ຈົ່ງເອົາໃຈໃສ່ສ້າງ​ຂະ​ບວນການອະນາ​ໄມ​ລະບົບ​ຄອງ​ເໝືອງ ແລະ ​ຊົນລະປະທານໃຫ້ຮັບປະກັນດີ

ຈົ່ງເອົາໃຈໃສ່ສ້າງ​ຂະ​ບວນການອະນາ​ໄມ​ລະບົບ​ຄອງ​ເໝືອງ ແລະ ​ຊົນລະປະທານໃຫ້ຮັບປະກັນດີ - advert banner 728 90 728x90 - ຈົ່ງເອົາໃຈໃສ່ສ້າງ​ຂະ​ບວນການອະນາ​ໄມ​ລະບົບ​ຄອງ​ເໝືອງ ແລະ ​ຊົນລະປະທານໃຫ້ຮັບປະກັນດີ

ໃນວັນທີ 25 ຕຸລານີ້, ລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ອອກຄໍາສັ່ງ ເລກທີ 2368/ກປ ກ່ຽວກັບການສ້າງຂະບວນການ ອະນາໄມລະບົບບຫົວງານຊົນລະປະທານ ແລະ ຄອງເໝືອງ ເນື່ອງໃຫ້ໂອກາດ ວັນຊົນລະປະທານ ແຫ່ງຊາດ 3 ພະຈິກ 2018 ດັ່ງນີ້: (1) ໃຫ້ກົມຊົນລະປະທານແລະພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ​ແລະ ບັນດາ​ແຂວງເປັນເຈົ້າການສົມທົບກັບພາກສ່ວນກ່ຽວຂ້ອງໃນຂັ້ນຂອງຕົນສືບຕໍ່ໂຄສະນາເຜີຍແຜ່ເນື້ອໃນຕົ້ນຕໍຂອງກົດໝາຍວ່າດ້ວຍຊົນລະປະທານ, ຄຳ​ສັ່ງ ຂອງ​ລັດຖະມົນຕີ ສະບັບ​ເລກທີ 2065/ກປ, ລົງ​ວັນ​ທີ 5 ກັນຍາ 2018 ວ່າດ້ວຍ​ການ​ເພີ່ມ​ທະວີ​ຄວາມ​ເອົາ​ໃຈ​ໃສ່ ການ​ບົວລະບັດ​ຮັກສາ​ການ​ຜະລິດ​ໃນ​ທ້າຍ​ລະດູຝົນ 2018, ການ​ແກ້​ໄຂ​ຟື້ນ​ຟູ​ການ​ຜະລິດ ພາຍຫຼັງ​ຖືກ​ຜົນ​ກະທົບ​ຈາກ​​ໄພພິບັດ, ການ​ຜະລິດ​ເຂົ້ານາ​ແຊງ ​ແລະ ພືດ​ລະດູ​ແລ້ງ ປີ 2018-2019 ດ້ວຍຫຼາຍຮູບແບບ, ຫຼາຍລະດັບ ແລະ ຫຼາຍວິທີການໂດຍຜ່ານສື່ຕ່າງໆເປັນຕົ້ນ: ໜັງສືພິມ, ໂທລະພາບ, ວິທະຍຸໃຫ້ແກ່ພະນັກງານ, ທະຫານ,ຕຳຫຼວດ,ຜູ້ປະກອບການຕະຫຼອດຮອດປະຊາຊົນບັນດາເຜົ່າເພື່ອໃຫ້ເຂົາເຈົ້າໄດ້ຮັບຮູ້ ​ແລະ ເຂົ້າໃຈຄວາມ​ໝາຍ​ສຳຄັນ​ຂອງ​ຊົນລະປະທານ ຕໍ່​ກັບ​ການ​ຜະລິດ ​ໂດ​ຍສະ​ເພາະ​ແມ່ນ​ການ​ຜະລິດ​ລະດູ​ແລ້ງ ປີ​ນີ້, ​ເຊິ່ງ​ເປັນ​ປີ​ທີ່​ມີ​ລັກສະນະ​ພິ​ເສດ​ກວ່າ​ປີຜ່ານມາ (2). ໃຫ້ປຸກລະດົມ​ທຸກ​ພາກສ່ວນ​ເສດ​ຖະກິດ ປະກອບສ່ວນ​ທຶນຮອນ, ກຳລັງ​ແຮງ​ທີ່​ມີ ນັບ​ທັງ​ງົບປະມານ​ຂອງ​ລັດ, ຜູ້​ປະກອບ​ການ, ກອງ​ທຶນ​ກຸ່ມ​ການ​ຜະລິດ​ຂອງ​ປະຊາຊົນ ​ເພື່ອ​ບູລະນະ​ສ້ອມ​ແປງ​ລະບົບ​ຊົນລະປະທານທີ່​​ເປ່​ເພ ​ເປັນຕົ້ນ: ຫົວ​ງານ, ຄອງ​ເໝືອງ, ຈັກສູບ​ນໍ້າ ລວມທັງ​ລະບົບ​ໄຟຟ້າ​ຊົນລະປະທານ; ອັນ​ໃດ​ປະຊາຊົນ​ສາມາດ​ແກ້​ໄຂ​ເອງ​ໄດ້ ກໍ​ລະດົມ​ປະຊາຊົນ​ເຮັດ ຕາມ​ທິດ​ນຳ​ທີ່​ວ່າ:“ລັດ ​ແລະ ປະຊາຊົນ ພ້ອມ​ກັນ​ເຮັດ” ​ເປັນ​ຕົ້ນ​ແມ່ນ​ການ​ສ້ອມ​ແປງ​ນ້ອຍ , ວຽກ​ອະນາ​ໄມ ແລະ ປົວ​ແປງ​ຄອງ​ເໝືອງ​ຊອຍ…ອັນ​ສຳຄັນ, ຕ້ອງ​ໄດ້​ຈັດ​ບູລິ​ມະ​ສິດ​ໜ້າ​ວຽກ ​ເພື່ອ​ຮັບປະກັນ​ການ​ສະໜອງ​ນໍ້າ​ເຂົ້າສູ່​ການ​ຜະລິດ​ລະດູ​ແລ້ງໃຫ້​ທັນ​ເວລາ ​ແລະ ພຽງພໍ. ສຳລັບ ​ບ່ອນ​ທີ່​ມີ​ເງື່ອນ​ໄຂ​ສະດວກ​ ມີຊົນລະປະ ທານ​ນໍ້າ​ໄຫຼ​ເອງ (ນໍ້າ​​​ໃຕ້​ເຂື່ອນ) ຕ້ອງ​ໄດ້​ຈັດ​ຕັ້ງ​ທີ​ມງານ​ວິຊາ​ການ ລົງ​ປຸກລະດົມ, ຊຸກຍູ້​ສົ່ງ​ເສີມ, ທຳ​ການ​ຜະລິດ​ໃຫ້​ເຕັມ​ຄວາມ​ອາດ​ສາມາດ.  ບໍ່​ປະປ່ອຍ​ໃຫ້​ເນື້ອ​ທີ່​ຫົດ​ນໍ້າ​ຊົນລະປະທານ ກາຍ​ເປັນ​ນາ​ເຮື້ອ ​ ພ້ອມ​ກັນປະຕິບັດ​ທິດ​ນຳ​ທີ່​ວ່າ:​ “ນໍ້າ​ເຖິງ​ໃສ ການ​ຜະລິດ​ເຖິງ​ນັ້ນ” (3). ໃຫ້​ສະ​ເໜີ​ຕໍ່​ເຈົ້າຄອງ​ນະຄອນ ​ແລະ ທ່ານ​ເຈົ້າ​ແຂວງ ຊີ້​ນຳພາ​ກສ່ວນ​ກ່ຽວຂ້ອງ ​ເປີດ​ໄຟຟ້າ​ຊົນລະປະທານ ​ໃຫ້​ທັນ​ການ ຖື​ເອົາ​ວັນ​ເປີດ​ນໍ້າ​ຊົນລະປະທານ (ວັນ​ທີ 03 ພະຈິກ 2018) ​ເປັນ​ມື້ເລີ່​ມຕົ້ນການ​ຜະລິດ​ລະດູ​ນາ​ແຊງ ຢ່າງ​ເປັນ​ທາງ​ການ ການ​ຕົກກ້າ​ຊ້າ​ສຸດ​ບໍ່​ໃຫ້​ກາຍ​ກາງ​ເດືອນ​ພະຈິກ 2018 ແລະ ​ໃຫ້​ສາມາດ​ເກັບ​ກ່ຽວ​ທັນ ​ໃນ​ຕົ້ນ​ເດືອນ​ເມສາ 2019 (ກ່ອນ​ບຸນປີ​ໃໝ່ລາວ) ​ເພື່ອ​ຫຼີກ​ລ້ຽງ​ຝົນຕົກ​ຮໍາ​ໃນ​ເວລາ​ເກັບ​ກ່ຽວ, ພ້ອມ​ດຽວ​ກັນ ກໍປຸກລະດົມຂົນຂວາຍແຮງງານຊາວໜຸ່ມ, ນັກຮຽນ-ນັກສຶກສາ ແລະ ປະຊາຊົນເພື່ອພ້ອມກັນຟື້ນຟູ, ສ້ອມແປງຊົນລະປະທານຕິດພັນກັບການສ້າງຂະບວນການອອກແຮງງານລວມ (ວັນເສົາແດງ) ດ້ວຍການອະນາໄມລະບົບຫົວງານ, ລະບົບຄອງເໝືອງ, ປະຕູນ້ຳແລະອາຄານຕ່າງໆຕາມຄອງເໝືອງຊົນລະປະທານໃຫ້ເປັນຂະບວນຟົດຟື້ນເພື່ອໃຫ້ນໍ້າໄຫຼສະດວກ, ຫຼຸດຜ່ອນການຮົ່ວຊຶມຂອງນໍ້າ, ຮັບປະກັນການສະໜອງນ້ຳເຂົ້າສູ່ການຜະລິດກະສິກໍາໃຫ້ທັນລະດູການຢ່າງພຽງພໍແລະຕໍ່ເນື່ອງ; (4). ໃຫ້ສືບຕໍ່ຊຸກຍູ້ແລະເລັ່ງທວງຜູ້ຮັບເໝົາກໍ່ສ້າງ-ສ້ອມແປງບັນດາໂຄງການຊົນລະປະທານຕ່າງໆທີ່ໄດ້ເຊັນກັນໄປແລ້ວປະຕິບັດໜ້າວຽກໃຫ້ສໍາເລັດຕາມກໍານົດເວລາ. ພ້ອມທັງນຳໃຊ້ມາດຕະການຕໍ່ຜູ້ລະເມີດກົດໝາຍວ່າດ້ວຍຊົນລະປະທານແລະສັນຍາຢ່າງເຂັ້ມງວດ; (5). ສຳລັບການຈັດພິທີເນື່ອງໃນໂອກາດວັນຊົນລະປະທານແຫ່ງຊາດ ວັນທີ 03 ​ພະຈິກ 2018ນີ້, ໃຫ້ອີງໃສ່ສະພາບເງື່ອນໄຂຂອງແຕ່ລະທ້ອງຖິ່ນແຕ່ຕ້ອງຮັບປະກັນເນື້ອໃນເປັນຕົ້ນຕໍບົນຈິດໃຈປະຢັດມັດທະຍັດແລະຕ້ານການຟຸມເຟືອຍ (6). ໃຫ້ກົມຊົນລະປະທານອອກຄຳແນະນຳດ້ານວິຊາການເພື່ອຜັນຂະຫຍາຍຄຳສັ່ງສະບັບນີ້ເປັນອັນລະອຽດໃຫ້ແກ່ຂະແໜງການສາຍຕັ້ງຂອງຕົນຢູ່ທ້ອງຖິ່ນເພື່ອຈັດຕັ້ງປະຕິບັດ ແລະ ຜ່ານການຈັດຕັ້ງປະຕິບັດມີຂໍ້ສະດວກ, ຂໍ້ຫຍຸ້ງຍາກແນວໃດໃຫ້ລາຍງານການນຳກະຊວງກະສິກຳແລະປ່າໄມ້ໄດ້ຮັບຊາບເປັນປົກກະຕິເພື່ອຫາວິທີແກ້ໄຂຢ່າງທັນການ.

ຈົ່ງເອົາໃຈໃສ່ສ້າງ​ຂະ​ບວນການອະນາ​ໄມ​ລະບົບ​ຄອງ​ເໝືອງ ແລະ ​ຊົນລະປະທານໃຫ້ຮັບປະກັນດີ - lattana 1 - ຈົ່ງເອົາໃຈໃສ່ສ້າງ​ຂະ​ບວນການອະນາ​ໄມ​ລະບົບ​ຄອງ​ເໝືອງ ແລະ ​ຊົນລະປະທານໃຫ້ຮັບປະກັນດີ