ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)

ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ) - advert banner 728 90 728x90 - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)

ໃນວັນທີ 25 ຕຸລາ ນີ້, ລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ອອກຄໍາສັ່ງ ເລກທີ 2369/ກປ, ກ່ຽວກັບການສ້າງຂະບວນການ ສັກຢາກັນພະຍາດສັດ ເນື່ອງໃນໂອກາດວັນສັກຢາກັນພະຍາດສັດແຫ່ງຊາດວັນທີ 11 ພະຈິກ, ໃຫ້ເປັນຂະບວນຟົດຟື້ນຄື.

ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ) - lattana 1 - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)

ໃຫ້ກົມລ້ຽງສັດ ແລະ ການປະມົງປະສານສົມທົບກັບພະແນກກະສິກຳແລະປ່າໄມ້ປະຈຳແຂວງ, ນະຄອນຫຼວງວຽງຈັນ, ອົງການປົກຄອງທ້ອງຖິ່ນແຕ່ລະຂັ້ນ ແລະຂະແໜງການທີ່ກ່ຽວຂ້ອງ ສືບ​ຕໍ່ໂຄສະນາເຜີຍແຜ່ເນື້ອໃນຕົ້ນຕໍ​ຂອງກົດໝາຍ, ດຳລັດ, ຄຳ​ສັ່ງ, ຂໍ້ຕົກລົງ,​ ຄຳ​ແນະນຳ ແລະ ແຈ້ງການ​ຕ່າງໆ ທີ່ຕິດພັນກັບການລ້ຽງສັດ ແລະ ສັດຕະວະແພດໃຫ້ແກ່ພະນັກງານ-ລັດຖະກອນ, ຕະຫຼອດຮອດປະຊາຊົນບັນດາເຜົ່າດ້ວຍຫຼາຍຮູບແບບ,ຫຼາຍລະດັບ ແລະ ຫຼາຍວິທີການທີ່ແຕກຕ່າງກັນ ຕາມຈຸດພິເສດຂອງແຕ່ລະເປົ້າໝາຍໂດຍຜ່ານສື່ຕ່າງໆ ເປັນຕົ້ນ ໜັງສືພິມ, ໂທລະພາບ, ວິທະຍຸ, ຈັດກິດຈະກຳຖາມ-ຕອບ, ກອງປະຊຸມສໍາມະນາ, ປາຖະກະຖາ ໂດຍຍົກໃຫ້ເຫັນຄວາມ​ສຳຄັນ​ຂອງ​ການເຝົ້າລະວັງ, ການ​ປ້ອງ​ກັນ ​ແລະ​ຕ້າ​ນພະຍາດ​ສັດ ລວມທັງ​ຄວາມ​ເສຍ​ຫາຍ ທີ່​ເກີດ​ຈາກ​ການຖື​ເບົາ​ຕໍ່​ວຽກ​ງານ​ສັກ​ຢາ​ກັນ​ພະຍາດ​ສັດແລະຕັ້ງໜ້າປະຕິບັດຕາມທິດນໍາທີ່ວ່າ “ການກັນພະຍາດສັດເປັນໜ້າທີ່ຂອງທົ່ວປວງຊົນ”.

ໃຫ້ພະແນກກະສິກຳ ແລະ ປ່າໄມ້ປະຈຳແຂວງ, ນະຄອນຫຼວງວຽງຈັນ ຄົ້ນຄວ້າ ແລະ ນໍາສະເໜີເຈົ້າຄອງນະຄອນຫຼວງ ແລະ ເຈົ້າແຂວງແຕ່ງຕັ້ງຄະນະຮັບຜິດຊອບຊີ້ນໍາລວມຊຶ່ງປະກອບດ້ວຍທ່ານຮອງເຈົ້າແຂວງ, ຮອງເຈົ້າຄອງນະຄອນເປັນປະທານ, ບັນດາພະແນກການກ່ຽວຂ້ອງຂັ້ນແຂວງເປັນຄະນະເຮັດໜ້າທີ່ຊີ້ນໍາ-ນໍາພາການຈັດຕັ້ສະເຫຼີມສະຫຼອງວັນສັກຢາກັນພະຍາດສັດແຫ່ງຊາດຕະຫຼອດເດືອນພະຈິກ 2018, ພ້ອມກັນນັ້ນກໍຂຶ້ນແຜນຄວາມຕ້ອງການຢາກັນພະຍາດສັດ (ແຜນສະ​ເພາະມື້ເປີດຂະບວນການສັກຢາກັນພະຍາດສັດ ວັນ​ທີ 11 ພະຈິກ 2018 ​ແລະ ​ແຜນ​ປົກກະຕິ​ຕາມ​ກຳນົດ​ເວລາ​ສັກ​ຢາ​ກັນ​ພະຍາດ​ສັດ) ແລ້ວສົ່ງໃຫ້ກົມລ້ຽງສັດ ແລະ ການປະມົງ ເພື່ອ​ຜະລິດ ​ແລະ​ ສະໜອງ​ໃຫ້​ຕາມ​ຄວາມເໝາະສົມ; ສໍາລັບງົບປະມານ ຮັບໃຊ້ໃນການເຄື່ອນໄຫວ ສ້າງຂະບວນການສັກຢາກັນພະຍາດສັດ ເປັນຕົ້ນງົບປະມານໃນການລົງເຄື່ອນໄຫວ, ຈັດຊື້ຢາກັນພະຍາດ ແລະ ວັດຖຸປະກອນຮັບໃຊ້ທີ່ຈຳເປັນ ແມ່ນມອບໃຫ້ພະແນກກະສິກຳ ແລະປ່າໄມ້ປະຈຳແຂວງ, ນະຄອນຫຼວງ ເປັນຜູ້ຮັບຜິດຊອບ ໂດຍປຸກລະດົມ, ຂົນຂວາຍ ແລະຍາດແຍ່ງການຊ່ວຍເຫຼືອຈາກພາກສ່ວນກ່ຽວຂ້ອງພາຍໃນທ້ອງ​ຖິ່ນຕົນ.

