ອາວສະ​ແປນສົ່ງເສີມປະຊາຊົນເມືອງປາກຊ່ອງປຸກກາເຟແບບຍືນຍົງ

- advert banner 728 90 728x90 - ອາວສະ​ແປນສົ່ງເສີມປະຊາຊົນເມືອງປາກຊ່ອງປຸກກາເຟແບບຍືນຍົງ

ປະຊາຊົນເມືອງປາກຊ່ອງ ແຂວງຈໍາປາສັກ ຫລາຍກວ່າ 2.400 ຄອບ ຄົວ ພວມມີຊີວິດການເປັນຢູ່ທີ່ດີ  ແລະ ມີລາຍຮັບທີ່ໝັ້ນຄົງ, ພາຍຫລັງມີບໍລິ ສັດ ອາວສະແປນ Outspan ໄດ້ເຂົ້າມາລົງທຶນປູກກາເຟ ແລະ ຊຸກຍູ້ປະຊາ ຊົນໃນເມືອງດັ່ງກ່າວເຂົ້າຮ່ວມໂຄງການປູກກາເຟແບບຍືນຍົງ.

- lattana 1 - ອາວສະ​ແປນສົ່ງເສີມປະຊາຊົນເມືອງປາກຊ່ອງປຸກກາເຟແບບຍືນຍົງ

ທ່ານ ຄາດສເທີນ ຊີເບວຫົວຫນ້າຮັບຜິດຊອບວຽກງານພັດທະນາຊຸມຊົນ ແລະ ສັງຄົມ ຂອງບໍລິສັດ ອາວສະແປນລາວ ໃຫ້ຮູ້ວ່າ: ອາວສະແປນ ແມ່ນບໍລິສັດລູກຂອງກຸ່ມບໍລິສັດ Olam International Ltd ທີ່ມີກອງທຶນເທມາເຊະ ຖືຮຸ້ນ 52% ແລະ ມິດຊູບີຊິ ຖືຮຸ້ນ 20% ໂດຍມີສໍານັກງານໃຫຍ່ຢູ່ປະເທດສິງກະໂປ, ດໍາເນີນທຸລະກິດກາເຟໃຫຍ່ອັນດັບ 2 ຂອງໂລກ ໂດຍການສະຫນອງກາເຟອົບແຫ້ງສົ່ງອອກໄປຫລາຍກວ່າ 70 ປະເທດທົ່ວໂລກ ເປັນຕົ້ນແມ່ນບໍລິສັດສະຕາບັກ ແລະ ແນສກາເຟ.

ອາວສະແປນ ໄດ້ລົງທຶນຢູ່ເມືອງປາກຊ່ອງແຕ່ປີ 2009 ໃນເນື້ອທີ່ 2.400 ເຮັກຕາ ໃນນີ້ປູກກາເຟຫລາຍກວ່າ 1.500 ເຮັກ ຕາ. ສ່ວນທີ່ເຫລືອແມ່ນນໍາໃຊ້ເຂົ້າໃນການປຸກສ້າງໂຮງງານອົບກາເຟ, ຫ້ອງ ການ, ໂຮງຮຽນ, ສຸກສາລາ, ຫໍພັກພະນັກງານ-ກໍາມະກອນ ແລະ ເຂດປ່າປ້ອງກັນ ຊຶ່ງລວມມີມູນຄ່າລົງທຶນ 30 ລ້ານໂດລາສະຫະລັດ.

ປັດຈຸບັນ, ບໍລິສັດໄດ້ດໍາເນີນໂຄງການກາເຟພູພຽງບໍລິເວນແບບຍືນຍົງ ໂດຍຊຸກຍູ້ໃຫ້ປະຊາຊົນ 2.400 ກວ່າຄອບຄົວ ທີ່ມີສວນກາເຟຢູ່ບໍລິເວນອ້ອມແອ້ມໃກ້ຄຽງສວນກາເຟບໍລິສັດນໍາໃຊ້ມູນສັດເປັນຝຸ່ນຊີວະພາບບໍາລຸງຕົ້ນກາເຟໃຫ້ມີຄຸນນະພາບ ແລະ ໃຫ້ຜົນຜະລິດສູງ, ທັງເປັນການປ້ອງກັນບໍ່ໃຫ້ຕົ້ນກາເຟເສຍຫາຍຍ້ອນພະຍາດຕ່າງໆ ໂດຍມີຜູ້ຊ່ຽວຊານຈາກຕ່າງປະເທດມາແນະນໍາ. ນອກນັ້ນ ບໍລິສັດຍັງເກັບຊື້ກາເຟຈາກປະຊາຊົນໃນລາຄາຕະຫລາດໂລກ ແລະ ກະຊວງອຸດສາຫະກໍາ ແລະ ການຄ້າກໍານົດ ເພື່ອຮັບປະກັນໃຫ້ປະ ຊາຊົນໄດ້ຮັບຜົນປະໂຫຍດສູງສຸດ.

ທ່ານ ຄາດສເທີນ ກ່າວວ່າ: ປັດຈຸບັນ, ມີປະຊາຊົນທ້ອງຖິ່ນຫລາຍກວ່າ 300 ຄົນໄດ້ມາເຮັດວຽກກັບບໍລິສັດພວກເຮົາ ອັນໄດ້ສ້າງວຽກເຮັດງານທໍາ ແລະ ລາຍຮັບໃຫ້ເຂົາເຈົ້າໝັ້ນຄົງຂຶ້ນ ແລະ ມາຮອດປັດຈຸບັນ ບໍລິສັດໄດ້ຈ່າຍພັນທະຕ່າງໆໃຫ້ລັດແລ້ວກວ່າ 10 ລ້ານໂດລາສະຫະລັດ ​ເພື່ອ​ປະກອບສ່ວນເຂົ້າໃນການຊຸກຍູ້ເສດຖະກິດຂອງປະເທດ ແລະ ທ້ອງຖິ່ນເຂັ້ມແຂງດີຂຶ້ນ.