ລາວສະເຫຼີມສະຫຼອງວັນເດັກຍິງສາກົນ

- advert banner 728 90 728x90 - ລາວສະເຫຼີມສະຫຼອງວັນເດັກຍິງສາກົນ

ໃນວັນທີ 11 ຕຸລານີ້, ກະຊວງສຶກສາທິການ ແລະ ກິລາ ຮ່ວມກັບອົງການແພລນສາກົນ (plan International) ແລະ ອົງການສະຫະປະຊາຊາດ ກອງທຶນສຳລັບປະຊາກອນ (UNFPA) ໄດ້ຈັດງານສະເຫຼີມສະຫຼອງວັນເດັກຍິງສາກົນຂຶ້ນ ທີ່ສູນການຄ້າລາວ-ໄອເຕັກ ໂດຍການເຂົ້າຮ່ວມຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະ ມົນຕີ ກະຊວງສຶກສາທິການ ແລະກິລາ, ທ່ານ Victor Valdivieso ວ່າການຜູ້ຕາງໜ້າອົງການ UNFPA, ມີຫົວໜ້າອົງການ ແພລນສາກົນ ​ແລະ ຜູ້ຕາງໜ້າຂະ​ແໜງການ​ຕ່າງໆເຂົ້າຮ່ວມ​ເປັນ​ຈຳນວນຫຼາຍ.

- lattana 1 - ລາວສະເຫຼີມສະຫຼອງວັນເດັກຍິງສາກົນ

ງານສະເຫຼີມສະຫຼອງວັນເດັກຍິງສາກົນ ແລະ ນາງນ້ອຍ ຄົບ 2 ປີ ເພື່ອສົ່ງເສີມທັກສະເດັກຍິງ ແລະ ສ້າງຄວາມເຂັ້ມແຂງຂອງເດັກຍິງ, ດຶງດູດຄວາມສົນໃຈສະໜັບສະໜູນ ໃນການສ້າງໂອກາດໃຫ້ເດັກຍິງຫຼາຍຂຶ້ນ ​ແລະ ໂອກາດໃນການຮ່ວມມືກັນສ້າງເຄື່ອງ

ໝາຍຂອງນາງນ້ອຍ ເພື່ອເປັນຕົວແທນໃຫ້ແກ່ເດັກຍິງທີ່ຖືກບັນຈຸເຂົ້າໃນ ບັນດາແຜນງານຕ່າງໆ ຂອງ ອົງການສະຫະປະຊາຊາດ, ຄູ່ຮ່ວມງານ ແລະອົງການຈັດຕັ້ງສັງຄົມອື່ນໆ​ໃຫ້ຫຼາຍຂຶ້ນ.

ໂອກາດນີ້, ທ່ານ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ມີຄຳເຫັນວ່າ: ໃນຂະ​ແໜ່ງອຸດສາຫະກຳ, ຜູ້ຊາຍ ແມ່ນສ່ວນໃຫຍ່ຂອງການຈ້າງງານ ແລະ ໜ້າສົນໃຈ, 61% ຂອງຜູ້ຍິງ​ແມ່ນເຮັດວຽກໃນຄອບຄົວ ແລະ ເພື່ອປ່ຽນແປງການປະຕິບັດກົດບັນທັດຖານທາງເພດນີ້, ເດັກຍິງຕ້ອງໄດ້ຮັບການສ້າງຄວາມເຂັ້ມແຂງ ແລະ ສາມາດມີທາງເລືອກໃນການເຮັດວຽກໃຫ້ຫຼາຍຂຶ້ນກວ່າເກົ່າ.