Lion Air ມີບັນຫາແລ້ວ ກ່ອນຍົນຈະຕົກ

lion air ມີບັນຫາແລ້ວ ກ່ອນຍົນຈະຕົກ - advert banner 728 90 728x90 - Lion Air ມີບັນຫາແລ້ວ ກ່ອນຍົນຈະຕົກ

ມີ​ລາຍ​ງານ​ວ່າ: ​ເຮື​ອບິນ​ໂດຍສານ​ສາຍ​ການບິນ​ໄລອອນ ​ແອ ຂອງ​ອິນ​ໂດ​ເນ​ເຊຍ ທີ່​ນຳ​ຜູ້​ໂດຍສານ​ເກືອບ 200 ຄົນ ​ໄປ​ຕົກ​ທະ​ເລ​ໃນ​ວັນ​ທີ 29 ຕຸລາ ຫາ​ກໍ​ເກີດ​ບັນຫາ​ຂັດຂ້ອງ​ທາງ​ເຕັກນິກ​ພຽງ​ມື້ດຽວ ກ່ອນ​ປະສົບ​ອຸປະຕິ​ເຫດ.

lion air ມີບັນຫາແລ້ວ ກ່ອນຍົນຈະຕົກ - lattana 1 - Lion Air ມີບັນຫາແລ້ວ ກ່ອນຍົນຈະຕົກ

lion air ມີບັນຫາແລ້ວ ກ່ອນຍົນຈະຕົກ - Lion Air Crash Reuters 1540823172 - Lion Air ມີບັນຫາແລ້ວ ກ່ອນຍົນຈະຕົກ

​ເຮືອບິນ​ລຳ​ດັ່ງກ່າວ​ເປັນ​ໂບອິ້ງ 737 ຖ້ຽວ​ບິນ JT 610 ພ້ອມ​ຜູ້​ໂດຍສານ ​ແລະ ຈຸ​ບິນ​ລວມ 189 ຄົນ ປະສົບ​ອຸປະຕິ​ເຫດ​ຕົກ​ທະ​ເລ​ຊະວາ ຫລັງ​ອອກ​ຈາກ​ນະຄອນຫລວງ​ຈາ​ກາ​ຕາ​ຈະ​ໄປ​ເມືອງ​ປັງ​ກັລ ປີ​ນັງ ຢູ່​ເກາະ​ບັງ​ກາ ​ເບ​ລິ​ຕຸ​ງ ​ແຕ່​ບິນ​ຂຶ້ນ​ໄດ້​ພຽງ 13 ນາທີ ກັບຕັນ​ໄດ້​ຂໍ​ບິນ​ກັບ​ສະໜາມ​ບິນ​ນະຄອນຫລວງ​ຈາ​ກາ​ຕາ ​ແຕ່​ຫລັງ​ຈາກ​ນັ້ນກໍ​ຂາດ​ການ​ຕິດ​ຕໍ່ ​ແລະ ຈາກ​ການຄົ້ນຫາ​ຂອງ​ໜ່ວຍ​ກູ້​ໄພ​ຍັງ​ບໍ່​ມີ​ສັນຍານ​ໃດໆ​ບົ່ງ​ບອກ​ວ່າ ຈະ​ມີ​ຜູ້​ລອດ​ຊີວິດ.

ຈາກ​ການກວດ​ສອບ​ພົບ​ວ່າ: ກ່ອນ​ໜ້າ​ນີ້​ວັນ​ທີ 28 ຕຸລາ ​ໄລຍະ​ທີ່​ເຮືອບິນ​ລຳ​ນີ້​ບິນ​ຈາກ​ເກາະ​ບາ​ຫລີ​ມາ​ນະຄອນຫລວງ​ຈາ​ກາ​ຕາ ມີ​ລາຍ​ງານ​ວ່າ​ເຄື່ອງ​ມີ​ບັນຫາ​ດ້ານ​ອຸປະກອນ​ມາ​ກ່ອນ​ແລ້ວ ​ໂດຍ​ພົບ​ວ່າ​ອຸປະກອນ​ຂອງ​ກັບຕັນ ​ເຊິ່ງ​ເຮັດ​ໜ້າ​ທີ່​ລາຍ​ງານ​ຄວາມ​ໄວ​ຂອງ​ເຮືອບິນ ​ແລະ ​ເພດານ​ບິນ​ເຮັດ​ວຽກ​ຜິດພາດ ຈົນ​ກັບຕັນ​ຕ້ອງ​ໃຫ້​ຜູ້​ຊ່ວຍ​ນັກ​ບິນ​ຄວບ​ຄຸມ​ເຮືອບິນ​ແທນ ​ແຕ່​ກັບຕັນ​​ໄດ້​ຕັດສິນ​ໃຈ​ບິນ​ຕໍ່ ​ແລະ ລົງ​ຈອດ​ຢູ່​ສະໜາມ​ບິນ​ນະຄອນຫລວງ​ຈາ​ກາ​ຕາ​ໄດ້​ໂດຍ​ປອດ​ໄພ.

ທ່ານ ​ເອັດ​ເວີ​ດ ຊີຣາອິດ ຫົວໜ້າ​ຜູ້​ບໍລິຫານ​ຂອງ ​ໄລ​ອອນ ​ແອ ​ເປີດ​ເຜີຍ​ວ່າ: ບັນຫາ​ອຸປະກອນ​ລາຍ​ງານ​ຜິດພາດ​ດັ່ງກ່າວ​ໄດ້​ຮັບ​ການ​ແກ້​ໄຂ​ແລ້ວ ​ໂດຍ​ອ້າງ​ວ່າ​ຖ້າ​ອຸປະກອນ​ຍັງ​ລາຍ​ງານ​ຜິດພາດ​ແທ້ ຈະ​ບໍ່​ຍອມ​ໃຫ້​ຂຶ້ນບິນ​ແນ່ນອນ ​ແລະ ​ເຮືອບິນ​ຮຸ່ນ​ນີ້​ເປັນ​ຊະນິດ 737 ​ແມັກ ​ເຊິ່ງອັບ​ເດດ​ຈາກ​ຮຸ່ນ 737 ​​ເກົ່າ, ​ໄລ​ອອນ ​ແອ ມີ​ບິນ​ຢູ່ 8 ລຳ ມີ​ພຽງ​ລຳ​ນີ້​ລຳ​ດຽວ​ທີ່​ມີ​ບັນຫາ.