ຊາວເມັກຊິກລົງປະຊາມະຕິ ບໍ່ເອົາສະໜາມບິນໃໝ່

ຊາວເມັກຊິກລົງປະຊາມະຕິ ບໍ່ເອົາສະໜາມບິນໃໝ່ - advert banner 728 90 728x90 - ຊາວເມັກຊິກລົງປະຊາມະຕິ ບໍ່ເອົາສະໜາມບິນໃໝ່

ຊາວ​ເມັກ​ຊິກ​ລົງ​ປະຊາ​ມະຕິ​ໃຫ້​ຢຸດ​ການ​ກໍ່ສ້າງ​ສະໜາມ​ບິນ​ແຫ່ງ​ໃໝ່ ​ແລະ ​ເຫັນ​ວ່າ​ຄວນ​ປັບປຸງ​ສະໜາມ​ບິນທະ​ຫານ​ມາ​ໃຊ້​ຫລາຍ​ກວ່າ.

ຊາວເມັກຊິກລົງປະຊາມະຕິ ບໍ່ເອົາສະໜາມບິນໃໝ່ - lattana 1 - ຊາວເມັກຊິກລົງປະຊາມະຕິ ບໍ່ເອົາສະໜາມບິນໃໝ່

ປະທານ​ມູນ​ນິທິ​ທີ່​ຮັບຜິດຊອບ​ການ​ນັບ​ຄະ​ແນນ​​ແຈ້ງ​ຜົນ​ຄະນະ​ທີ່​ນັບ​ເກືອບ​ຄົບ​ແລ້ວ​ວ່າ: ຜູ້​ລົງ​ປະຊາ​ມະຕິ 747.000 ຄົນ ຫລື ປະມານ 69% ຂອງ​ຜູ້​ໃຊ້​ສິດ​ທັງ​ໝົດ ສະ​ໜັບສະ​ໜູນ​ໃຫ້​ປັບປຸງ​ສະໜາມ​ບິນທະ​ຫານ​ຊັນ​ຕາ​ລູຊີ ລັດ​​ເມັກ​ຊິກ ​ເຊິ່ງຈະ​ຄວບ​ຄຸມ​ເຖິງ​ການ​ປັບປຸງ​ສະໜາມ​ບິນ​ສາກົນ​ເມັກ​ຊິກ​ຊິ​ຕີ້​ໃຫ້​ໃຊ້​ງານ​ຢູ່​ໃນ​ປັດຈຸບັນ ​ແລະ ສະໜາມ​ບິນ​ສາກົນ​ໂຕ​ລູກາ ​ໃກ້​ສະໜາມ​ທະຫານ ທີ່​ເຫລືອ​ສະໜັບສະໜູນ​ໃຫ້​ເດີນ​ໜ້າ​ສ້າງ​ສະໜາມ​ບິນ​ແ​ຫ່ງ​ໃໝ່ ​ແລະ ​ຍົກ​ເລີກ​ໃຊ້​ສະໜາມ​ບິນ​ສາກົນ​ເມັກ​ຊິກ​ທີ່​ເກົ່າ​ແກ່ ​ແລະ ມີ​ຄົນ​ໃຊ້​ງານ​ໜາ​ແໜ້ນ​ເກືອບ 45 ລ້ານ​ຄົນ​ຕໍ່​ປີ.

