ຍີ່ປຸ່ນສົ່ງເສີມໃຫ້ພະນັກງານບໍ່ຕ້ອງເຮັດວຽກໃນເຊົ້າວັນຈັນ

ຍີ່ປຸ່ນສົ່ງເສີມໃຫ້ພະນັກງານບໍ່ຕ້ອງເຮັດວຽກໃນເຊົ້າວັນຈັນ - advert banner 728 90 728x90 - ຍີ່ປຸ່ນສົ່ງເສີມໃຫ້ພະນັກງານບໍ່ຕ້ອງເຮັດວຽກໃນເຊົ້າວັນຈັນ

ກະຊວງເສດຖະກິດຍີ່ປຸ່ນຮຽກຮ້ອງໃຫ້ຄົນໄດ້ເຂົ້າວຽກໃນຕອນບ່າຍຂອງວັນຈັນເດືອນລະເທື່ອ ພາຍໃຕ້ໂຄງການ ວັນຈັນທີ່ສົດໃສ  (Shining Monday) ເພື່ອສົ່ງເສີມໃຫ້ຄົນເຮັດວຽກໜ້ອຍລົງ ແລະ ສ້າງຄວາມດຸ່ນດ່ຽງໃນການເຮັດວຽກ ແລະ ການໃຊ້ຊີວິດ. ຂໍ້ຮຽກຮ້ອງນີ້ເປັນຜົນມາຈາກໂຄງການ Premium Friday”  ເຊິ່ງລັດຖະບານສົ່ງເສີມໃຫ້ຄົນເລີກວຽກໃນຕອນບ່າຍສາມໂມງແລງໃນວັນສຸກສຸດທ້າຍຂອງເດືອນເພື່ອຈະໄດ້ມີເວລາອອກໄປຈັບຈ່າຍໃຊ້ສອຍຫລາຍຂຶ້ນ ເຊິ່ງຊ່ວຍກະຕຸ້ນເສດຖະກິດ. ໂຄງການນີ້ເປັນແນວຄິດທີ່ໄດ້ຈາກການທົດລອງຂອງກະຊວງເສດຖະກິດຂອງຍີ່ປຸ່ນທີ່ອະນຸຍາດໃຫ້ລັດຖະກອນຂອງກະຊວງປະມານ 30% ລາພັກວຽກໃນຕອນເຊົ້າ ນອກຈາກນີ້ກະຊວງຍັງມີແຜນຈະໃຫ້ບໍລິສັດເອກະຊົນຍ່ີປຸ່ນເຮັດຄືກັນ, ແຕ່ຈະໃຫ້ເປັນໄປໂດຍຄວາມສະໝັກໃຈຂອງແຕ່ລະບໍລິສັດ ຄືກັນກັບໂຄງການ Premium Friday”  ທີ່ເມື່ອດຳເນີນໂຄງການໃນປີທຳອິດຍັງບໍ່ໄດ້ຜົນພໍປານໃດ ເພາະວັນສຸກສຸດທ້າຍຂອງເດືອນເປັນໄລຍະເວລາທີ່ວຸ້ນວາຍສຳລັບຫລາຍບໍລິສັດທີ່ຕ້ອງຮີບຟ້າວສະສາງວຽກໃຫ້ແລ້ວ.

ຍີ່ປຸ່ນສົ່ງເສີມໃຫ້ພະນັກງານບໍ່ຕ້ອງເຮັດວຽກໃນເຊົ້າວັນຈັນ - lattana 1 - ຍີ່ປຸ່ນສົ່ງເສີມໃຫ້ພະນັກງານບໍ່ຕ້ອງເຮັດວຽກໃນເຊົ້າວັນຈັນ

ສາເຫດທີ່ລັດຖະບານພະຍາຍາມຫາທາງໃຫ້ຄົນເຮັດວຽກໜ້ອຍລົງມີເຫດຜົນຈາກເລື່ອງສຸຂະພາບ ໂດຍຜົນສຳຫລວດຂອງ ລັດຖະບານໃນປີ 2016 ພົບວ່າ : ພະນັກງານ 20% ຈາກຈຳນວນ 10.000 ຄົນ ເຮັດວຽກລ່ວງເວລາຢ່າງໜ້ອຍ 80 ຊົ່ວໂມງຕໍ່ ເດືອນ ໂດຍຍີ່ປຸ່ນພົບກໍລະນີການເກີດ ຄາໂຣຊິ ຫລື ການຕາຍຍ້ອນການເຮັດວຽກໜັກ ເຊິ່ງມີສາເຫດຈາກພະຍາດທາງສະໝອງ ແລະ ຫົວໃຈມາຕັ້ງແຕ່ຕົ້ນທົດສະວັດ 1960  ແລະ ໃນປີ 2017 ລັດຖະບານລະບຸວ່າມີຜູ້ເສຍຊີວິດຈາກການເຮັດວຽກໜັກ 236 ຄົນ. ນອກຈາກນີ້ຍັງມີຄົນທີ່ຂ້າໂຕຕາຍ  208 ຄົນ ຍ້ອນບັນຫາສຸຂະພາບຈິດ ເຊິ່ງເມື່ອກວດສອບຍ້ອນຫລັງໄປພົບວ່າມີສາເຫດມາຈາກການເຮັດວຽກ.

