ໂຟກສວາເກນ ຈະເລີກຜະລິດ ລົດໂຟກເຕົ່າໃນປີໜ້າ

- advert banner 728 90 728x90 - ໂຟກສວາເກນ ຈະເລີກຜະລິດ ລົດໂຟກເຕົ່າໃນປີໜ້າ

​ໂຟກສວາ​ເກນ ບໍລິສັດ​ຜະລິດ​ລົດ​ຂອງ​ເຢຍລະ​ມັນ ປະກາດ​ໃນ​ວັນ​ທີ 13 ກັນຍາ​ວ່າ: ຈະ​ຢຸດ​ການ​ຜະລິດ​ລົດ​ລຸ້ນ “ບີ​ເທິ​ລ” ຫລື ​ໂຟກ​ເຕົ່າ​ ​ໃນ​ປີ 2019 ​ເພື່ອ​ກຽມ​ຕົວ​ມຸ່ງ​ໜ້າ​ໄປ​ສູ່​ການ​ຜະລິດ​ລົດ​ໄຟຟ້າ​ທີ່​ເປັນ​ຕະຫລາດ​ລົດ​ໃນ​ອະນາຄົດ.

- lattana 1 - ໂຟກສວາເກນ ຈະເລີກຜະລິດ ລົດໂຟກເຕົ່າໃນປີໜ້າ

​ໂຟກສວາ​ເກນ ລະບຸ​ວ່າ: ຈະ​ຍົກ​ເລີກ​ການ​ຜະລິດ​ໂຟກ​ເຕົ່າ ລົດ​ນັ່ງ​ແບບ​ຊີ​ດານ ທີ່​ມີ​ຫລັງຄາ​ໂຄ້ງ​ເປັນ​ເອກະລັກ ​ເນື່ອງ​ຈາກ​ບໍລິສັດ​ຈະ​ໄປ​ມຸ່ງ​ເນັ້ນ​ໃນ​ເລື່ອງ​ລົດ​ໄຟຟ້າ ​ແລະ ລົດ​ຂະໜາດ​ໃຫຍ່​ແບບ​ຄອບຄົວ​ຫລາຍ​ກວ່າ. ລົດ​ໂຟກ​ເຕົ່າ ມີ​ແຮງ​ບັນດານ​ໃຈ​ໃນ​ການ​ອອກ​ແບບ​ຈາກ​ແມງ​ເຕົ່າ​ທອງ ມີ​ຕົ້ນກຳ​ເນີ​ດ​ໃນ​ຍຸກ​ນາ​ຊີ​ເຢຍລະ​ມັນ​ໃນ​ຍຸກ​ທົດ​ສະ​ວັດ​ຫລັງ​ປີ 1960 ກ່ອນ​ຈະ​ເປັນ​ລົດ​ທີ່​ໄດ້​ຮັບ​ຄວາມ​ນິຍົມ​ໄປ​ທົ່ວ​ໂລກ​ນັບ​ແຕ່​ທົດ​ສະຫວັດ​ຫລັງ​ປີ 1960. ​ໂຟກສວາ​ເກນ ຍົກ​ເລີກ​ການຈຳໜ່າຍ​ລົດ​ເຕົ່າຢູ່​ອາ​ເມ​ລິ​ກາ​ໃນປີ 1979 ​ແຕ່​ຍັງ​ຜະລິດ​ສຳລັບ​ຂາຍ​ຢູ່​ເມັກ​ຊິກ ​ແລະ ປະ​ເທດ​ໃນ​ອາ​ເມ​ລິ​ກາ​ລາ​ຕິນ. ຕໍ່​ມາ​ໃນ​ກາງ​ທົດ​ສະ​ວັດ​ຫລັງ​ປີ 1990 ​ໂຟກສວາ​ເກນ ຢາກ​ຈະ​ກັບ​ມາ​ເປີດ​ຕະຫລາດ​ຈຳໜ່າຍຢູ່​ອາ​ເມ​ລິ​ກາ​ອີກ. ຜູ້​ບໍລິຫານ​ໄດ້​ຊຸກຍູ້​ໃຫ້​ມີ​ການ​ປັບປຸງ​ລັກສະນະ​ຂອງ​ລົດ​​ໂຟກ​ເຕົ່າ​ໃຫ້​ມີ​ຄວາ​ມທັນ​ສະ​ໄໝ​ຫລາຍ​ຂຶ້ນ ກາຍ​ເປັນ​ລຸ້ນ “ນິວ ບີ​ເທິ​ລ” ​ເປີດ​ຕົວ​ໃນ​ປີ 1998 ​ເຖິງ​ວ່າ​ຈະ​ໄດ້​ຮັບ​ຄວາມ​ນິຍົມ​ໃນ​ໄລຍະ​ທຳ​ອິດ, ​ແຕ່​ຕໍ່​ມາຍ​ອດຂາຍ​ເລີ່​ມຫລຸດ​ລົງ. ​ໃນ​ໄລຍະ 8 ​ເດືອນ​ທຳ​ອິດ​ຂອງ​ປີ​ນີ້ ນິວ ບີ​ເທິ​ລ ​ໃນ​ອາ​ເມ​ລິ​ກາ​ຈຳໜ່າຍ​ໄດ້​ພຽງ 11.151 ຄັນ ​ເທົ່າ​ນັ້ນ ​ແລະ ​ໃນ 3 ປີຜ່ານມາ, ບໍລິສັດ​ຍັງ​ປະສົບ​ບັນຫາ​ຈາກ​ກໍລະນີ​ທີ່​ສໍ້​ໂກງ​ຜົນ​ການ​ທົດ​ສອບ​ລະດັບ​ໄອ​ເສຍ​ຈາກ​ລົດຍົນ ​ເພື່ອ​ເປັນ​ໄປ​ຕາມ​ມາດຕະຖານ​ດ້ານ​ສິ່ງ​ແວດ​ລ້ອມ. ​ເຖິງ​ຢ່າງ​ໃດ​ກໍ​ຕາມ, ​ໂຟກສວາ​ເກນ ບໍ່​ໄດ້​ປະຕິ​ເສດ​ເລີຍ​ວ່າ​ຈະ​ບໍ່​ກັບ​ມາ​ຜະລິດ​ລົດ​​ໂຟກ​ເຕົ່າ​ອີກ​ໃນ​ອະນາຄົດ, ຕໍ່​ຈາກ​ນີ້ ​ໂຟກສວາ​ເກນ ຈະ​ຜະລິ​ດລົດ​ໂຟກ​ເຕົ່າ​ອີກ 2 ​ແບບ​ກ່ອນ​ຈະ​ຢຸດ​ການ​ຜະລິດ​ໃນ​ປີໜ້າ.