ທ່ານ ອັນ​ເດສ ມາ​ນູ​ເອລ ​ໂລ​ເປ​ຊ ທີ່​ຈະ​ຮັບ​ຕຳ​ແໜ່​ງປະທານາທິບໍດີ​ເມັກ​ຊິກ ​ໃນ​ວັນ​ທີ 1 ທັນວາ​ນີ້ ຂູ່​ຈະລົ້ມ​ໂຄງການ​ສ້າງ​ສະໜາມ​ບິນ​ແຫ່ງ​ໃໝ່ ​ໂດຍ​ອ້າງ​ວ່າ​ເປືອງ​ພາສີ​ປະຊາຊົນ, ຕ້ອງ​ໃຊ້​ງົບປະມານ​ກໍ່ສ້າງ​ບໍ່​ໜ້ອຍ​ກວ່າ 13.000 ລ້ານ​ໂດ​ລາ​ສະຫະລັດ. ອີກ​ທັງ​ຍັງ​ມີ​ຜົນ​ກະທົບ​ດ້ານ​ສິ່ງ​ແວດ​ລ້ອມ ​ແລະ ມີ​ຂ່າວ​ທຸ​ຈະລິດ. ລັດຖະບານ​ປະທານາທິບໍດີ ​ເອນຣີ​ເກ ​ເປນຢາ ນີ​ໂຕ ຊຸດ​ປັດຈຸບັນ​ອະນຸມັດ​ໂຄງການ​ນີ້​ໂດຍ​ໃຫ້​ເຫດຜົນ​ວ່າ: ຈະ​ເຮັດ​ໃຫ້​ເກີດ​ການ​ຈ້າງ​ວຽກ​ສູງ​ເຖິງ 450.000 ຕຳ​ແໜ່​ງ ​ແລະ ຈະ​ຮອງ​ຮັບ​ຜູ້​ໂດຍສານ​ໄດ້​ສູງ​ເຖິງ 125.000 ລ້ານ​ຄົນ​ຕໍ່​ປີ ​ເມື່ອ​ເປີດ​ໃຊ້​ງານ.

ວົງ​ການ​ທຸລະ​ກິດ​ຊີ້​ວ່າ: ​ເມັກ​ຊິກ​ຈຳ​ເປັນ​ຕ້ອງ​ມີ​ສະໜາມ​ບິນ​ແຫ່ງ​ໃໝ່ ​ເພື່ອ​ບັນ​ເທົາ​ຄວາມ​ແອ​ອັດ​ຂອງ​ສະໜາມ​ບິນ​ປັດຈຸບັນ​ທີ່​ເຕັມ​ຂີດ​ຄວາມ​ສາມາດ​ແລ້ວ. ທ່ານ ກາລອສ ສາລິ​ມ ມະຫາ​ເສດຖະກິດ​ຜູ້​ລົງທຶນ​ຫລັກ​ໃນ​ສະໜາມ​ບິນ​ແຫ່ງ​ໃໝ່ ​ເຕືອນ​ໃນ​ເດືອນ​ເມສາ​ວ່າ: ການຍົກ​ເລີກ​ສະໜາມ​ບິນ​ໃໝ່​ເທົ່າ​ກັບ​ຍົກ​ເລີກ​ການ​ຂະຫຍາຍຕົວ​ທາງ​ເສດຖະກິດ​ຂອງ​ປະ​ເທດ. ຂະນະ​ທີ່​ອົງການ​ການບິນ​ພົນລະ​ເຮືອນ​ສາກົນ (ICAI) ສະໜັບສະໜູນ​ໃຫ້​ສ້າງ​ສະໜາມ​ບິນ​ໃໝ່ ​ເຊິ່ງຕັ້ງຢູ່​ທາງ​ຕາ​ເວັນ​ອອກສຽງ​ເໜືອ​ຂອງ​ນະຄອນຫລວງ​ເມັກ​ຊິກ. ​ເຖິງ​ຢ່າງ​ໃດ​ກໍ​ດີ, ວ່າ​ທີ່​ຜູ້ນຳ​ເມັກ​ຊິກ​ໄວ 64 ປີ ຢືນຢັນ​ຫລັງ​ຫາລື​ກັບ​ຂະ​ແໜງ​ທຸລະ​ກິດ​ເປັນ​ເວລາ 4 ວັນ​ວ່າ: ຄວບ​ປັບປຸງ​ສະໜາມ​ບິນທະ​ຫານ​ທີ່ຢູ່​ທາງ​ໃຕ້​ຂອງ​ເມືອງ​ຫລວງຫລາຍ​ກວ່າ.