ອອກພັນສາລາພະເຈົ້າໃຫ້ຫັນຫ້າວສູ່ງານ

ອອກພັນສາລາພະເຈົ້າໃຫ້ຫັນຫ້າວສູ່ງານ - advert banner 728 90 728x90 - ອອກພັນສາລາພະເຈົ້າໃຫ້ຫັນຫ້າວສູ່ງານ

 ໂດຍ: ທິດກຳ່    

ອອກພັນສາລາພະເຈົ້າໃຫ້ຫັນຫ້າວສູ່ງານ - lattana 1 - ອອກພັນສາລາພະເຈົ້າໃຫ້ຫັນຫ້າວສູ່ງານ

ເວົ້າໄດ້ວ່າໃນທົ່ວປະເທດ ການເຮັດບຸນອອກພັນສາປະວໍ ລະນາປະຈຳປີ ພສ 2561 ກໍ ໄດ້ສຳເລັດເສັດສິ້ນລົງດ້ວຍ ຄວາມສະຫງົບປອດໄພ ແລະ ມ່ວນຊື່ນຄຶກຄື້ນທີ່ສຸດ, ເທົ່າທີ່ ທິດກ່ຳ ໄດ້ຕິດຕາມຂ່າວ ຄາວ ກ່ຽວກັບສະພາບບັນຍາກາດ ບຸນອອກພັນສາຕິດພັນກັບ ການຊ່ວງເຮືອໃນຫລາຍເຂດ ແຂວງ, ປີນີ້ເຫັນວ່າຍິ່ງໃຫຍ່ ອາລັງການຄຶກຄື້ນມ່ວນຊື່ນ ແລະ ເປັນໄປຕາມແຜນການ ຂອງແຕ່ລະແຂວງໄດ້ຄາດ ໝາຍເອົາໄວ້, ຖືວ່າການເຮັດ ບຸນອອກພັນສາປະວໍລະນາ ແລະ ການຊ່ວງເຮືອປີນີ້ມັນກໍນອນ ຢູ່ໃນກິດຈະກຳປີທ່ອງທ່ຽວ ລາວປະຈຳປີ 2018.

 

ອອກພັນສາລາພະເຈົ້າໃຫ້ຫັນຫ້າວສູ່ງານ - 33622114985 - ອອກພັນສາລາພະເຈົ້າໃຫ້ຫັນຫ້າວສູ່ງານ

ອອກພັນສາທ່າວັດຈັນກັບຕຳນານປະຫວັດສາດ2018/

ອອກພັນສາແລ້ວໄດ້ກິນເຂົ້າໃໝ່ປາມັນ2018/

ນອກຈາກນັ້ນ, ເຮົາຍັງເຫັນ ວ່າ ບຸນດັ່ງກ່າວນີ້ຍັງເປັນການ ເປີດສາກໃຫ້ແກ່ຂະບວນການ ແລະ ກິດຈະການອື່ນໆ ໃນພາ ລະກິດການສ້າງສາ ແລະ ພັດ ທະນາປະເທດຊາດເຊັ່ນວ່າ: ທາງເບື້ອງປະຊາຊົນບັນດາ ເຜົ່າເມື່ອອອກພັນສາໄປແລ້ວ ກໍຫັນຫ້າວສູ່ການຜະລິດ, ຊອກ ຢູ່ຫາກິນຕາມແຕ່ລະສາຂາອາ ຊີບ, ທຳອິດຈະການຫາເງິນຫາ ຄຳຕ່າງໆ ກໍຈະໄດ້ເດີນໜ້າ.

ອັນສຳຄັນທີ່ສຸດໃຜກໍພາ ກັນອຸ່ນໃຈ ແລະ ເຊື່ອໝັ້ນວ່າ ເມື່ອອອກພັນສາໄປແລ້ວກ້າວ ເຂົ້າລະດູແລ້ງງານມັນກໍຈະ ເດີນ, ເງິນກໍຈະມານັບທັງການ ເດີນທາງທ່ອງທ່ຽວໄປບໍ່ຄາ ມາບໍ່ຂ້ອງ, ການເຮັດການສ້າງ ທຸກຢ່າງຈະມີຄວາມສະດວກ ໂລ່ງລ່ຽນ.