ນອກຈາກນີ້, ຜູ້ຊ່ຽວຊານຍັງບອກວ່າສະຖິຕິເຫລົ່ານັ້ນເປັນພຽງແຕ່ຍອດຂອງພູເຂົານຳ້ກ້ອນເທົ່ານັ້ນ ເພາະໃນທຸກໆປີມີຄອບ ຄົວປະມານ 2.000 ຄອບຄົວທີ່ຮຽກຮ້ອງເງິນຊົດເຊີຍຈາກການເສຍຊີວິດໃນລັກສະນະຄ້າຍໆກັນ.

ໃນປິ 2017 ພະນັກງານບໍລິສັດຍີ່ປຸ່ນເຮັດວຽກໂດຍສະເລ່ຍ 1.710 ຊົ່ວໂມງຕໍ່ປີ ເຊິ່ງຫລາຍກ່ວາປະເທດພັດທະນາອື່ນໆໃນເອີຣົບ, ແຕ່ກໍໜ້ອຍກ່ວາໃນສະຫະລັດອາເມລິກາ ແລະ ເກົາຫລີໃຕ້ ເຊິ່ງໂດຍສະເລ່ຍພະນັກງານບໍລິສັດເຮັດວຽກຫລາຍກ່ວາ 2.000 ຊົ່ວໂມງໃນປີ 2017 ຜູ້ຊ່ຽວຊານລະບຸວ່າ ພະນັກງານເຮັດວຽກດົນກ່ວາທີ່ແຈ້ງໄວ້. ທາງດ້ານນາຍົກລັດຖະມົນຕີ ຊິນໂຊ ອາເບະ ພະຍາຍາມແກ້ໄຂບັນຫາໂດຍການກຳໜົດຫ້າມເຮັດວຽກລ່ວງເວລາເກີນ 100 ຊົ່ວໂມງຕໍ່ເດືອນ, ແຕ່ພັກຝ່າຍຄ້ານບອກວ່າໜ້າຈະມີມາດຕະການທີ່ດີກ່ວານີ້ໄດ້.

ນອກຈາກໂຄງການເພື່ອສຸຂະພາບຈິດ ຫລື ມາດຕະການໂດຍລັດຖະບານແລ້ວ ສາດສະດາຈານ ຊິຣາຮາເຊະ ບອກວ່າຕ້ອງເປັນຄົນໃນລະດັບຫົວໜ້າທີ່ຈະຊ່ວຍປ່ຽນແປງວັດທະນະທຳໃນບ່ອນເຮັດວຽກໄດ້ ເພາະສັງຄົມຍີ່ປຸ່ນໃຫ້ຄວາມສຳຄັນກັບການເຮັດ ວຽກໜັກ ແລະ ເປັນປົກກະຕິທີ່ຫົວໜ້າຄາດຫວັງໃຫ້ພະນັກງານເລີກວຽກຫລັງຈາກພວກເຂົາ. ກະຊວງສຸຂະພາບ, ແຮງງານ ແລະ ສະຫວັດດີການ ລະບຸວ່າ ພະນັກງານຍີ່ປຸ່ນລາພັກວຽກພຽງແຕ່ປີລະປະມານ 8 ມື້ ເຊິ່ງໜ້ອຍກ່ວາທີ່ພວກເຂົາມີສິດລາພັກກ່ວາເຄິ່ງໜຶ່ງ ແລະ ເມື່ອເຖິງເວລາພັກ ບາງສ່ວນກໍບໍ່ໄດ້ຮູ້ສຶກວ່າເປັນຊ່ວງເວລາຂອງການພັກຜ່ອນ ແບບສຳຫລວດໃນປີກາຍນີ້ ໂດຍເວັບໄຊກ່ຽວກັບການທ່ອງທ່ຽວ Expedia  ລະບຸວ່າ 3 ໃນ 5 ໃນຈຳນວນຮູ້ສຶກຜິດເມື່ອລາພັກວຽກ.