ທລຍ ໃຊ້ງົບ 432 ຕື້ກີບພັດທະນາໂຄງລ່າງແກ້ໄຂຄວາມທຸກຍາກໄລຍະປີ 2017-2019

ທລຍ ໃຊ້ງົບ 432 ຕື້ກີບພັດທະນາໂຄງລ່າງແກ້ໄຂຄວາມທຸກຍາກໄລຍະປີ 2017-2019 - advert banner 728 90 728x90 - ທລຍ ໃຊ້ງົບ 432 ຕື້ກີບພັດທະນາໂຄງລ່າງແກ້ໄຂຄວາມທຸກຍາກໄລຍະປີ 2017-2019

ແຫລງຂ່າວ ຂປລ ລາຍງານວ່າ: ກອງ​ທຶນ​ຫລຸດ­ຜ່ອນ​ຄວາມ­ທຸກ​ຍາກ (ທລຍ) ໄດ້ໃຊ້ງົບ­ປະ­ມານ 54 ລ້ານ​ໂດ​ລາ​ສະ­ຫະລັດ, ປະ­ມານ 432 ຕື້​ກີບ ­ເຂົ້າໃນການຈັດ­ຕັ້ງ​ປະ­ຕິ­ບັດ​ວຽກ​ງານພັດທະນາພື້ນຖານໂຄງລ່າງ ແນໃສ່ແກ້ໄຂຄວາມທຸກຍາກຂອງປະຊາຊົນເຂດຊົນນະບົດຫ່າງໄກສອກຫລີກໃນໄລ­ຍະ 3 ປີ 2017-2019. ໃນນີ້, ໄດ້ຮັບການສົມທົບທຶນ​​ຈາກ​ລັດ­ຖະ­ບານ​ລາວ 6 ລ້ານ​ໂດ​ລາ​ສະ­ຫະ­ລັດ, ປະ­ມານ 48 ຕື້​ກີບ, ທຶນ​ກູ້​ຢືມ​ທະ­ນາຄານ​ໂລກ 30 ລ້ານ​ໂດ​ລາ​ສະ­ຫະ­ລັດ, ປະ­ມານ 240 ຕື້​ກີບ, ທຶນ​ຊ່ວຍ­ເຫລືອ​ລ້າ​ຈາກ​ອົງການ​ພັດ­ທະ­ນາ ແລະ ການ​ຮ່ວມ​ມື​ແຫ່ງ​ປະ­ເທດ​ສະ​ວິດ 18 ລ້ານ​ໂດ​ລາ​ສະຫະ­ລັດ, ປະມານ 144 ຕື້​ກີບ.

ທລຍ ໃຊ້ງົບ 432 ຕື້ກີບພັດທະນາໂຄງລ່າງແກ້ໄຂຄວາມທຸກຍາກໄລຍະປີ 2017-2019 - lattana 1 - ທລຍ ໃຊ້ງົບ 432 ຕື້ກີບພັດທະນາໂຄງລ່າງແກ້ໄຂຄວາມທຸກຍາກໄລຍະປີ 2017-2019

ຕາມບົດລາຍງານຂອງ ທລຍ ໃນການປະຕິບັດວຽກງານດັ່ງກ່າວໃນໄລຍະ 9 ເດືອນຂອງປີ 2018 ລະບຸວ່າ: ງົບປະມານດັ່ງກ່າວ, ໄດ້​ນຳໃຊ້ເຂົ້າໃນ​ການ​ປະ­ຕິ­ບັດ 4 ແຜນ​ວຽກ​ຫລັກຄື: ກໍ່­ສ້າງ​ພື້ນ­ຖານ​ໂຄງ​ລ່າງ​ທີ່​ຈຳ­ເປັນ​ໃນ​ວຽກ​ງານ​ສຶກ​ສາ, ສາ­ທາ­ລະ­ນະ​ສຸກ, ກະ­ສິ­ກຳ, ໂຍ­ທາ​ທິ​ການ ແລະ ຂົນ­ສົ່ງ, ພະ­ລັງ­ງານ ແລະ ການ​ວາງ​ແຜນ​ພັດ­ທະ­ນາ​ທ້ອງ­ຖິ່ນ, ລວມທັງການ​ສ້າງ​ຄວາມ​ເຂັ້ມ­ແຂງ​ໃຫ້​ອຳ­ນາດ​ການ​ປົກ­ຄອງ​ທ້ອງ­ຖິ່ນ ແລະ ຊຸມ​ຊົນ, ຄຸ້ມ​ຄອງ ແລະ ບໍ­ລິ­ຫານ​ໂຄງ­ການ, ປັບ­ປຸງ​ຊີ­ວິດ​ການ​ເປັນ​ຢູ່ ແລະ ໂພ­ຊະ​ນາ ການ ແນໃສ່​​ແກ້​ໄຂ​ຄວາມ­ທຸກ​ຍາກ ຕາມ​ຍຸດ​ທະ​ສາດ​ການ​ເຕີບ​ໂຕ ແລະ ລຶ­ບລ້າງ​ຄວາມ­ທຸກ​ຍາກ​ແຫ່ງ​ຊາດ ກໍຄືແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ລັດ​ ໃນ​ແຕ່​ລະ​ໄລ­ຍະ, ທລຍ ມີ­ໜ້າ​ທີ່ສ້າງ​ສິ່ງ​ອຳ­ນວຍ​ຄວາມ​ສະ­ດວກ​ດ້ານ​ພື້ນຖານ​ໂຄງ​ລ່າງ​ຊົນ­ນະ­ບົດຂະ­ໜາດ​ນ້ອຍ, ສົ່ງ­ເສີມ​ປະ­ຊາ­ຊົນ​ທີ່​ທຸກ​ຍາກ ໃຫ້​ເຂົ້າ​ເຖິງ​ການ​ບໍ­ລິ­ການ​ພື້ນ­ຖານຄ້ຳ­ປະ­ກັນ​ສະ­ບຽງ​ອາ­ຫານ, ການ​ຜະ­ລິດ​ເປັນ​ສິນ­ຄ້າ, ສ້າງ​ລາຍ​ຮັບ​ເຂົ້າ​ຄອບ­ຄົວ ລວມ​ທັງ​ການ​ສ້າງ​ຄວາມ​ເຂັ້ມ­ແຂງ​ໃຫ້​ອົງ­ການ​ປົກ­ຄອງ​ທ້ອງ­ຖິ່ນ ແລະ ປະ­ຊາ­ຊົນຕາມ​ທິດ​ເພິ່ງ​ຕົນ​ເອງ, ກຸ້ມ​ຕົນ​ເອງ ແລະ ສ້າງ​ຄວາມ​ເຂັ້ມ­ແຂງ​ດ້ວຍ​ຕົນ​ເອງ​ເທື່ອ​ລະ​ກ້າວ.