ສ່ວນກິດຈະກຳທາງ ພຸດ ທະສາດສະໜານັ້ນກໍຖືວ່າພະ ສົງອົງຄະເຈົ້າໄດ້ພົ້ນອອກ ຈາກກົດຈຳພັນສາຢູ່ໃນວັດ ເປັນເວລາສາມເດືອນ ແລະ ຂັ້ນ ຕໍ່ໄປກໍຈະມີແຕ່ນຳພາອອກ ຕົນຍາດໂຍມຊາວພຸດທະບໍລິ ສັດທັງຫລາຍເຄື່ອນໄຫວເຮັດ ບຸນສິນກິນທານຕາມຮີດຄອງ ປະເພນີ ແລະ ຕາມຈຸດປະສົງ ຂອງ ຜູ້ມີສັດທາຢ່າງກວ້າງ.

ສະຫລຸບແລ້ວ, ນັບແຕ່ ເດືອນ ຕຸລາຫາເດືອນພຶດສະ ພາໃຜຈະເຮັດຫຍັງຢູ່ໃສ ກໍຕ້ອງໄດ້ສູ້ຊົນສຸມຈິດໃຈໃສ່ ໃນໄລຍະນີ້ເພື່ອໃຫ້ໄດມາ ເຊິ່ງ ຄວາມມຸ້ງຫວັງ ແລະ ຄວາມ ປາດຖະໜາທີ່ໄດ້ຄາດໝາຍ ເອົາໄວ້.

ແນວໃດກໍດີ, ຕາມທິດກ່ຳ ວ່າເມື່ອອອກພັນສາໄປແລ້ວ ການທຳຄວາມດີຕໍ່ປະເທດຊາດ ບ້ານເມືອງ ແລະ ຕໍ່ສັງຄົມນັ້ນ ມັນ ກໍມີຢ່າງຫລວງຫລາຍ ຂໍແຕ່ວ່າ ພວກເຮົາຊ່າງເຮັດ ຊ່າງໄປ.

ໃນນີ້ມັນກໍມີຢູ່ຫລາຍຮູບ ແບບ, ຫລາຍວິທີສຸດແລ້ວແຕ່ ປັດໄຈ ແລະ ເງື່ອນໄຂເປັນຕົ້ນ ວ່າ: ຫລັງຈາກເລິກປາງບຸນ ໄປແລ້ວຊາວຄ້າຂາຍຫລືວ່າ ຜູ້ປະກອບການກໍ່ຕ້ອງໄດອາ ນາໄມສະຖານທີ່ປາງບຸນໃຫ້ ມີຄວາມສະອາດຈົບງາມເພາະ ເຂດທຳບຸນມັນເປັນບ່ອນສາ ທາລະນະ, ເປັນເຂດຜັກຜ່ອນ ຢ່ອນອາລົມຂອງຜູ້ໄປທ່ອງ ທ່ຽວ.

ຜູ້ທີ່ເປັນຊາວນາ, ຊາວກະສິ ກອນ ກໍຕ້ອງໄດ້ສຸມໃສ່ການຜະ ລິດປູກເຂົ້ານາແຊງ, ລ້ຽງສັດ, ປູກຝັງພືດພັນທັນຍາຫານເພື່ອ ທົດແທນສິ່ງທີ່ໄດ້ເສຍໄປໃນ ຊ່ວງຍາມຝົນທີ່ ຜ່ານມາ.
ອີງຕາມຕົວເລກການເສຍຫາຍຈາກໄພພິບັດນ້ຳຖ້ວມໃນ ຊ່ວງລະດູຝົນແມ່ນກວມເອົາ 17 ແຂວງໃນທົ່ວປະເທດຕ່າງໆ ແຕ່ວ່າໃນມີຫລາຍມີໜ້ອຍ, ສ່ວນວ່າຈຳນວນເມືອງຕ່າງໆ ທີ່ຖືກຜົນກະທົບນັ້ນກໍມີເຖິງ 115 ເມືອງ 2.409 ບ້ານ 131.507 ຄອບຄົວ ແລະ ເນື້ອ ທີ່ການຜະລິດກໍເສຍຫາຍເຖິງ 100.000 ກວ່າເຮັກຕາ.

