ຮູບເງົາ “ ມະຫັດສະຈັນ​ເມືອງ​ງອຍ “ ຊະນະ​ເລີດ​ການ​ແຂ່ງຂັນ​ຮູບ​​ເງົາທົ່ວປະເທດ

ຮູບເງົາ “ ມະຫັດສະຈັນ​ເມືອງ​ງອຍ “ ຊະນະ​ເລີດ​ການ​ແຂ່ງຂັນ​ຮູບ​​ເງົາທົ່ວປະເທດ - advert banner 728 90 728x90 - ຮູບເງົາ “ ມະຫັດສະຈັນ​ເມືອງ​ງອຍ “ ຊະນະ​ເລີດ​ການ​ແຂ່ງຂັນ​ຮູບ​​ເງົາທົ່ວປະເທດ

ພິທີປະກາດຜົນການແຂ່ງຂັນ ຮູບເງົາສາລະຄະດີ ແລະ ເລື່ອງສັ້ນ ທົ່ວປະເທດ ໃນຫົວຂໍ້ ”ງາມເດບ້ານເຮົາ” ແລະ ການແຂ່ງຂັນ ຄລິບຮູບເງົາວິດີໂອ ໃນຫົວຂໍ້ ” ສິ່ງທີ່ຢາກບອກ” ​ໄດ້​ຈັດຂຶ້ນໃນວັນທີ 26 ຕຸລານີ້, ໂດຍການໃຫ້ກຽດເຂົ້າຮ່ວມ ແລະ ມອບ ລາງວັນຂອງ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ.

ຮູບເງົາ “ ມະຫັດສະຈັນ​ເມືອງ​ງອຍ “ ຊະນະ​ເລີດ​ການ​ແຂ່ງຂັນ​ຮູບ​​ເງົາທົ່ວປະເທດ - lattana 1 - ຮູບເງົາ “ ມະຫັດສະຈັນ​ເມືອງ​ງອຍ “ ຊະນະ​ເລີດ​ການ​ແຂ່ງຂັນ​ຮູບ​​ເງົາທົ່ວປະເທດ

ທ່ານ ຫົວໜ້າກົມຮູບເງົາໃຫ້ຮູ້ວ່າ: ການ​ແຂ່ງຂັນ​ໃນ​ຄັ້ງ​ນີ້, ​ເພື່ອເປັນ​ການສະ​ເຫລີ​ມສະຫລອງ​ປີ​ທ່ອງ​ທ່ຽວລາວ 2018 ​ຜ່ານ​ການ​ໂຄສະນາ​ເຜີຍ​ແຜ່ ທຳ​ມະ​ຊາດ​ທີ່​ອຸດົມສົມບູນ​ສວຍ​ງາມ, ວັດທະນະທຳ​ຮີດຄອງ​ປະ​ເພນີ ທີ່​ດີງາມ ​ແລະ ປະຫວັດສາດທີ່ໜ້າສຶກສາ ​ແລະ ຮຽນຮູ້​ຂອງ​ທ້ອງ​​ຖິ່ນ, ຂອງ​ຊາດອອກ​ສູ່​ສັງຄົມ ​ໃຫ້​ຮັບ​ຮູ້​ຫລາຍ​ຂຶ້ນ, ນອກ​ນັ້ນ, ຍັງ​ເປັນ​ການ​ກະຕຸກ​ຊຸກ​ຍູ້ ນັກ​ສ້າງ​ຮູບ​ເງົາ​ອາຊີບ ​ແລະ ສະໝັກຫລິ້ນ ທັງ​ພາກ​ລັດ, ​ເອກະ​ຊົນ ​ແລະ ບຸກຄົນ​ ໃຫ້​ໄດ້​ມີ​​ເວທີ​ສະ​ແດງ​ຜົນງານ​ຂອງ​ຕົນ, ພ້ອມ​​ນັ້ນ, ກໍ​ຈະ​ເຮັດ​ໃຫ້​ຜະລິດ​ຕະພັນ​ຮູບ​ເງົາ ດ້ານ​ການທ່ອງທ່ຽວ​ເພີ່ມ​ຂຶ້ນ​ ໄປ​ພ້ອມ​ກັບ​ການ​ພັດ​ທະນາ ​ແລະ​ ສົ່ງ​ເສີມ​ຮູບ​ເງົາ​ລາວ ​ໃຫ້​ມີ​ການ​ພັດທະນາ​ຢ່າງ​ບໍ່​ຢຸດ​ຢັ້ງ.

