ແຟນເລສເຕີອາໄລປະທານສະໂມສອນ

ແຟນເລສເຕີອາໄລປະທານສະໂມສອນ - advert banner 728 90 728x90 - ແຟນເລສເຕີອາໄລປະທານສະໂມສອນ

​ແຟນບານ​ສະ​ໂມ​ສອນ ​ເລ​ສ​ເຕີ ຊິ​ຕີ້ ​ເອົາ​ດອກ​​ໄມ້, ຜ້າພັນ​ຄໍ ​ແລະ ​ເສື້ອທີ​ມ​ໄປ​ວາງ​ໄວ້ໜ້າ​ສະໜາມ​ຄິງ ພາວ​ເວີ ສະ​ເຕດ້ຽມ ​ໄວ້ອາ​ໄລ​ໃຫ້​ແກ່​ທ່ານ ວິ​ໄຊ ສີ​ວັດທະນະ​ປະພາ ປະທານ​ສະ​ໂມ​ສອນ ທີ່​ເສຍ​ຊີວິດ​ເພາະ​ເຮ​ລິ​ກົບ​ແຕຕົກ​ໃກ້​ສະໜາມ​ໃນ​ວັນ​ທີ 27 ຕຸລາ.

ແຟນເລສເຕີອາໄລປະທານສະໂມສອນ - lattana 1 - ແຟນເລສເຕີອາໄລປະທານສະໂມສອນ

ແຟນເລສເຕີອາໄລປະທານສະໂມສອນ - 1540777076994 960x0 - ແຟນເລສເຕີອາໄລປະທານສະໂມສອນ

​ແຟນສະ​ໂມ​ສອນ​ຍັງ​ຫລັ່ງ​ໄຫລ​ມາສະ​ແດງ​ຄວາມ​ເສຍ​ໃຈ ​ແລະ ຂອບ​ໃຈ​ທ່ານ ວິ​ໄຊ ນັບ​ແຕ່​ຍັງ​ບໍ່​ມີ​ການ​ຢືນຢັນຂ່າວ​ການ​ເສຍ​ຊີວິດ​ຈົນກະທັ້ງມີ​ການ​ຢືນຢັນ​ແລ້ວ. ຜູ້ຍິງ​ຄົນ​ໜຶ່ງ​ເອົາ​ຊໍ່​ດອກ​ໄມ້​ສີຟ້າ​ຂາວ ​ເຊິ່ງ​ເປັນ​ສີ​ຂອງ​ສະ​ໂມ​ສອນ​ມາ​ວາງ​ອາ​ໄລ. ​ແຟນສະ​ໂມ​ສອນ​ໄວ 55 ປີ ກ່າວ​ວ່າ: ທ່ານ ວິ​ໄຊ ​ເຮັດ​ໃຫ້​ ​ເລ​ສ​ເຕີ ​ເປັນ​ທີ່​ຮູ້ຈັກ ບໍ່​​ແມ່ນ​ສະ​ໂມ​ສອນ​ນ້ອຍໆ​ອີກ​ຕໍ່​ໄປ. ​ແ​ຟນສະ​ໂມ​ສອນ​ໄວ 68 ປີ ກ່າວ​ວ່າ: ​ເປັນ​ແຟນ​ ​ເລ​ສ​ເຕີ ມາກ​ວ່າ 60 ປີ, ທ່ານ ວິ​ໄຊ ​ເປັນ​ເຈົ້າຂອງ​ສະ​ໂມ​ສອນ​ທີ່​ດີ​ທີ່​ສຸດ​ເທົ່າ​ທີ່​ເຄີຍ​ມີ​ມາ.

​ແຟນສະ​ໂມ​ສອນ​ທີ່​ມາ​ໄວ້ອາ​ໄລ​ເປັນ​ຄົນ​ທຳ​ອິດ ພ້ອມ​ຜ້າພັນ​ຄໍ​ຄຳ​ວ່າ ​ແຊມ​ປ້ຽນ ກ່າວ​ວ່າ: ບໍ່​ຮູ້​ຄື​ກັນ​ວ່າ​ຈະ​ເກີດ​ຫຍັງ​ຂຶ້ນຫລັງ​ຈາກ​ສະ​ໂມ​ສອນ​ສູນ​ເສຍ​ປະທານ​ໄວ 60 ປີ​ຄົນ​ນີ້ ​ເພາະ​ທ່ານ​ໄດ້​ເຮັດ​ຫລາຍ​ຢ່າງ​ນັບ​ແຕ່​ຊື້ສະ​ໂມ​ສອນ​ໃນ​ປີ 2010. ​ແຟນອີກ​ຄົນ​ກ່າວ​ວ່າ: ​ເຊື່ອ​ວ່າ​ແຟນ ​ເລ​ສ​ເຕີ ທົ່ວ​ໂລກ​ຮູ້ສຶກ​ສູນ​ເສຍ​ຄື​ກັນ ​ເພາະ​ທ່ານ​ມີ​ຄວາມ​ໝາຍ​ຕໍ່​ສະ​ໂມ​ສອນ​ຢ່າງ​ຍິ່ງ.