ອອກພັນສາທ່າວັດຈັນກັບຕຳນານປະຫວັດສາດ

ອອກພັນສາທ່າວັດຈັນກັບຕຳນານປະຫວັດສາດ - advert banner 728 90 728x90 - ອອກພັນສາທ່າວັດຈັນກັບຕຳນານປະຫວັດສາດ

ໂດຍ: ທິດກ່ຳ

ອອກພັນສາທ່າວັດຈັນກັບຕຳນານປະຫວັດສາດ - lattana 1 - ອອກພັນສາທ່າວັດຈັນກັບຕຳນານປະຫວັດສາດ

ບຸນອອກພັນສາປະວໍລະນາທ່າວັດຈັນເປັນປະຫວັດການ ອັນເກົ່າແກ່ທີ່ຕິດພັນກັບເມືອງ ຈັນທະບູລີ ສີສັດຕະນາຄະນະ ຮຸດ… ເປັນຕຳນານທີ່ສຶບທອດ ກັນມາແຕ່ດຶກດຳບັນສະໄໝ ຢູ່ ຍ່າຕາຍາຍ.

ອອກພັນສາທ່າວັດຈັນກັບຕຳນານປະຫວັດສາດ - 235111444 - ອອກພັນສາທ່າວັດຈັນກັບຕຳນານປະຫວັດສາດ
(ພາບປະກອບ)

ອອກພັນສາແລ້ວໄດ້ກິນເຂົ້າໃໝ່ປາມັນ2018/

ບຸນອອກພັນສາ ປະວໍລະນາ ແລະ ຊ່ວງເຮືອປະເພນີ ຈົ່ງຊ່ວຍກັນປະຢັດ ແລະ ຕ້ານການຟູມເຟືອຍ2018/

ພໍຮອດມື້ອອກພັນສາ ແລະ ຊ່ວງເຮືອທ່າວັດຈັນ ປະຊາຊົນ ລາວບັນດາເຜົ່າທົ່ວທັງປະເທດ ໂດຍສະເພາະຊາວນະຄອນ ຫລວງວຽງຈັນ ນັບທັງຄູບາອາ ຈານ, ຄົນຕ່າງປະເທດ, ແຂກ ຕ່າງດ້າວທ້າວຕ່າງແດນຕ່າງ ກໍໄດ້ຫລັ່ງໄຫລໄປເບິ່ງໄປຊົມ ການຊ່ວງເຮືອໃນຍາມອອກ ພັນສາທີ່ທ່າວັດຈັນ, ຢ່າງຄັບ ຄາໜາແໜ້ນ, ຖ້າຜູ້ໃດບໍ່ໄດ້ ເຫັນໄດ້ຊົມກໍສະແດງວ່າປີນັ້ນ ພາດຫວັງ.

ຍ້ອນຫຍັງ? ຈຶ່ງວ່າ ແນວ ນັ້ນ? ຍ້ອນວ່າບຸນອອກພັນ ສາ ແລະ ບຸນຊ່ວງເຮືອທ່າວັດ ຈັນມັນມີການພົວພັນ ແລະ ຕິດພັນກັບຕຳນານເລື່ອງລາວ ປະຫວັດສາດທີ່ລຶກລັບແຫ່ງ ເມືອງພະຍານາກເປັນກົກເຄົ້າ ຂອງເມືອງຈັນທະບູລີ ສີສັດຕະ ນາຄະນະຮຸດກ່ອນທີ່ຈະມາເປັນນະຄອນຫລວງຂອງປະເທດ ລ້ານຊ້າງໃນອາດີດຕະການ ແລະ ສາທາລະນະລັດ ປະຊາ ທິປະໄຕ ປະຊາຊົນລາວ ໃນປັດ ຈຸບັນນີ້, ຄືຄວາມສຳຄັນ ແລະ ຄວາມໝາຍຂອງບຸນອອກພັນ ສາຢູ່ທີ່ທ່າວັດຈັນ ເຊິ່ງໄດ້ຕິດ ພັນກັບຈິດໃຈຂອງຊາວນະຄອນ ຫລວງຕັ້ງແຕ່ສະໄໝປະຫວັດ ສາດຈົນມາເຖິງປັດຈຸບັນ.

ແນວໃດກໍດີ, ນັບແຕ່ທິດ ກ່ຳ ໄດ້ເຂົ້າມາດຳລົງຊີວິດຢູ່ນະ ຄອນຫລວງວຽງຈັນ ຫລັງປົດ ປ່ອຍເກືອບ 40 ປີມານີ້ ກໍໄດ້ ເຫັນບັນຍາກາດຂອງບຸນອອກ ພັນສາທ່າວັດຈັນ ໃນທຸກໆປີ ບໍ່ໄດ້ຂາດ.

ໜຶ່ງໃນບັນຍາກາດທີ່ບໍ່ ຄວນພາດຈັກດີ້ນັ້ນ ກໍແມ່ນຕ້ອງ ໃຫ້ໄດ້ເຫັນ ແລະ ຊົມການຊ່ວງ ເຮືອ ທີ່ມີຄວາມມ່ວນຊື່ນຄຶກ ຄື້ນ ແລະ ສຸກສັນຫັນສາຍິ່ງ ກວ່າເວລາໃດໝົດ.

