9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ

9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ - advert banner 728 90 728x90 - 9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ

9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ - ceremony - 9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ

9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ - lattana 1 - 9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ

ປັດຈຸບັນນີ້, ຫຼາຍຄົນກໍຈະຮູ້ດີຕໍ່ຊື່ສຽງຮຽງນາມຂອງ ບໍລິສັດ ດວງພະສຸກ ກໍ່ສ້າງ-ສ້ອມ ແປງເຄຫາສະຖານ-ຂົວທາງ ແລະ ຊົນລະປະທານ ຈໍາກັດຜູ້ດຽວ ພາຍຫຼັງໄດ້ຮັບການສ້າງຕັ້ງຂຶ້ນໃນປີ 2009 ມີສໍານັກງານໃຫຍ່ຕັ້ງຢູ່ນະຄອນຫຼວງວຽງຈັນ ແລະ ໄດ້ຂະຫຍາຍສາຂາໄປ 3 ແຂວງ ຄື: ສາຂາ 1 ອັດຕະປື, ສາ ຂາ 2 ຫຼວງພະບາງ ແລະ  ສາຂາ 3 ຢູ່ແຂວງຫົວພັນ ຊຶ່ງຫາກໍໄດ້ເປີດຂຶ້ນຢ່າງມາດໆ ໃນວັນທີ 19 ຕຸລາ 2018 ນີ້ ແລະ ນັບມື້ຈະເຮັດໃຫ້ບໍລິສັດເຕີບໃຫຍາຂະຫຍາຍຕົວຂຶ້ນຢ່າງບໍ່ຢຸດຢັ້ງ. ດັ່ງການເປີດເຜີຍຂອງ ທ່ານ ຄໍາຫຼ້າ ດວງພະສຸກ ຜູ້ອໍານວຍການໃຫຍ່ ບໍລິສັດ ດັ່ງກ່າວໃຫ້ຮູ້ວ່າ: ຕະຫຼອດໄລຍະເວລາ 9 ຜ່ານມາ, ບໍລິສັດ ຂອງຕົນໄດ້ປະກອບສ່ວນຢ່າງຕັ້ງໜ້າເຂົ້າໃນການສ້າງສາພັດທະນາເສດຖະກິດ-ສັງຄົມ ຂອງຊາດ ແລະ ໄດ້ຮັບຄວາມໄວ້ເນື້ອເຊື່ອໃຈຈາກລັດຖະບານ ຊຶ່ງໄດ້ເຂົ້າຮັບເໝົາໂຄງການມາແລ້ວເກືອບ 40 ໂຄງການ, ໃນນັ້ນ, ມີໂຄງການຂະໜາດນ້ອຍ, ກາງ ແລະ ໃຫຍ່ ຄື: ໂຄງການກໍ່ສ້າງອະນຸສອນສະຖານຮູບປັ້ນທ່ານຜູ້ນໍາຢູ່ແຂວງຫົວພັນ, ໄຊຍະບູລີ, ອັດຕະປື, ເມືອງສັງທອງ ນະຄອນຫຼວງວຽງຈັນ ແລະ ໂຄງການກໍ່ສ້າງອະນຸສອນສະຖານຮູບປັ້ນທ່ານຜູ້ນໍາບັ້ນຮົບນໍ້າບາກ ທີ່ແຂວງຫຼວງພະບາງ, ເພື່ອເປັນທີ່ລະນຶກ ແລະ ຮູ້ບຸນຄຸນຜູ້ ນໍາຮຸ້ນກ່ອນທີ່ເພິ່ນໄດ້ອຸທິດຕົນ ເພື່ອພາລະກິດການປະຕິວັດ ແລະ ນໍາພາການປະຕິບັດພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດໄດ້ເຕີບໃຫຍ່ເຂັ້ມແຂງມາເທົ່າທຸກວັນນີ້ ແລະ ເພື່ອໃຫ້ຄົນຮຸ້ນໃໝ່ໄດ້ສືບທອດ ແລະ ຮໍ່າຮຽນເອົາຄຸນສົມບັດ, ສິນທໍາປະຕິວັດອັນດີເລີດຂອງເພິ່ນ ແລະ ໂຄງການສໍາຄັນອື່ນໆ, ຜົນງານ ແລະ ຜົນສໍາເລັດດັ່ງກ່າວ ເປັນພຽງຂັ້ນຕົ້ນ, ໃນປັດຈຸບັນ ບໍລິສັດ ມີສັບສົມບັດຄົງທີ່ ປະມານ 50 ຕື້ກີບ (ຄວາມໝັ້ນຄົງ ຂອງບໍລິສັດ). ນອກຈາກການເຮັດສໍາເລັດວຽກງານຕ່າງໆຂອງຕົນແລ້ວ, ບໍລິສັດຍັງໄດ້ປະກອບສ່ວນຊ່ວຍເຫຼືອສັງຄົມໄດ້ ເປັນຈໍານວນຫຼວງຕາມເງື່ອນໄຂ ແລະ ຄວາມສາມາດທີ່ບໍລິສັດມີຢູ່ ຊຶ່ງມາຮອດປັດຈຸບັນຕົວເລກການຊ່ວຍເຫຼືອດັ່ງກ່າວມີເກືອບ 4 ຕື້ກີບ, ພ້ອມນີ້, ບໍລິສັດ ຍັງໄດ້ປະກອບຂຽນບົດຕ່າງໆ ເພື່ອປະກອບໃຫ້ບັນດາກະຊວງ, ອົງການເປັນຕົ້ນແມ່ນຂຽນບົດໃຫ້ສູນ ກາງແນວລາວສ້າງຊາດ ກ່ຽວກັບບົດບາດສໍາຄັນຂອງແນວລາວສ້າງຊາດໃນໄລຍະໃໝ່ຕໍ່ການພັດທະນາ, ສູນກາງສະຫະພັນກໍາມະບານລາວກ່ຽວກັບການເຊີດຊູນໍ້າໃຈກໍາມະບານ ຫຼືວ່າກໍາມະບານຕໍ່ການພັດທະ ນາເສດຖະກິດ-ສັງຄົມ ໃນໄລຍະໃໝ່, ຂຽນບົດປະກອບໃສ່ບັນດາບຸນສໍາຄັນຕ່າງໆ ໂດຍສະເພາະວັນສະຖາປະນາ ສປປ ລາວ ຄົບຮອບ 40 ປີ ໃນນາມມຸມມອງຂອງນັກທຸລະກິດຕໍ່ກັບແນວທາງນະໂຍບາຍຂອງພັກ-ລັດ ແລະ ບົດອື່ນໆອີກ.

