້ງ​ເປົ້າຈະ​ຄວ້າ ຊາ​ອູ​ລ ຢີ​ເກ​ຊ ກອງ​ກາງ​ແອດ​ເລ​ຕິ​ໂກ ມາດຣິດ ​ໄປ​ຮ່ວມ​ທີ​ມ ​ໃນ​ລະດູ​ການ​ປີໜ້າ.

- lattana 1 - ບາຊາ ຕັ້ງເປົ້າດຶງ ຊາອູລ ລະດູການໜ້າ

ຊາ​ອູ​ລ ​ເປັນ​ກຳລັງ​ຫລັກ​ຂອງ ​ແອດ​ເລ​ຕິ​ໂກ ມາດຣິດ ຕະຫລອດ 3 ລະດູ​ການ​ກ່ອນ​ໜ້າ​ນີ້ ​ໂດຍ​ລາວ​ໄດ້​ລົງ​ຫລິ້ນ​ໃນ​ເກ​ມລີກ​ໄປ​ເກີນ 30 ນັດ​ໃນ 3 ລະດູ​ການ​ດັ່ງກ່າວ. ຂະນະ​ທີ່ ລະ​ດູ​ການ​ນີ້ ລາວ​ໄດ້​ເປັນ​ຕົວ​ຈິງ​ໃນ​ລີກ​ໃຫ້ ​ແອດ​ເລ​ຕິ​ໂກ ມາດຣິດ ​ໄປ​ຄົບທັງ 3 ​ເກ​ມ.

ຄວາມ​ຈິງ​ແລ້ວ ບາ​ເຊ​ໂລ​ນາ ​ໃຫ້​ຄວາມ​ສົນ​ໃຈ ຊາ​ອູ​ລ ມາ​ເປັນ​ເວລາ​ຫລາຍ​ປີ​ແລ້ວ ພາຍຫລັງ ດາ​ບິ​ດ ບີ​ຢາ ບອກ​ລາ​ທີ​ມ​ໃນ​ປີ 2013 ​ແລະ ​ເຄີຍ​ຍື່ນ​ຂໍ້​ສະ​ເໜີ​ຊື້​ໃນ​ປີ 2016 ກັບ 2017 ກ່ອນ​ຈະ​ຖືກ​ປະຕິ​ເສດ.

​ເຖິງ​ຢ່າງ​ໃດ​ກໍ​ຕາມ, ບາ​ເຊ​​ໂລ​ນາ ອາດ​ຈະ​ຕ້ອງ​ທຸ້ມ​ເງິນ​ຈຳນວນ​ຫລາຍ ຖ້າ​ຢາກ​ໄດ້​ນັກ​ເຕະ​ໄວ​ 23 ປີ ​ເພາະ​ລາວ​ຫາ​ກໍ​ເຊັນ​ສັນຍາ​ກັບ​ທີ​ມ​ເປັນ​ເວລາ 9 ​ປີ​ກ່ອນ ​ແລະ ຄ່າ​ຈີກ​ສັນຍາ​ຂອງ​ລາວ​ຢູ່​ທີ່ 134 ລ້ານ​ປອນ.