ໃນຍຸກກ່ອນ, ເຖິງວ່າບ້ານ ເມືອງເຮົາບໍ່ທັນມີການສ້າງສາ ພັດທະນາຢ່າງກ້າວໄກແຕ່ກໍ ເຫັນວ່າ ບຸນຊ່ວງເຮືອທ່າວັດຈັນ ເປັນແຫລ່ງເຕົ້າໂຮມພະລັງມະ ຫາສາມັກຄີຂອງປະຊາຊົນບັນ ດາເຜົ່າທີ່ພາກັນເອກອ້າງປະ ເພນີ ແລະ ວັດທະນະທຳຂອງ ຊາດ ທີ່ມີມາແຕ່ບູຮານນະການ ແລະ ແຕ່ເຊັ່ນປູ່ຍ່າຕາຍາຍ.

ພໍຕົກມາສະໄໝນີ້, ເວົ້າສະ ເພາະແມ່ນແຕ່ໄລຍະ 5 ປີ, 10 ປີ ມານີ້ ເຫັນວ່າບຸນອອກພັນສາ ທ່າວັດຈັນໄດ້ປ່ຽນໄປຕາມສະ ພາບການປ່ຽນແປງຂອງດິນ ຟ້າອາກາດ ແລະ ຄວາມກ້າວ ໜ້າທາງສັງຄົມທີ່ພວມພິສູດ ໃຫ້ເຫັນ ແລະ ໄດ້ເຂົ້າມາທ້າທາຍ ບຸນຊ່ວງເຮືອທ່າວັດຈັນທະບູລີ ສີສັດຕະນາຄະນະຮຸດ ຍ້ອນສະ ພາບແວດລ້ອມນ້ຳໄດ້ບົກແຫ້ງລົງໃນແຕ່ລະປີ, ເກີດມີປ່າຫຍ້າ ເກາະດອນເຮັດໃຫ້ການຊ່ວງ ເຮືອຕ້ອງໄດ້ຍ້າຍລົງຈາກທ່າ ວັດຈັນ ໄປຫາບ່ອນອື່ນດັ່ງປີນີ້ ຍ້າຍຜາມໄຊໄປແຖວບ້ານເກົ່າ ຍອດສີເມືອງ, ປີກາຍກັບປີ ກ່ອນໆ ພັດຢູ່ທ່າຂຸນຕາຕາກ ແດດອັນເຮັດໃຫ້ບຸນຊ່ວງເຮືອ ທ່າວັດຈັນຍັງເຫລືອພຽງແຕ່ ຊື່ໃນຕຳນານປະຫວັດສາດ.

ເພາະສະນັ້ນ, ຕາມເຮົາວ່າ ເພື່ອຮັກສາມູນເຊື້ອແຫ່ງຕຳ ນານບຸນອອກພັນສາທ່າວັດຈັດ ໃຫ້ເປັນໄປຕາມຍຸກສະໄໝ ທັງມີຄວາມໝາຍ ແລະ ຄວາມ ມ່ວນຊື່ນຕໍ່ຜູ້ໄປເບິ່ງໄປຊົມພາ ກັນນັ່ງຢ່າງສຸກສັນຫັນສາຕາມ ອັດສະຈັນທີ່ໄດ້ສ້າງໄວ້ໃນອາ ນາຄົດມີແຕ່ປັ້ນຫາດດອນຈັນ ໃຫ້ມີສີສັນອັນໃໝ່ຄື: ຕ້ອງໄດ້ ລວງຄອງນ້ຳໃຫ້ກວ້າງຂະໜາດ 100 ແມັດຍາວແຕ່ເໜືອສຸດໃຕ້ ຫາດດອນຈັນກໍຈະກາຍເປັນ ດອນເງິນ, ດອນຄຳ, ເປັນຫາດທີ່ ເຕັມໄປດ້ວຍ ພືດຜັກທັນຍາຫານ ທີ່ປອດສານພິດເມື່ອເຖິງຍາມ ແລງມາແຂກຄົນໄດ້ພາກັນ ນັ່ງກິນລົມຊົມວິວຮອດຍາມບຸນ ອອກພັນສາທ່າວັດຈັນຈະກາຍ ເປັນແຫລ່ງເຕົ້າໂຮມຄວາມ ສາມັກຄີ, ເປັນແຫລ່ງເສດຖະ ກິດ- ສັງຄົມ ແລະ ວັດທະນະທຳ ຂອງຊາວນະຄອນຫລວງວຽງຈັນ ຢ່າງເອກອ້າງທະນົງໃຈ./.

ອອກພັນສາທ່າວັດຈັນກັບຕຳນານປະຫວັດສາດ - 22365554 - ອອກພັນສາທ່າວັດຈັນກັບຕຳນານປະຫວັດສາດ
(ພາບປະກອບ)