ໃນຊ່ວງທ້າຍລະດູຝົນ ແລະ ຕົ້ນລະດູໜາວນີ້, ໃຫ້ກົມລ້ຽງສັດ ແລະ ການປະມົງ ສົມທົບກັບພະແນກກະສິກໍາ ແລະ ປ່າໄມ້ນະຄອນຫຼວງ ແລະ ບັນດາແຂວງ ເພີ້ມທະວີວຽກງານໂຄສະນາເຜີຍແຜ່, ແນະນໍາຊຸກຍູ້ຊາວກະສິກອນຜູ້ລ້ຽງສັດ ເອົາໃຈໃສ່ດູແລຮັກສາສຸຂະພາບສັດລ້ຽງຂອງຕົນໃຫ້ດີ, ເພາະນອກຈາກຈະສັກຢາປ້ອງກັນແລ້ວ, ອັນສໍາຄັນກໍຍັງແມ່ນການປູກຫຍ້າ, ຮັກສາເຟືອງ, ປຸງແຕ່ງກ້ອນແຮ່ທາດ ເພື່ອຮັບປະກັນໃຫ້ສັດມີອາຫານຢ່າງພຽງພໍ, ນອກຈາກນັ້ນກໍຕ້ອງປຸກສ້າງຄອກໃຫ້ສັດລ້ຽງຢ່າງເໜາະສົມ ເພື່ອຫຼີກລຽງຜົນກະທົບໂດຍກົງ ຈາກອາກາດປັ່ນປ່ວນ.

ໃຫ້ຖືເອົາວັນສັກຢາກັນພະຍາດສັດແຫ່ງຊາດ ວັນທີ 11 ພະຈິກ ຂອງ​ທຸກໆປີ ເປັນການປຸກລະດົມສ້າງຈິດສຳນຶກ ແລະ ກຳລັງແຮງທົ່ວປວງຊົນ​ ເພື່ອປ້ອງກັນ, ເຝົ້າລະວັງ ບໍ່ໃຫ້​ເກີດ​ພະຍາດສັດໃນຝູງສັດລ້ຽງ ຕິດ​ພັນ​ກັບ​ການຍົກສູງສະຕິ​ເປັນເຈົ້າໃນການປ້ອງກັນ ແລະຮັກສາສຸຂະພາບສັດລ້ຽງຂອງ​ຕົນ ຕາມທິດນຳທີ່ວ່າ “ຖືເອົາການປ້ອງກັນເປັນຕົ້ນຕໍ ເອົາການປິ່ນປົວ ເປັນສຳຄັນ”. ສຳລັບການຈັດພິທີເນື່ອງໃນໂອກາດວັນສັກຢາກັນພະຍາດສັດແຫ່ງຊາດ 11 ພະຈິກ 2018 ນີ້, ໃຫ້ອີງໃສ່ຄວາມ​ສະດວກ ​ແລະເງື່ອນໄຂຕົວ​ຈິງຂອງແຕ່ລະທ້ອງຖິ່ນ ແຕ່ຕ້ອງຮັບປະກັນເນື້ອໃນເປັນຕົ້ນຕໍ ບົນຈິດໃຈປະຢັດມັດທະຍັດ ​ແລະຕ້ານການຟຸມເຟືອຍ. ສ່ວນ​ທ້ອງ​ຖິ່ນທີ່ມີເງື່ອນໄຂກໍໃຫ້ຈັດການແຂ່ງຂັນປະກວດສັດລ້ຽງປະເພດຕ່າງໆ ຕາມຄວາມເໝາະສົມ.

5.​ ມອບໃຫ້ກົມລ້ຽງສັດ ແລະ ການປະມົງສົມທົບກັບພະແນກກະສິກໍາແລະປ່າໄມ້ປະຈໍາແຂວງ, ນະຄອນຫຼວງວຽງຈັນຊຸກຍູ້, ຕິດຕາມແລະປະເມີນຜົນການຈັດຕັ້ງປະຕິບັດວຽກງານຄັ້ງນີ້ເພື່ອຊອກໃຫ້ເຫັນບຸກຄົນ, ຄອບຄົວແລະການຈັດຕັ້ງທີ່ໄດ້ປະກອບສວ່ນເຫື່ອແຮງ ແລະ ທຶນຮອນເຂົ້າໃນວຽກງານດັ່ງກ່າວ ແລ້ວນໍາສະເໜີຂັ້ນເທິງພິຈາລະນາຍ້ອງຍໍດ້ວຍກຽດຕິຄຸນ, ວັດຖຸພັນແລະອື່ນໆຕາມດຳລັດ ຂອງນາຍົກລັດຖະມົນຕີ ເລກທີ 121/ນຍ, ລົງວັນທີ 24 ກຸມພາ 2010 ວ່າດ້ວຍການເພີ່ມທະວີວຽກງານແຂ່ງຂັນ – ຍ້ອງຍໍໃນໄລຍະໃໝ່.

  1. ຜ່ານການຈັດຕັ້ງປະຕິບັດຕົວຈິງມີຂໍ້ຫຍຸ້ງຍາກ, ສະດວກແນວໃດ ໃຫ້ລາຍງານກະຊວງກະສິກຳ ແລະປ່າໄມ້ ໄດ້ຮັບຊາບເປັນແຕ່ລະໄລຍະ ເພື່ອຫາວິທີແກ້ໄຂຢ່າງທັນການ.