ອີຣານປັບຄະນະລັດຖະບານຮັບມື ການຂວ້ຳບາດນ້ຳມັນຈາກອາເມລິກາ

ອີຣານປັບຄະນະລັດຖະບານຮັບມື ການຂວ້ຳບາດນ້ຳມັນຈາກອາເມລິກາ - advert banner 728 90 728x90 - ອີຣານປັບຄະນະລັດຖະບານຮັບມື ການຂວ້ຳບາດນ້ຳມັນຈາກອາເມລິກາ

ປະທານາທິບໍດີ ​ໂຣຮາ​ນີ ຂອງ​ອີຣານ ຊີ້​ວ່າ: ອາ​ເມ​ລິ​ກາ ກຳລັງ​ຖືກ​ໂດດດ່ຽວ​ຈາກ​ປະຊາ​ຄົມ​ໂລກ ກໍລະນີ​ລົງ​ໂທດ​ອີຣານຢ່າງ​ບໍ່​ເປັນ​ທຳ.

ອີຣານປັບຄະນະລັດຖະບານຮັບມື ການຂວ້ຳບາດນ້ຳມັນຈາກອາເມລິກາ - lattana 1 - ອີຣານປັບຄະນະລັດຖະບານຮັບມື ການຂວ້ຳບາດນ້ຳມັນຈາກອາເມລິກາ

ປະທານາທິບໍດີ ຮັສຊັນ ​ໂຣຮາ​ນີ ຂອງ​ອີຣານ ກຳລັງ​ຫາລື​​ໃນ​ກອງ​ປະຊຸມ​ລັດຖະສະພາ ກ່ຽວ​ກັບ​ການ​ປັບ​ຄະນະ​ລັດຖະບານ ​ເຊິ່ງລວມທັງ​ລັດຖະມົນຕີ​ວ່າການ​ກະຊວງ​ເສດຖະກິດ​ຄົນ​ໃໝ່ ​ໂດຍ​ຄາດ​ວ່າ​ທ່ານ ຟາ​ຮັດ ​ເດ​ປາ​ຊັນ ນັກວິຊາການ​ທີ່​ມີ​ຄວາມ​ສາມາດ ​ແລະ ລັດຖະມົນຕີ​ກ່ຽວຂ້ອງ​ໃນ​ດ້ານ​ເສດຖະກິດ​ອີກ 3 ຄົນ​ຈະ​ໄດ້​ຮັບ​ການ​ແຕ່ງຕັ້ງ​ໃຫ້​ເຂົ້າມາ​ບໍລິຫານ​ເສດຖະກິດ​ຂອງ​ປະ​ເທດ​ໃນ​ໄລຍະ​ທີ່​ອີຣານກຳລັງ​ຖືກ​ຂວ້ຳບາດນ້ຳມັນ​ຢ່າງ​ເຕັມ​ຮູບ​ແບບ​ຈາກ​ອາ​ເມ​ລິ​ກາ ວັນ​ທີ 4 ພະຈິກ​ນີ້.

ທັງ​ນີ້, ​ເສດຖະກິດ​ຂອງ​ອີຣານຢຸດ​ສະ​ງັກ​ໃນ​​ໄລຍະ​ປີຜ່ານມາ ​ເນື່ອງ​ຈາກ​ອັດຕາ​ເງິນ​ເຟີ້​ເພີ່ມ​ສູງ​ຂຶ້ນ, ກາ​ນວ່າງ​ວຽກ​ເພີ່ມ​ຂຶ້ນຢ່າງ​ຕໍ່​ເນື່ອງ, ການ​ຫລຸດ​ລົງ​ຂອງ​ຄ່າ​ເງິນຣິອັລ ​ແລະ ບັນຫາ​ການ​ສໍ້​ລາດ​ບັງ​ຫລວງ​ໃນ​ໜ່ວຍ​ງານ​ລັດ.

ປະທານາທິບໍດີ ​ໂຣຮາ​ນີ ກ່າວ​ວ່າ: ອາ​ເມ​ລິ​ກາ​ກຳລັງ​ຖືກ​ໂດດດ່ຽວ​ທ່າມກາງ​ພັນທະ​ມິດ​ເກົ່າ​ແກ່​ໃນ​ການ​ຜະ​ເຊີນ​ກັບ​ອີຣານ ​ແລະ ​ກະທັ້ງ​ເອີຣົບ​​ໄດ້​ຫັນ​ມາ​ຢູ່​ຄຽງ​ຂ້າງ​ອີຣານຕໍ່ສູ້​ກັບ​ການ​ຂວ້ຳບາດ​ຄັ້ງ​ໃໝ່​ຂອງ​ອາ​ເມ​ລິ​ກາ.

ອາ​ເມ​ລິ​ກາ​ເລີ່​ມ​ໃຊ້​ມາດ​ຕະການ​ຂວ້ຳບາດ​ຄັ້ງ​ໃໝ່​ກັບ​ອີຣານ ທັງ​ໃນ​ສ່ວນ​ຂອງ​ການ​ແລກປ່ຽນ​ຄ່າ​ເງິນ, ຂະ​ແໜງ​ໂລຫະ ​ແລະ ລົດຍົນ ນັບ​ແຕ່​ເດືອນ​ສິງຫາ ຫລັງ​ຈາກ​ອາ​ເມ​ລິ​ກາ​ປະກາດ​ຖອນ​ຕົວ​ຈາກ​ຂໍ້​ຕົກລົງ​ພະຫຸ​ພາຄີ​ດ້ານ​ອາວຸດ​ນິວ​ເຄຼຍປີ 2015.