ສຕລ ກຽມຈັດການແຂ່ງຂັນ U18 ທ້າຍເດືອນນີ້

- advert banner 728 90 728x90 - ສຕລ ກຽມຈັດການແຂ່ງຂັນ U18 ທ້າຍເດືອນນີ້

ສະຫະພັນ​ບານ​ເຕະ​ແຫ່ງ​ຊາດ​ລາວ (ສຕລ) ກຽມ​ຈັດການ​ແຂ່ງຂັນ​ບານ​ເຕະຊາຍ ຮຸ່ນອາຍຸ​ບໍ່​ເກີນ 18 ຫລື U18 ​ຂຶ້ນ​ໃນ​ທ້າຍ​ເດືອນ​ຕຸລາ​ນີ້ ​ເພື່ອ​ສົ່ງ​ເສີມ​ອາຄາ​ເດ​ມີ​ບັນດາ​ສະ​ໂມ​ສອນ​ທີ່​ເຂົ້າ​ຮ່ວມ​​ແຂ່ງຂັນ​ເປ​ບຊີ ລາວ​ພຣີ​ເມ​ຍລີກ 2018 ​ໃຫ້​ມີ​ການ​ເຄື່ອນ​ໄຫວ​ຢູ່​ເລື້ອຍໆ.

- lattana 1 - ສຕລ ກຽມຈັດການແຂ່ງຂັນ U18 ທ້າຍເດືອນນີ້

ທ່ານ ວັດທະນາ ​ແກ້ວ​ມີ​ໄຊ ຄະນະ​ກໍ​າມະ​ການ​ຈັດການ​ແຂ່ງຂັນ ​ໃຫ້​ສໍາພາດ​ວ່າ: ພາຍຫລັງ​ສໍາ​ເລັດ​ການ​ແຂ່ງ​​ບານ​ເຕະ​ເປ​ບຊີ ລາວ​ພຣີ​ເມຍ​ລີກ 2018 ​ແລ້ວ, ທາງ​ຄະນະ​ກໍາມະການ​ຈັດການ​ແຂ່ງຂັນ​ຂອງ​ພວກ​ເຮົາ​ກໍ​ໄດ້ປຶກສາ​ຫາລື​ກັນ ​ເພື່ອ​​ໃຫ້​ນັກ​ກິລາ​ພາຍ​ໃນ​ສະ​ໂມ​ສອນ​ທີ່​ເຂົ້າ​ຮ່ວມ​ການ​ແຂ່ງ​ໃນ​ປີຜ່ານມາ​ໄດ້​ມີ​ການ​ເຄື່ອນ​ໄຫວ​ຕະຫລອດ​ເວລາ​ ໂດຍ​ສະ​ເພາະ​ອາຄາ​ເດ​ມີ​ທີ່​ກໍາລັງ​ສ້າງ​ນັກ​ກິລາ​ລຸ້ນໜຸ່ມ​ນ້ອຍ​​ໄດ້​ສໍາຜັດ​ກັບ​ການ​ແຂ່ງຂັນ​ໃນ​ລະດັບ​ສູງ​ຂຶ້ນ ພ້ອມ​ທັງ​ເປັນ​ການ​ພັດທະນາ​ຝີ​ຕີນ​ໃຫ້​ນັບ​ມື້​ນັບ​ດີ​ຂຶ້ນ. ດັ່ງ​ນັ້ນ ​ພວກ​ເຮົາ​ຈຶ່ງ​ຈະ​ຈັດການ​ແຂ່ງຂັນ​ບານ​ເຕະ​ຊາຍ ຮຸ່ນອາຍຸ​ບໍ່​ເກີນ 18 ປີ ຂຶ້ນ​ຢ່າງ​ເປັນ​ທາງ​ການ ​ໃນ​ວັນ​ທີ 27 ​ຕຸລາ​ນີ້ ​ໂດຍ​ເປີດ​ຮັບ​ສະໝັກ​ນັບ​​ແຕ່ຕົ້ນ​ເດືອນ​ຕຸລາ​ນີ້​ຫາ​ວັນ​ທີ 23 ຕຸລາ. ​ດັ່ງ​ນັ້ນ, ຖ້າວ່າ​ທີ​ມ​ໃດ​ສົນ​ໃຈ​ສາມາດ​ເຂົ້າ​ພົວພັນ​ທີ່ ພະ​ແນ​ກຈັດການ​ແຂ່ງຂັນ ສຕລ ​​ໃນ​ໂມງ​ລັດຖະການ.

ສໍາລັບ​ລາງວັນ ອັນ​ດັບ​ທີ 1 ຈະ​ໄດ້​ຮັບ​ຂັນ​ລາງວັນ​ພ້ອມ​​ເງິນສົດ 12 ລ້ານ​ກີບ; ອັນ​ດັບ​ທີ 2 ຈະ​ໄດ້​ຮັບ​​ເງິນສົດ 8 ລ້ານ​ກີບ, ອັນ​ດັບ​ທີ 3 ຈະ​ໄດ້​ຮັບ​ເງິນສົດ 4 ລ້ານ​ກີບ.