ການແຂ່ງຂັນຄັ້ງນີ້, ມີຜູ້ສົ່ງ​ຜົນງານ ເຂົ້າຮ່ວມແຂ່ງຂັນທັງໝົດ 31 ເລື່ອງ, ໃນນັ້ນ, ມີຮູບເງົາສາລະຄະດີ 4 ເລື່ອງ ແລະ ຮູບເງົາເລື່ອງສັ້ນ 8 ເລື່ອງ ແລະ ຄລິບຮູບ​ເງົາ ວິດີໂອ 19 ເລື່ອງ. ຜ່ານການແຂ່ງຂັນປະກົດວ່າ: ຮູບເງົາສາລະຄະດີ​ “ມະຫັດສະຈັນ​ເມືອງ​ງອຍ” ຈາກ​ໂທລະພາບແຂວງ​ຫລວງ​ພະ​ບາງ ຄ້ວາ​ໄດ້​ອັນ​ດັບທີ 1 ​ໄດ້​ຮັບ​ຂັນ​ລາງວັນໜຶ່ງໜ່ວຍ, ໃບ​ຢັ້ງຢືນ ພ້ອມ​ເງິນ​ສົດ 8 ລ້ານ​ກີບ, ລາງວັນທີ 2 ໄດ້ແກ່​​ຮູ​ບ​ເງົາ​ສາລະ​ຄະດີ “​ເມືອງ​ຊຳ​ໃຕ້​ບາດກ້າວໃໝ່​ແຫ່ງ​ການ​ພັດທະນາ​” ຈາກ​ແຂວງ​ຫົວພັນ ໄດ້​ຮັບຂັນ​ລາງວັນ, ໃບ​ຢັ້ງຢືນ ພ້ອມເງິນ 5 ລ້ານ​ກີບ ແລະ ອັນ​ດັບ 3 ​ໄດ້ແກ່ຮູບ​ເງົາ​”ປະ​ເພນີ ຜີ​ຕາ​ໂຂນ ວັດ​ສີ​ບຸນ​ເຮືອງ​ ບ້ານ​ໃຫຍ່” ຈາກ​ແຂວງ​ໄຊ​ຍະ​ບູລີ ​ໄດ້​ຮັບ​ຂັນ​ລາງວັນໜຶ່ງໜ່ວຍ, ໃບ​ຢັ້ງຢືນ ພ້ອມ​ເງິນ​ສົດ 3 ລ້ານ​ກີບ. ສ່ວນ​ຮູບ​ເງົາ​ເລື່ອງ​ສັ້ນ​ອັນ​ດັບທີ 1 ໄດ້ແກ່ຮູບ​ເງົາ​ສັ້ນເລື່ອງ “ສົດ​ໃສ” ຈາກ​ສາຂາວິຊາສື່ສານມວນຊົນ ຄະນະອັກສອນສາດ ມະຫາວິທະ​ຍາ​ໄລ​ແຫ່ງ​ຊາດ, ອັນ​ດັບ​ 2 ​ໄດ້ແກ່ຮູບ​ເງົາ​ສັ້ນເລື່ອງ “ຄຳໝັ້ນສັນຍາ” ຈາກ​ແຂວງ​ໄຊ​ສົມບູນ, ອັນດັບ 3 ​ໄດ້ແກ່ເລື່ອງ “ງາມ​ເດ​ເມືອງ​ວຽງຈັນ” ຜົນງານຈາກໂຮງຮຽນ ມສ ລາວ-ຫວຽດ ສ່ວນ​ຂອງ​ລາງວັນ ອັນ​ດັບທີ 1,2,3 ​ແມ່ນ​ຄື​ກັນ​ກັບ​ຮູບ​ເງົາ​ສາລະ​ຄະດີ. ສຳລັບ​ ຄລິບ​ຮູບ​ເງົາ​ວິີດີ​ໂອ ​ອັນ​ດັບທີ 1 ​ໄດ້ແກ່ເລື່ອງ “ນາທີ​ຫລວງ​ພະ​ບາງ” ຜົນງານຈາກນັກສຶກສາ ຄະນະວິສະວະກໍາສາດ ມະຫາ​ວິທະຍາ​ໄລ​ແຫ່ງ​ຊາດ ​ໄດ້​ຮັບ​ຂັນ​ລາງວັນໜຶ່ງໜ່ວຍ, ໃບ​ຢັ້ງຢືນ ພ້ອມ​ເງິນ​ສົດ 2 ລ້ານ​ກີບ, ອັນ​ດັບ 2 ​ໄດ້ແກ່ຄລິບ​ຮູບ​ເງົາ​ວີ​ດີ​ໂອເລື່ອງ “ສັງຄົມ​ກົ້ມໜ້າ”​ ໄດ້​ຮັບ​ຂັນ​ລາງວັນໜຶ່ງໜ່ວຍ, ໃບ​ຢັ້ງຢືນ ພ້ອມ​ເງິນ​ສົດ 1​.500.000​ ກີບ, ອັນ​ດັບ 3 ​ໄດ້ແກ່ຄລິບ​ຮູບ​ເງົາ​ວີ​ດີ​ໂອເລື່ອງ “ມວຍ​ລາຍ​ລາວ​” ໄດ້​ຮັບ​ຂັນ​ລາງວັນໜຶ່ງໜ່ວຍ, ໃບ​ຢັ້ງຢືນ ພ້ອມ​ເງິນ​ສົດ 1 ລ້ານ​ກີບ ຊຶ່ງທັງສອງຄຣິບເປັນຜົນງານຈາກມະຫາ​ວິທະຍາ​ໄລ​ແຫ່ງ​ຊາດ ແລະ ອັນ​ດັບ 4 ໄດ້ແກ່ຄລິບ​ຮູບ​ເງົາ​ວີ​ດີ​ໂອເລື່ອງ “ຂອບ​ໃຈ” ຜົນງານຈາກ​ໂຮງຮຽນ ຫ້ອມ​ສະຫວັນ ​ໄດ້​ຮັບ​ຂັນ​ລາງວັນໜຶ່ງໜ່ວຍ, ໃບ​ຢັ້ງຢືນ ພ້ອມ​ເງິນ​ສົດ 5 ​ແສ​ນກີບ.