ໄພແຝງຈາກ “ນໍ້າຢາປັບຜ້ານຸ່ມ” ອັນຕະລາຍກວ່າທີ່ຄິດ

- advert banner 728 90 728x90 - ໄພແຝງຈາກ “ນໍ້າຢາປັບຜ້ານຸ່ມ” ອັນຕະລາຍກວ່າທີ່ຄິດ

 - gninternews 1530794269 6790 - ໄພແຝງຈາກ “ນໍ້າຢາປັບຜ້ານຸ່ມ” ອັນຕະລາຍກວ່າທີ່ຄິດ

- lattana 1 - ໄພແຝງຈາກ “ນໍ້າຢາປັບຜ້ານຸ່ມ” ອັນຕະລາຍກວ່າທີ່ຄິດ

ຜະລິດຕະພັນນໍ້າຢາປັບຜ້ານຸ່ມ ຖືເປັນຜະລິດຕະພັນທີ່ໃຊ້ເກືອບໝົດທຸກເຮືອນ ເພາະເຮັດໃຫ້ເຄື່ອງນຸ່ງມີກິ່ນຫອມດົນ ແລະ ຜະລິດສູດທີ່ຫຼາກຫຼາຍ ຈົນເບິ່ງບໍ່ເຫັນເຖິງໄພແຝງທີ່ຕາມມາ.

ປະໂຫຍດຂອງນໍ້າຢາປັບຜ້ານຸ່ມ  ຊ່ວຍໃຫ້ເຄື່ອງມີຄວາມລຽບ, ນຸ່ມ, ປ້ອງກັນການເກີດໄຟຟ້າສະຖິດ ຊ່ວຍໃຫ້ຮີດໄດ້ງ່າຍ, ຫຼຸດການຢັບຂອງເຄື່ອງ ຈຶ່ງເຮັດໃຫ້ສິ່ງເປິເປື້ອນຕິດເຄື່ອງນຸ່ງຍາກຂຶ້ນ ແລະ ເຮັດໃຫ້ເຄື່ອງປຽກນໍ້າຍາກຂຶ້ນ.

ນໍ້າຢາປັບຜ້ານຸ່ມທໍາງານໂດຍເຄືອບພື້ນຜິວຂອງເສັ້ນໃຍຜ້າທີ່ມີຊັ້ນບາງຂອງສານເຄມີ ຊຶ່ງສານເຄມີເຫຼົ່ານີ້ ມີຄຸນສົມບັດໃນການຫຼໍ່ລື່ນ ຈຶ່ງເຮັດໃຫ້ເສັ້ນໃຍນຸ່ມນວນ ແລະ ປ້ອງກັນການສະສົມຂອງໄຟຟ້າສະຖິດ ແຖມຍັງມີສານທີ່ເຮັດໃຫ້ໜ້າເຕົາລີດເກີດໄຟຟ້າສະຖິດເລັກນ້ອຍ ເພື່ອເຮັດໃຫ້ບໍ່​ເກີດແຮງຕ້ານທານລະຫວ່າງການລີດເຄື່ອງ ຈຶ່ງຊ່ວຍຫຼຸດຮອຍຢັບໃນເຄື່ອງໄດ້ເລັກນ້ອຍ.

ສ່ວນປະກອບສໍາຄັນທີ່ຊ່ວຍໃຫ້ນໍ້າຢາປັບຜ້ານຸ່ມມີຄຸນສົມບັດດັ່ງກ່າວຄື ກົດນໍ້າມັນ ຊຶ່ງກົດນໍ້າມັນນີ້ຈະຍັງຄົງຕິດຄົງທົນຢູ່ໃນເນື່ອງຜ້າ ເຖິງວ່າຈະຜ່ານການຊັກນໍ້າ ແລະ ຮີດແລ້ວກໍຕາມ ແຕ່ສິ່ງທີ່ຮ້າຍໄປກວ່ານັ້ນ ນໍ້າມັນນີ້ອາດຊຶມເຂົ້າສູ່ຮ່າງກາຍທາງຜິວໜັງຂອງເຮົາ ຫຼືຈາກການສູບດົມ, ນອກນີ້, ນໍ້າຢາປັບຜ້ານຸ່ມຍັງປະກອບດ້ວຍສານເຄມີທີ່ເປັນອັນຕະລາຍອີກຫຼາຍຊະນິດໄດ້ແກ່ ເອທິລອະຊິເຕທ (Ethyl acetate), ເບນຊິນ ອະຊີເຕທ (Benzyl acetate), ເບນຊິນ ແອວກໍຮໍ (Benzyl alcohol), ມັສ​ໄຊ​ລີ​ນ  (Musk xylene) ແລະ ຄໍລໂຣຟອຣ໌ມ (Chloroform) ໂດຍສານເຄມີເຫຼົ່ານີ້ຕ້ອງຄວບຄຸມໃຫ້ໃຊ້ໃນປະລິມານທີ່ເໝາະສົມ ເພາະເປັນພິດຕໍ່ຮ່າງກາຍກໍ່ໃຫເກີດການລະຄາຍເຄືອງ ແລະ ທໍາລາຍສຸຂະພາບ, ມີພິດຕໍ່ລະບົບທາງເດີນຫາຍໃຈ, ເຮັດໃຫ້ຮູ້ສຶກມຶນ ແລະ ເມົາຫົວ, ທໍາລາຍຕັບ, ໝາກໄຂ່ຫຼັງ, ໂຣກໂລຫິດຈາງ ຊຶ່ງຜົນຕໍ່ລະບົບປະສາດ ແລະ ຮ້າຍທີ່ສຸດອາດກໍ່​ໃຫ້​ເກີດ​ມະ​ເຮັງ​ໄດ້.