ພາຍຸໄຊໂຄນພັດຖະຫລົ່ມອິນເດຍ ອົບພະຍົບປະຊາຊົນ 300.000 ຄົນ

- advert banner 728 90 728x90 - ພາຍຸໄຊໂຄນພັດຖະຫລົ່ມອິນເດຍ ອົບພະຍົບປະຊາຊົນ 300.000 ຄົນ

ສຳນັກ​ຂ່າວ​ເພຣສທຣັສຂອງ​ອິນ​ເດຍ ຫລື PTI ລາຍ​ງານ​ວ່າ: ພາຍຸ​ໄຊ​ໂຄນຕິດ​ລີ ​ເຊິ່ງມີ​ຄວາມ​ໄວ​ລົມຫລາຍ​ກວ່າ 125 ກິ​ໂລ​ແມັດ​ຕໍ່​ຊົ່​ວ​ໂມງ ພັດ​ຖະຫລົ່ມ​ພາກ​ຕາ​ເວັນ​ອອກ​ຂອງ​ອິນ​ເດຍ ສົ່ງ​ຜົນ​ໃຫ້​ເກີດ​ຝົນຕົກ​ໜັກ ​ແລະ ມີ​ຄຳ​ສັ່ງ​ອົບ​ພະຍົບປະຊາຊົນ​ຫລາຍ​ກວ່າ 300.000 ຄົນ​ອອກ​ຈາກ​ພື້ນທີ່​ລຸ່ມ.

- lattana 1 - ພາຍຸໄຊໂຄນພັດຖະຫລົ່ມອິນເດຍ ອົບພະຍົບປະຊາຊົນ 300.000 ຄົນ

ພາຍຸ​ໄຊ​ໂຄນ​ຕິດ​ລີ​ທະວີ​ຄວາມ​ຮຸນ​ແຮງ​ຂຶ້ນ​ເປັນ​ພາຍຸ​ທີ່​ມີ​ກຳລັງ​ແຮງ​ຫລາຍ ຂະນະ​ເຄື່ອນ​ທີ່​ໃນ​ອ່າວ​ເບ​ັງກໍ ​ແລະ ພັດ​ຂຶ້ນຝັ່ງ​ໃກ້​ເມືອງ​ໂກ​ປາ​ປຸຣະ ຝັ່ງ​ຕາ​ເວັນ​ອອກ​ຂອງ​ອິນ​ເດຍ, ທາງ​ການ​ລັດ​ໂອຣິສາ​ສັ່ງ​ອົບ​ພະຍົບປະຊາຊົນ​ຫລາຍ​ກວ່າ 300.000 ຄົນ​ອອກ​ຈາກ​ພື້ນທີ່ 5 ​ເຂດ​ບໍລິ​ເວນ​ແຄມ​ຝັ່ງ. ຂະນະ​ທີ່​ສະຖານ​ບັນ​ການ​ສຶກສາ ​ແລະ ສູນ​ຮັບ​ລ້ຽງ​ເດັກ​ໄດ້​ຮັບ​ຄຳ​ສັ່ງ​ໃຫ້​ປິດ ​ແລະ ​ເຕືອນ​ຊາວ​ປະມົງ​ບໍ່​ໃຫ້​ເອົາ​ເຮືອ​ອອກ​ຈາກ​ຝັ່ງ. ​ເຖິງ​ຢ່າງ​ໃດ​ກໍ​ຕາມ, ຍັງ​ບໍ່​ມີ​ລາຍ​ງານ​ຜູ້​ເສຍ​ຊີວິດ ມີ​ແຕ່​ລາຍ​ງານ​ຄວາມ​ເສຍ​ຫາຍ ຕົ້ນ​ໄມ້ ​ແລະ ​ເສົາ​ໄຟຟ້າ​ຫັກ ລວມທັງ​ຖະໜົນ​ຫົນທາງ ​ແລະ ​ເຮືອນ​​ເປ່​ເພ​ເສຍ​ຫາຍ. ສຳນັກ​ອຸຕຸນິຍົມ​ວິທະຍາ​ອິນ​ເດຍຄາດ​ວ່າ: ພາຍຸ​ຈະ​ເຄື່ອນ​ທີ່​ໄປ​ທາງ​ຕາ​ເວັນ​ອອກສຽງ​ເໜືອ ​ແລະ ອ່ອນ​ກຳລັງ​ລົງ.