ເມັກຊິກເຜີຍອາເມລິກາສະເໜີໃຫ້ເງິນ ຊ່ວຍເຫລືອ ແລກກັບການຮັບຜູ້ອົບພະຍົບຜິດກົດໝາຍ

- advert banner 728 90 728x90 - ເມັກຊິກເຜີຍອາເມລິກາສະເໜີໃຫ້ເງິນ ຊ່ວຍເຫລືອ ແລກກັບການຮັບຜູ້ອົບພະຍົບຜິດກົດໝາຍ

ລັດຖະບານ​ເມັກ​ຊິກ​ຖະ​ແຫລ​ງວ່າ: ​ໄດ້​ຮັບ​ຂໍ້​ສະ​ເໜີ​ຈາກ​ອາ​ເມ​ລິ​ກາ​ວ່າ​ຈະ​ໃຫ້​ເງິນຊ່ວຍ​ເຫລືອ​ແລກ​ກັບ​ການ​ໃຫ້​ເມັກ​ຊິກ​ຮັບ​ຜູ້​ອົບ​ພະຍົບຜິດ​ກົດໝາຍ, ​ແຕ່​ເມັກ​ຊິກ​ຍັງ​ບໍ່​ໄດ້​ຕົກລົງ​ຕາມ​ທີ່​ມີ​ຂໍ້​ສະ​ເໜີ.

- lattana 1 - ເມັກຊິກເຜີຍອາເມລິກາສະເໜີໃຫ້ເງິນ ຊ່ວຍເຫລືອ ແລກກັບການຮັບຜູ້ອົບພະຍົບຜິດກົດໝາຍ

ຖະ​ແຫລ​ງການ​ມີ​ຂຶ້ນພາຍຫລັງ​ລາຍ​ງານ​ວ່າ: ລັດຖະບານ​ປະທານາທິບໍດີ ​ໂດ​ນັລ ທຣຳ ມີ​ແຜນ​ຈັດ​ສັນ​ເງິນ​ໃຫ້​ເມັກ​ຊິກ​ມູນ​ຄ່າ 20 ລ້ານ​ໂດ​ລາ ​ແລກ​ກັບ​ການ​ຮັບ​ຜູ້​ອົບ​ພະຍົບຈາກ​ອາ​ເມ​ລິ​ກາ​ທີ່​ບໍ່​ມີ​ເອກະສານ​ຮັບຮອງ​ຕາມ​ກົດໝາຍ ​ເຊິ່ງຂ້າມ​ແດນ​ເຂົ້າມາ​ໃນ​ອາ​ເມ​ລິ​ກາ. ລັດຖະບານ​ເມັກ​ຊິກ​ຖະ​ແຫລ​ງວ່າ: ​ເມັກ​ຊິກ​ຕ້ອງ​ພິຈາລະນາ​ຕາມ​ຂໍ້​ສະ​ເໜີ​ຂອງ​ອາ​ເມ​ລິ​ກາ​ທີ່​ຈະ​ຈັດ​ສັນ​ການ​ຊ່ວຍ​ເຫລືອ​ມາ​ແລກ​ກັບ​ການ​ໃຫ້​ເມັກ​ຊິກ​ຍອມຮັບ​ຜູ້​ອົບ​ພະຍົບຈາກ​ປະ​ເທດ​ອາ​ເມ​ລິ​ກາ​. ກ່ອນ​ໜ້າ​ນີ້ ໜັງສືພິມ​ນິວຢອກທາມ ລາຍ​ງານ​ວ່າ: ລັດຖະບານ​ປະທານາທິບໍດີ ທຣຳ ສະ​ເໜີ​ຕໍ່​ສະພາ​ຄອງ​ເກຣດວ່າ: ມີ​ແຜນ​ຈະ​ຈັດ​ສັນ​ເງິນ​ມູນ​ຄ່າ​ຫລາຍ​ລ້ານ​ໂດ​ລາ​ຕາມ​ໂຄງການ​ຄວາມ​ຊ່ວຍ​ເຫລືອ​ກັບ​ເມັກ​ຊິກ​ສຳລັບ​ຈັດ​ຊື້ບັດ​ໂດຍສານ​ເຮືອບິນ ​ແລະ ລົດ​ເມ​ສຳລັບ​ຮອງ​ຮັບ​ຜູ້​ອົບ​ພະຍົບຜິດ​ກົດໝາຍ 17.000 ຄົນ. ກະຊວງ​ຕ່າງປະ​ເທດ ​ແລະ ກະຊວງ​ປ້ອງ​ກັນ​ປະ​ເທດ​ເມັກ​ຊິກ ຖະ​ແຫລ​ງວ່າ: ລັດຖະບານ​ເມັກ​ຊິກ​ຍັງ​ບໍ່​ໄດ້​ຕອບ​ຮັບ​ຂໍ້​ສະ​ເໜີ​ທາງ​ວາຈາ ​ແລະ ​ເອກະສານ​. ແຜນການ​ດັ່ງກ່າວ​ເປັນ​ການ​ເຄື່ອນ​ໄຫວ​ຫລ້າ​ສຸດ​ຂອງ​ລັດຖະບານ​ປະທານາທິບໍດີ ທຣຳ ​ເພື່ອ​ສະກັດ​ຜູ້​ອົບ​ພະຍົບຜິດ​ກົດໝາຍ​ເຂົ້າອາ​ເມ​ລິ​ກາ.