9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ - faf67450 42a1 4cd0 85d3 baabb8491ee6 - 9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ

 

ທ່ານຜູ້ອໍານວຍການ ບໍລິສັດ ດັ່ງກ່າວ ໄດ້ກ່າວຕື່ມວ່າ: ຍ້ອນຜົນງານ  ແລະ ຄຸນງາມຄວາມດີຂອງບໍລິສັດ ຈຶ່ງໄດ້ຮັບຄວາມໄວ້ວາງໃຈຈາກການນໍາພັກ-ລັດຕະຫຼອດມາ ແລະ ໄດ້ຮັບການຍ້ອງຍໍຊົມເຊີຍ ແລະ ປະດັບຫຼຽນ ໄຊຕ່າງໆ 115 ຄັ້ງ. ຜົນສໍາເລັດ ອັນໃຫຍ່ຫຼວງດັ່ງກ່າວນີ້ ໄດ້ມາກໍຍ້ອນຄວາມພະຍາຍາມສຸມໃສ່ ເຮັດໜ້າທີ່ວຽກງານຂອງຕົນດ້ວຍຄວາມຮັບຜິດຊອບ ແລະ ສິງສໍາຄັນກວ່ານັ້ນກໍຍ້ອນໄດ້ຮັບ ການຊື້ນໍາ-ນໍາພາຢ່າງໃກ້ຊິດຕິດແທດ ແລະ ເບິ່ງແຍງຊ່ວຍເຫຼືອຈາກອົງການຈັດຕັ້ງພັກ-ລັດ ແລະ ອໍານາດການປົກຄອງທ້ອງຖິ່ນໂດຍດີຕະຫຼອດມາ.

ທ່ານ ຄໍາຫຼ້າ ໃຫ້ຮູ້ອີກວ່າ: ປັດຈຸບັນທາງບໍລິສັດໄດ້ສຸມໃສ່ວຽກກໍ່ສ້າງພື້ນຖານໂຄງລ່າງທີ່ລັດຖະບານມອບໝາຍໃຫ້ເປັນຕົ້ນແມ່ນ ໂຄງການກໍ່ສ້າງຫໍພິພິທະພັນມູນເຊື້ອກອງຮ້ອຍລາດສະວົງ ສະໄໝຜູ້ນໍາ 25 ທ່ານ ຢູ່ເມືອງຊຽງຄໍ້ ແຂວງຫົວພັນ, ໂຄງການກໍ່ສ້າງອະນຸສອນສະຖານສີທອງ ນັກຮົບວິລະຊົນ ແຫ່ງຊາດລາວຢູ່ເມືອງສັງທອງ ນະຄອນຫຼວງວຽງຈັນ, ພ້ອມນີ້, ຍັງໄດ້ສໍາຫຼວດ ແລະ ສຶກສາຄວາມເປັນໄປໄດ້ກ່ຽວກັບການກໍ່ສ້າງອານຸສອນສະຖານບັ້ນຮົບນໍ້າບາກ ແລະ ບັ້ນຮົບໄມ້ຄ້ອນ ຢູ່ແຂວງຫຼວງພະບາງອີກດ້ວຍ.

9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ - New building - 9 ປີແຫ່ງການເຕີບໃຫຍ່ຂະຫຍາຍຕົວຂອງບໍລິສັດ ດວງພະສຸກ ກໍ່ສ້າງ-ສ້ອມແປງເຄຫາສະຖານ

ແລະໃນຕໍ່ໜ້າທາງບໍລິສັດຈະຂະຫຍາຍສາຂາ ແລະ ປັບປຸງບຸກຄະລາກອນຂອງບໍລິສັດ ໃຫ້ມີມາດຕະຖານດີຂຶ້ນກວ່າເກົ່າ ດ້ວຍການເອົາໃຈໃສ່ຖອດຖອນບົດຮຽນຈາກບໍລິສັດທີ່ມີບົດຮຽນ ແລະ ມີປະສົບການມາກ່ອນ ແລະ ປະຕິບັດຕາມແນວມາງນະໂຍບາຍຂອງພັກ ແລະ ລັດຖະບານວາງອອກໃຫ້ມີປະສິດທິຜົນ ເພື່ອ ສ້າງບໍລິສັດຂອງຕົນໃຫ້ນັບມື້ຂະຫຍາຍຕົວຍິ່ງໆຂຶ້ນ.