ໃນກອງປະຊຸມລັດຖະບານ ປະຈຳເດືອນຕະລາທີ່ໄດ້ຈັດ ຂຶ້ນໃນວັນທີ 18-19 ຜ່ານມາ ທ່ານ ນາຍົກລັດຖະມົນຕີ ທອງ ລຸນ ສີສຸລິດ ກໍໄດ້ແນະນຳ ແລະ ເນັ້ນຫລາຍບັນຫາທີ່ຕ້ອງໄດ້ ເຮັດ ແລະ ສູ້ຊົນໃນຊ່ວງເດືອນ ພະຈິກ ແລະ ໃນຂັ້ນຕໍ່ໄປເປັນ ຕົ້ນ: ໃຫ້ສືບຕໍ່ຮັກສາຄວາມ ສະຫງົບ, ຄວາມເປັນລະບຽບ ຮຽບຮ້ອຍຂອງສັງຄົມ, ກວດກາ ການນຳໃຊ້ລະບຽບ, ກົດໝາຍ, ການຄຸ້ມຄອງນຳໃຊ້ຊື່ອອນ ລາຍໃຫ້ມີຜົນປະໂຫຍດສູງ ສຸດ, ເກັບລາຍຮັບຈາກພາສີໃນ ທຸກຂົງເຂດ, ຊຸກຍູ້ສົ່ງເສີມການ ຜະລິດສິນຄ້າ, ໂຄສະນາໃຫ້ ການທ່ອງທ່ຽວໃຫ້ຫລາຍຂຶ້ນ ແລະ ບັນຫາອື່ນໆອີກ.

ທັງໝົດທີ່ໄດ້ກ່າວມານີ້, ລ້ວນແລ້ວແຕ່ໄດ້ພົວພັນເຖິງ ໜ້າທີ່ ແລະ ພັນທະ, ຄາດໝາຍ ຂອງວຽກການງານໃນຊ່ວງ ທ້າຍ ປີທີ່ຈະຕ້ອງພ້ອມກັນເຢີກ ໃຫ້ ເກີດມັນດອກອອກຜົນ.

ເຖິງຢ່າງໃດກໍດີ, ຕາມທິດ ກ່ຳວ່າ ໜ້າວຽກທີ່ຕ້ອງ ໄດ້ແກ້ ຮ້ອນແກ້ໜາວອີກສິ່ງໜຶ່ງໃນ ຊ່ວງລະດູແລ້ງນີ້ກໍແມ່ນສຸມ ໃສ່ການຜະລິດເພື່ອທົດແທນ ສິ່ງທີ່ເສຍຫາຍໄປໃນຈຳນວນ ກວ່າ 100.000 ເຮັກຕາທັງເພີ່ມ ການຜະລິດຂຶ້ນຕື່ມໃຫ້ຫລາຍ ທົບເທົ່າເວລາເກີດໄພພິບັດມາຍາມໃດກໍສາມາດຮັບມືໄດ້, ຖ້າບໍ່ ດັ່ງນັ້ນມັນຈະຄືສຸພາສິດເຂົາ ວ່າ “ທຸກຍິ່ງຊ້ຳ ຂອງວ້ຳ ຊ້ຳພັດ ຖືກຂອງກິດ” ຢາເອີຍ!./.

ອອກພັນສາລາພະເຈົ້າໃຫ້ຫັນຫ້າວສູ່ງານ - 751224 - ອອກພັນສາລາພະເຈົ້າໃຫ້ຫັນຫ້າວສູ່ງານ
(ພາບປະກອບ)