ອາເມລິກາຂາຍອາວຸດໃຫ້ລັດຖະບານ ຕ່າງປະເທດປີນີ້ ຫລາຍກວ່າ 55.600 ລ້ານໂດລາ

- advert banner 728 90 728x90 - ອາເມລິກາຂາຍອາວຸດໃຫ້ລັດຖະບານ ຕ່າງປະເທດປີນີ້ ຫລາຍກວ່າ 55.600 ລ້ານໂດລາ

ລັດຖະບານ​ວໍ​ຊິງ​ຕັນສາມາດ​ຈຳໜ່າຍ​ອາວຸດ​ໃຫ້​ລັດຖະບານ​ຕ່າງປະ​ເທດ ​ເປັນ​ມູນ​ຄ່າ​ສູງ​ເຖິງ 55.600 ລ້ານ​ໂດ​ລາ​ສະຫະລັດ ​ໃນ​ປີ​ນີ້.

- lattana 1 - ອາເມລິກາຂາຍອາວຸດໃຫ້ລັດຖະບານ ຕ່າງປະເທດປີນີ້ ຫລາຍກວ່າ 55.600 ລ້ານໂດລາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂດ​ນັລ ທຣຳ ຊຸກຍູ້​ນະ​ໂຍບາຍ “​ຊື້ຂອງ​ອ​າ​ເມ​ລິ​ກາ” (Buy American) ​ໃນ​ເດືອນ​ເມສາ​ຜ່ານ​ມາ ດ້ວຍ​ການ​ເພີ່ມ​ບົດບາດ​ໃຫ້​ເຈົ້າໜ້າ​ທີ່​ການ​ທູດ​ລະດັບ​ສູງ​ ​ເຊິ່ງປະຈຳການ​ຢູ່​ຕ່າງປະ​ເທດ ​ໃນ​ການ​​ໂຄສະນາ​ອາວຸດ​ຍຸດ​ໂທ​ປະກອນ​ຂອງ​ອາ​ເມ​ລິ​ກາ​ຕໍ່​ລັດຖະບານ​ຂອງ​ປະ​ເທດ​ທີ່​ປະຈຳການ​ຢູ່ ​ເຊິ່ງຖື​ເປັນ​ເທື່ອ​ທຳ​ອິດ​ໃນ​ຮອບ​ຫລາຍ​ທົດ​ສະ​ວັດ​ທີ່​ລັດຖະບານວໍ​ຊິງ​ຕັນ​ເດີນ​ໜ້າ​ຢ່າງ​ເປີດ​ເຜີຍ​ໃນ​​ເລື່ອງ​ການ​ຂາຍ​ອາວຸດ, ​ແຕ່​ສົ່ງ​ຜົນ​ໃຫ້​ຍອດ​ຈຳໜ່າຍ​ສິນຄ້າ​ເພີ່ມ​ຂຶ້ນ​ເຖິງ 33% ຈາກ​ປີ​ງົບປະມານ​ກ່ອນ​ໜ້າ ຢູ່​ທີ່ 55.600 ລ້ານ​ໂດ​ລາ​ສະຫະລັດ ​ໃນ​ປີ​ງົບປະມານ​ຫລ້າ​ສຸດ ​ເຊິ່ງສິ້ນສຸດ​ໃນ​ວັນ​ທີ 30 ກັນຍາ​ຜ່ານ​ມາ.

ທັງ​ນີ້, ລາຍ​ງານ​ລະບຸ​ອີກ​ວ່າ: ຂະ​ບວນການ​ຊື້ຂາຍ​ອາວຸດ​ລະຫວ່າງ​ຜູ້​ຜະລິດ​ໃນ​ອາ​ເມ​ລິ​ກາ​ກັບ​ລັດຖະບານ​ຕ່າງປະ​ເທດ​ນັ້ນມີ​ຢູ່ 2 ທາງ​ຄື: ການ​ຕິດ​ຕໍ່ ​ແລະ ​ເຈລະຈາ​ເອງ​ລະຫວ່າງ​ລັດຖະບານ​ກັບ​ບໍລິສັດ​ທີ່​ສົນ​ໃຈ ຫລື ການ​ຕິດ​ຕໍ່​ມາ​ຫາ​ສຳນັກງານ​ຜູ້​ຊ່ວຍ​ທູດ​ຝ່າຍ​ທະຫານ​ຂອງ​ສະຖານ​ເອກ​ອັກຄະ​ລັດຖະທູດ ຫລື ສະຖານ​ກົງສຸນ​ອາ​ເມ​ລິ​ກາ​ປະຈຳ​ປະ​ເທດ​ແຫ່ງ​ນັ້ນ, ​ແຕ່​ບໍ່​ວ່າ​ຈະ​ເປັນ​ວິທີ​ໃດ​ກໍ​ຕາມ ຂໍ້​ຕົກລົງ​ທັງ​ໝົດ​​ຕ້ອງ​ຜ່ານ​ຄວາມ​ເຫັນ​ພ້ອມ​ຈາກ​ວຸດ​ທິສະພາ​ກ່ອນ ຈຶ່ງ​ຖື​ວ່າ​ມີ​ຜົນ​ຜູກ​ພັນ​ທາງ​ກົດໝາຍ.