ອິນເດຍເປີດໂຄງການ ປະກັນສຸຂະພາບໃຫຍ່ທີ່ສຸດໃນໂລກ
ອິນເດຍສ້າງປະຫວັດສາດໜ້າໃໝ່ເປີດໂຄງການປະກັນສຸຂະພາບໃຫຍ່ທີ່ສຸດໃນໂລກ ຊ່ວຍຄົນທຸກ 500 ລ້ານຊີວິດ.
ທ່ານ ນາເຣນທຣາ ໂມດີ ນາຍົກລັດຖະມົນຕີອິນເດຍ ມອບຂອງຂວັນອັນໃຫຍ່ຖືວ່າເປັນປະຫວັດສາດໜ້າໃໝ່ຂອງປະເທດອິນເດຍ ດ້ວຍການເຮັດໂຄງການປະກັນສຸຂະພາບໃຫຍ່ທີ່ສຸດໃນໂລກ ຊ່ວຍເຫລືອປະຊາກອນອິນເດຍຫລາຍກວ່າ 500 ລ້ານຄົນ ເອີ້ນວ່າໂຄງການ ໂມດີແຄຣ ໂດຍການມອບບັດຄຳໃຫ້ຜູ້ມີລາຍໄດ້ໜ້ອຍ ສາມາດນຳໄປໃຊ້ກັບໂຮງໝໍ ເຊິ່ງໃຫ້ຄອບຄົວລະ 500.000 ຣູປີ ຈະຄວບຄຸມສະເພາະຄົນທີ່ບໍ່ສະບາຍເປັນພະຍາດຮ້າຍແຮງເທົ່ານັ້ນເຊັ່ນ: ມະເຮັງ, ເບົາຫວານ ເຊິ່ງອິນເດຍເປັນໜຶ່ງໃນປະເທດທີ່ປະຊາຊົນປະສົບບັນຫາທາງດ້ານສຸຂະພາບ ແລະ ບັນຫາດ້ານລະບົບສາທາລະນະສຸກ.
ໂຄງການ ໂມດີແຄຣ ເປັນໂຄງການທີ່ລັດຖະບານທ່ານ ໂມດີ ຊຸກຍູ້ ເຊິ່ງຖືເປັນການຮຽກຄະແນນໃຫ້ແກ່ພັກ ກ່ອນການເລືອກຕັ້ງທົ່ວໄປໃນກາງປີໜ້າ.