L-JATS ຢືນຢັນໃຫ້ບໍລິການຜູ້ໂດຍສານດ້ວຍຄວາມວ່ອງໄວ

l-jats ຢືນຢັນໃຫ້ບໍລິການຜູ້ໂດຍສານດ້ວຍຄວາມວ່ອງໄວ - advert banner 728 90 728x90 - L-JATS ຢືນຢັນໃຫ້ບໍລິການຜູ້ໂດຍສານດ້ວຍຄວາມວ່ອງໄວ

ທ່ານ ຄໍາສະຫວັນ ພົມມະຈັນ ຜູ້ອໍານວຍການບໍລິສັດລາວ-ຍີປຸ່ນບໍລິການອາຄານສະໜາມບີນຈໍາກັດ L-JATS ໄດ້ໃຫ້ສໍາພາດຕໍ່ນັກຂ່າວໜັງສືພີມລາວພັດທະນາເມື່ອບໍ່ດົນນີ້, ກ່ຽວກັບຂອດບໍລິຫານ ແລະ ການບໍລິການພາກພື້ນດິນຢູ່ໃນອາຄານສະໜາມບີນສາກົນວັດໄຕ, ໂດຍສະເພາະສາຍການບິນຕ່າງປະເທດ, ໂດຍຢືນຢັນວ່າໃນຜ່ານມາໄດ້ເນັ້ນໃຫ້ພະນັກງານເອົາໃຈໃສ່ບໍລິການຜູ້ໂດຍສານດ້ວຍຄວາມວ່ອງໄວຕາມມາດຕະຖານສາກົນ.

l-jats ຢືນຢັນໃຫ້ບໍລິການຜູ້ໂດຍສານດ້ວຍຄວາມວ່ອງໄວ - lattana 1 - L-JATS ຢືນຢັນໃຫ້ບໍລິການຜູ້ໂດຍສານດ້ວຍຄວາມວ່ອງໄວ

ທ່ານ ຄໍາສະຫວັນ ກ່າວວ່າ: L-JATS ເປັນບໍລິສັດຮ່ວມທຶນລະຫວ່າງລັດຖະບານລາວ 70% ແລະ ຍີປຸ່ນ 30%, ສ້າງຕັ້ງຂຶ້ນນັບແຕ່ປີ 1998 ເປັນຕົ້ນມາເພື່ອດໍາເນີນທຸລະກິດບໍລິການພາກພື້ນດິນໃຫ້ແກ່ສາຍການບີນຕ່າງປະເທດໃນສະໜາມບິນສາກົນວັດໄຕນະຄອນຫລວງວຽງຈັນ ເປັນຕົ້ນ: ລະບົບບໍລິຫານຈັດການໃນອາຄານຜູ້ໂດຍສານ, ບໍລິການຂົນເຄື່ອງ ແລະ ຊໍາພາລະຕ່າງໆຂຶ້ນ-ລົງ ເຮືອບີນ, ກວດກາສີນຄ້າ, ຜູ້ໂດຍສານ ເພື່ອຄວາມປອດໄພ, ບໍລິການຈັດສັນບ່ອນຝາກລົດ ແລະ ອື່ນໆ ຕາມມາດຕະຖານສາກົນໄດ້ກໍານົດ, ໂດຍສະເພາະວຽກງານຂົນເຄື່ອງ ແລະ ຊໍາພາລະຕ່າງໆ ຂອງຜູ້ໂດຍສານຂຶ້ນ-ລົງ ຍົນແຕ່ລະທ້ຽວຕ້ອງຮັບປະກັນຄວາມວ່ອງໄວທັນຕາມກໍານົດເວລາ ແລະ ຮັບປະກັນຄວາມປອດໄພ. ຈາກການເອົາໃຈໃສ່ປະຕິບັດຕາມຫລັກການບໍລິການດັ່ງກ່າວ ຈຶ່ງເຮັດໃຫ້ບໍລິສັດໄດ້ຄ່ອຍໆເຕີບໃຫຍ່ຂະຫຍາຍຕົວຂຶ້ນເປັນກ້າວໆ ນັບທັງດ້ານກົນຈັກ-ພາຫະນະ, ອຸປະກອນ ແລະ ບຸກຄະລາກອນ. ປັດຈຸບັນໄດ້ມີ 16 ສາຍການບີນຕ່າງປະເທດໃຫ້ຄວາມເຊື່ອໝັ້ນໃຊ້ບໍລິການຂອງ L-JATS ຢູ່ສະໜາມບິນສາກົນແຫ່ງນີ້ ແລະ ນັບແຕ່ປີເລີ່ມຕົ້ນມາຮອດປັດຈຸບັນ, ບໍລິສັດພວກເຮົາໄດ້ມອບພັນທະຕ່າງໆໃຫ້ລັດຖະບານລວມແລ້ວຫລາຍກວ່າ 700 ຕື້ກີບ.

ທ່ານ ຄໍາສະຫວັນ ກ່າວວ່າ: ໃນຕໍ່ໜ້ານີ້, ຍັງຈະໄດ້ປັບປຸງການບໍລິການໃຫ້ດີ ແລະ ທັນສະໄໝກວ່າເກົ່າ, ໂດຍສະເພາະສ້າງສິ່ງອໍານວຍຄວາມສະດວກໃຫ້ຜູ້ໂດຍສານ ເປັນຕົ້ນ: ຕິດຕັ້ງເຄື່ອງບໍລິການນໍ້າດື່ມບໍ່ເສຍຄ່າ, ເພີ່ມຈຸດປັກສຽບໄຟ, ຊື້ພາຫະນະລາກແກ່ເຂົ້າມາເສີມບໍລິການຕື່ມອີກຈໍານວນໜຶ່ງ. ສະນັ້ນ ຈຶ່ງຂໍໃຫ້ຜູ້ໂດຍສານເຊື່ອໝັ້ນໄດ້ວ່າການບໍລິການຂອງພວກເຮົາແມ່ນມີຄວາມວ່ອງໄວ ແລະ ໄດ້ມາດຕະຖານສາກົນ.