UNWTO ເປີດເຜີຍຈຳນວນ ນັກທ່ອງທ່ຽວທົ່ວໂລກເພີ່ມຂຶ້ນ 6,0%

- advert banner 728 90 728x90 - UNWTO ເປີດເຜີຍຈຳນວນ ນັກທ່ອງທ່ຽວທົ່ວໂລກເພີ່ມຂຶ້ນ 6,0%

ອົງການ​ການທ່ອງທ່ຽວ​ໂລກ​ແຫ່ງ​ສະຫະ​ປະຊາ​ຊາດ ຫລື UNWTO ​ເປີດ​ເຜີຍ​ໃນ​ວັນ​ທີ 10 ຕຸລາ​ວ່າ: ຈຳນວນ​ນັກ​ທ່ອງ​ທ່ຽວ​ທົ່ວ​ໂລກ​ໃນ​ໄລຍະ​ເຄິ່ງປີ​ທຳ​ອິດ​ເພີ່ມ​ຂຶ້ນ 6,0% ​ໂດຍ​ທາງ​ໃຕ້​ຂອງ​ເອີຣົບ ​ແລະ ພາກພື້ນອາຊີ​ຕາ​ເວັນ​ອອກສຽງ​ໃຕ້​ຖື​ເປັນ​ເຂດ​ທີ່​ມີ​ການ​ຂະຫຍາຍຕົວ​ຫລາຍ​ທີ່​ສຸດ.

- lattana 1 - UNWTO ເປີດເຜີຍຈຳນວນ ນັກທ່ອງທ່ຽວທົ່ວໂລກເພີ່ມຂຶ້ນ 6,0%

UNWTO ​ເຊິ່ງມີ​ສຳນັກງານ​ໃຫຍ່​ຢູ່​ນະຄອນຫລວງ​ມາດຣິດ ຂອງ​ແອັສປາຍ ກ່າວ​ໃນ​ຖະ​ແຫລ​ງການ​ວ່າ: ​ໃນ​ໄລຍະ​ເດືອນ​ມັງກອນ​ຫາ​ເດືອນ​ມິຖຸນາ​ປີ​ນີ້ ຈຳນວນ​ນັກ​ທ່ອງ​ທ່ຽວ​ທົ່ວ​ໂລກ​ມີ​ປະມານ 641 ລ້ານ​ຄົນ ​ເພີ່ມ​ຂຶ້ນ 37 ລ້ານ​ຄົນ ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີຜ່ານມາ. ທ່ານ ຊູ​ຣັບ ​ໂປ​ໂລ​ລິ​ຄາ​ຊວິລລີ ​ເລຂາທິການ​ໃຫຍ່ UNWTO ກ່າວ​ວ່າ: ​ຕົວ​ເລກ​ຂໍ້​ມູນ​ຈຳນວນ​ນັກ​ທ່ອງ​ທ່ຽວ​ທົ່ວ​ໂລກ​ໃນ​​ເຄິ່ງປີ​ທຳ​ອິດ ​ເປັນ​ສິ່ງ​ພິ​ເສດ​ເພີ່ມ​ຕື່ມ​ວ່າ: ອຸດສາຫະກຳ​ການທ່ອງທ່ຽວ​ໄດ້​ຟື້ນຕົວ ​ແລະ ມີ​ທິດ​ທາງ​ການ​ເຕີບ​ໃຫຍ່​ຢ່າງ​ຕໍ່​ເນື່ອງ. ອັງກິດ, ຝຣັ່ງ ​ແລະ ຣັດ​ເຊຍ ມີ​ຕົວ​ເລກ​ນັກ​ທ່ອງ​ທ່ຽວ​ເພີ່ມ​ຂຶ້ນ​ເປັນ​ຕົວ​ເລກ​ສອງ​ຫລັກ​ສຳລັບ​ທະວີບ​ເອີຣົບ, ສ່ວນ​ອິນ​ເດຍ ​ແລະ ສ.​ເກົາຫລີ ​ເປັນ​ສອງ​ປະ​ເທດ​ທີ່​ເປັນ​ຕົວ​ຂັບ​ເຄື່ອນ​ການ​ຂະຫຍາຍຕົວ​ໃນ​ອາຊີ, ​ເອີຣົບຕອນ​ໃຕ້ ​ແລະ ​ເມ​ດິ​​ເຕລາ​ນຽນ ມີ​ນັກ​ທ່ອງ​ທ່ຽວ​ຂະຫຍາຍຕົວ 8,7%, ຂະນະ​ທີ່​ອາ​ຊີ​ຕາ​ເວັນ​ອອກສຽງ​ໃຕ້​ເຕີບ​ໃຫຍ່ 9,4%, ຂະນະ​ທີ່​ນັກ​ທ່ອງ​ທ່ຽວ​ທີ່​ໄປ​ທ່ຽວ​ເອີຣົບ ​ເຊິ່ງ​ເປັນ​ພາກພື້ນທີ່​ມີ​ນັກ​ທ່ອງ​ທ່ຽວ​ຫລາຍ​ທີ່​ສຸດ​ໃນ​ໂລກ ​ເພີ່ມ​ຂຶ້ນ 6,8%, ສ່ວນ​ຈີນ ​ເຊິ່ງ​ເປັນ​ຕະຫລາດ​ການທ່ອງທ່ຽວ​ອັນ​ດັບ​ຕົ້ນຂອງ​ໂລກ ມີ​ຕົວ​ເລກ​ຂອງ​ການ​ໃຊ້​ຈ່າຍ​ຂອງ​ນັກ​ທ່ອງ​ທ່ຽວ​ໃກ້​ຄຽງ​ກັບ​ປີຜ່ານມາ. UNWTO ຄາດໝາຍ​ວ່າ: ຕົວ​ເລກ​ນັກ​ທ່ອງ​ທ່ຽວ​ທົ່ວ​ໂລກ​​ຈະ​ຂະຫຍາຍຕົວ 4-5% ​ໃນ​ປີ​ນີ້.